Srimad Bhagavadgita Slokas in Tamil

ௐ

॥ श्रीमद्भगवद्गीता ॥

॥ ஶ்ரீமத்³ப⁴க³வத்³கீ³தா ॥

கீதா த்⁴யாநஶ்லோகங்கள்

ௐ பார்தா²ய ப்ரதிபோ³தி⁴தாம் ப⁴க³வதா நாராயணேந ஸ்வயம்
வ்யாஸேந க்³ரதி²தாம் புராணமுநிநா மத்⁴யே மஹாபா⁴ரதம் ।
அத்³வைதாம்ருʼதவர்ஷிணீம் ப⁴க³வதீமஷ்டாத³ஶாத்⁴யாயிநீம்
அம்ப³ த்வாமநுஸந்த³தா⁴மி ப⁴க³வத்³கீ³தே ப⁴வேத்³வேஷிணீம் ॥ 1॥

நமோঽஸ்து தே வ்யாஸ விஶாலபு³த்³தே⁴ பு²ல்லாரவிந்தா³யதபத்ரநேத்ர ।
யேந த்வயா பா⁴ரததைலபூர்ண: ப்ரஜ்வாலிதோ ஜ்ஞாநமய: ப்ரதீ³ப: ॥ 2॥

ப்ரபந்நபாரிஜாதாயதோத்ரவேத்ரைகபாணயே ।
ஜ்ஞாநமுத்³ராய க்ருʼஷ்ணாய கீ³தாம்ருʼதது³ஹே நம: ॥ 3॥

ஸர்வோபநிஷதோ³ கா³வோ தோ³க்³தா⁴ கோ³பால நந்த³ந: ।
பார்தோ² வத்ஸ: ஸுதீ⁴ர்போ⁴க்தா து³க்³த⁴ம் கீ³தாம்ருʼதம் மஹத் ॥ 4॥

வஸுதே³வஸுதம் தே³வம் கம்ஸசாணூரமர்த³நம் ।
தே³வகீபரமாநந்த³ம் க்ருʼஷ்ணம் வந்தே³ ஜக³த்³கு³ரும் ॥ 5॥

பீ⁴ஷ்மத்³ரோணதடா ஜயத்³ரத²ஜலா கா³ந்தா⁴ரநீலோத்பலா
ஶல்யக்³ராஹவதீ க்ருʼபேண வஹநீ கர்ணேந வேலாகுலா ।
அஶ்வத்தா²மவிகர்ணகோ⁴ரமகரா து³ர்யோத⁴நாவர்திநீ
ஸோத்தீர்ணா க²லு பாண்ட³வை ரணநதீ³ கைவர்தக: கேஶவ: ॥ 6॥

பாராஶர்யவச: ஸரோஜமமலம் கீ³தார்த²க³ந்தோ⁴த்கடம்
நாநாக்²யாநககேஸரம் ஹரிகதா²ஸம்போ³த⁴நாபோ³தி⁴தம் ।
லோகே ஸஜ்ஜநஷட்பதை³ரஹரஹ: பேபீயமாநம் முதா³
பூ⁴யாத்³பா⁴ரதபங்கஜம் கலிமலப்ரத்⁴வம்ஸி ந: ஶ்ரேயஸே ॥ 7॥

மூகம் கரோதி வாசாலம் பங்கு³ம் லங்க⁴யதே கி³ரிம் ।
யத்க்ருʼபா தமஹம் வந்தே³ பரமாநந்த³மாத⁴வம் ॥ 8॥

யம் ப்³ரஹ்மா வருணேந்த்³ரருத்³ரமருத: ஸ்துந்வந்தி தி³வ்யை: ஸ்தவை:
வேதை:³ ஸாங்க³பத³க்ரமோபநிஷதை³ர்கா³யந்தி யம் ஸாமகா:³ ।
த்⁴யாநாவஸ்தி²ததத்³க³தேந மநஸா பஶ்யந்தி யம் யோகி³நோ
யஸ்யாந்தம் ந விது:³ ஸுராஸுரக³ணா தே³வாய தஸ்மை நம: ॥ 9॥

॥ ௐ ஶ்ரீ பரமாத்மநே நம: ॥

॥ அத² ஶ்ரீமத்³ப⁴க³வத்³கீ³தா ॥

அத² ப்ரத²மோঽத்⁴யாய:  

01 அர்ஜுநவிஷாத³யோக:³

        த்⁴ருʼதராஷ்ட்ர உவாச ।

த⁴ர்மக்ஷேத்ரே குருக்ஷேத்ரே ஸமவேதா யுயுத்ஸவ: ।

மாமகா: பாண்ட³வாஶ்சைவ கிமகுர்வத ஸஞ்ஜய ॥ 1-1॥

        ஸஞ்ஜய உவாச ।

த்³ருʼஷ்ட்வா து பாண்ட³வாநீகம் வ்யூட⁴ம் து³ர்யோத⁴நஸ்ததா³ ।

ஆசார்யமுபஸங்க³ம்ய ராஜா வசநமப்³ரவீத் ॥ 1-2॥

பஶ்யைதாம் பாண்டு³புத்ராணாமாசார்ய மஹதீம் சமூம் ।

வ்யூடா⁴ம் த்³ருபத³புத்ரேண தவ ஶிஷ்யேண தீ⁴மதா ॥ 1-3॥

அத்ர ஶூரா மஹேஷ்வாஸா பீ⁴மார்ஜுநஸமா யுதி⁴ ।

யுயுதா⁴நோ விராடஶ்ச த்³ருபத³ஶ்ச மஹாரத:² ॥ 1-4॥

த்⁴ருʼஷ்டகேதுஶ்சேகிதாந: காஶிராஜஶ்ச வீர்யவாந் ।

புருஜித்குந்திபோ⁴ஜஶ்ச ஶைப்³யஶ்ச நரபுங்க³வ: ॥ 1-5॥

யுதா⁴மந்யுஶ்ச விக்ராந்த உத்தமௌஜாஶ்ச வீர்யவாந் ।

ஸௌப⁴த்³ரோ த்³ரௌபதே³யாஶ்ச ஸர்வ ஏவ மஹாரதா:² ॥ 1-6॥

அஸ்மாகம் து விஶிஷ்டா யே தாந்நிபோ³த⁴ த்³விஜோத்தம ।

நாயகா மம ஸைந்யஸ்ய ஸம்ஜ்ஞார்த²ம் தாந்ப்³ரவீமி தே ॥ 1-7॥

ப⁴வாந்பீ⁴ஷ்மஶ்ச கர்ணஶ்ச க்ருʼபஶ்ச ஸமிதிஞ்ஜய: ।

அஶ்வத்தா²மா விகர்ணஶ்ச ஸௌமத³த்திஸ்ததை²வ ச ॥ 1-8॥

அந்யே ச ப³ஹவ: ஶூரா மத³ர்தே² த்யக்தஜீவிதா: ।

நாநாஶஸ்த்ரப்ரஹரணா: ஸர்வே யுத்³த⁴விஶாரதா:³ ॥ 1-9॥

அபர்யாப்தம் தத³ஸ்மாகம் ப³லம் பீ⁴ஷ்மாபி⁴ரக்ஷிதம் ।

பர்யாப்தம் த்வித³மேதேஷாம் ப³லம் பீ⁴மாபி⁴ரக்ஷிதம் ॥ 1-10॥

அயநேஷு ச ஸர்வேஷு யதா²பா⁴க³மவஸ்தி²தா: ।

பீ⁴ஷ்மமேவாபி⁴ரக்ஷந்து ப⁴வந்த: ஸர்வ ஏவ ஹி ॥ 1-11॥

தஸ்ய ஸஞ்ஜநயந்ஹர்ஷம் குருவ்ருʼத்³த:⁴ பிதாமஹ: ।

ஸிம்ஹநாத³ம் விநத்³யோச்சை: ஶங்க²ம் த³த்⁴மௌ ப்ரதாபவாந் ॥ 1-12॥

தத: ஶங்கா²ஶ்ச பே⁴ர்யஶ்ச பணவாநககோ³முகா:² ।

ஸஹஸைவாப்⁴யஹந்யந்த ஸ ஶப்³த³ஸ்துமுலோঽப⁴வத் ॥ 1-13॥

தத: ஶ்வேதைர்ஹயைர்யுக்தே மஹதி ஸ்யந்த³நே ஸ்தி²தௌ ।

மாத⁴வ: பாண்ட³வஶ்சைவ தி³வ்யௌ ஶங்கௌ² ப்ரத³த்⁴மது: ॥ 1-14॥

பாஞ்சஜந்யம் ஹ்ருʼஷீகேஶோ தே³வத³த்தம் த⁴நஞ்ஜய: ।

பௌண்ட்³ரம் த³த்⁴மௌ மஹாஶங்க²ம் பீ⁴மகர்மா வ்ருʼகோத³ர: ॥ 1-15॥

அநந்தவிஜயம் ராஜா குந்தீபுத்ரோ யுதி⁴ஷ்டி²ர: ।

நகுல: ஸஹதே³வஶ்ச ஸுகோ⁴ஷமணிபுஷ்பகௌ ॥ 1-16॥

காஶ்யஶ்ச பரமேஷ்வாஸ: ஶிக²ண்டீ³ ச மஹாரத:² ।

த்⁴ருʼஷ்டத்³யும்நோ விராடஶ்ச ஸாத்யகிஶ்சாபராஜித: ॥ 1-17॥

த்³ருபதோ³ த்³ரௌபதே³யாஶ்ச ஸர்வஶ: ப்ருʼதி²வீபதே ।

ஸௌப⁴த்³ரஶ்ச மஹாபா³ஹு: ஶங்கா²ந்த³த்⁴மு: ப்ருʼத²க்ப்ருʼத²க் ॥ 1-18॥

ஸ கோ⁴ஷோ தா⁴ர்தராஷ்ட்ராணாம் ஹ்ருʼத³யாநி வ்யதா³ரயத் ।

நப⁴ஶ்ச ப்ருʼதி²வீம் சைவ துமுலோঽப்⁴யநுநாத³யந் ॥ 1-19॥ orலோ வ்யநு

அத² வ்யவஸ்தி²தாந்த்³ருʼஷ்ட்வா தா⁴ர்தராஷ்ட்ராந் கபித்⁴வஜ: ।

ப்ரவ்ருʼத்தே ஶஸ்த்ரஸம்பாதே த⁴நுருத்³யம்ய பாண்ட³வ: ॥ 1-20॥

ஹ்ருʼஷீகேஶம் ததா³ வாக்யமித³மாஹ மஹீபதே ।

        அர்ஜுந உவாச ।

ஸேநயோருப⁴யோர்மத்⁴யே ரத²ம் ஸ்தா²பய மேঽச்யுத ॥ 1-21॥

யாவதே³தாந்நிரீக்ஷேঽஹம் யோத்³து⁴காமாநவஸ்தி²தாந் ।

கைர்மயா ஸஹ யோத்³த⁴வ்யமஸ்மிந் ரணஸமுத்³யமே ॥ 1-22॥

யோத்ஸ்யமாநாநவேக்ஷேঽஹம் ய ஏதேঽத்ர ஸமாக³தா: ।

தா⁴ர்தராஷ்ட்ரஸ்ய து³ர்பு³த்³தே⁴ர்யுத்³தே⁴ ப்ரியசிகீர்ஷவ: ॥ 1-23॥

        ஸஞ்ஜய உவாச ।

ஏவமுக்தோ ஹ்ருʼஷீகேஶோ கு³டா³கேஶேந பா⁴ரத ।

ஸேநயோருப⁴யோர்மத்⁴யே ஸ்தா²பயித்வா ரதோ²த்தமம் ॥ 1-24॥

பீ⁴ஷ்மத்³ரோணப்ரமுக²த: ஸர்வேஷாம் ச மஹீக்ஷிதாம் ।

உவாச பார்த² பஶ்யைதாந்ஸமவேதாந்குரூநிதி ॥ 1-25॥

தத்ராபஶ்யத்ஸ்தி²தாந்பார்த:² பித்ரூʼநத² பிதாமஹாந் ।

ஆசார்யாந்மாதுலாந்ப்⁴ராத்ரூʼந்புத்ராந்பௌத்ராந்ஸகீ²ம்ஸ்ததா² ॥ 1-26॥

ஶ்வஶுராந்ஸுஹ்ருʼத³ஶ்சைவ ஸேநயோருப⁴யோரபி ।

தாந்ஸமீக்ஷ்ய ஸ கௌந்தேய: ஸர்வாந்ப³ந்தூ⁴நவஸ்தி²தாந் ॥ 1-27॥

க்ருʼபயா பரயாவிஷ்டோ விஷீத³ந்நித³மப்³ரவீத் ।

        அர்ஜுந உவாச ।

த்³ருʼஷ்ட்வேமம் ஸ்வஜநம் க்ருʼஷ்ண யுயுத்ஸும் ஸமுபஸ்தி²தம் ॥ 1-28॥

ஸீத³ந்தி மம கா³த்ராணி முக²ம் ச பரிஶுஷ்யதி ।

வேபது²ஶ்ச ஶரீரே மே ரோமஹர்ஷஶ்ச ஜாயதே ॥ 1-29॥

கா³ண்டீ³வம் ஸ்ரம்ஸதே ஹஸ்தாத்த்வக்சைவ பரித³ஹ்யதே ।

ந ச ஶக்நோம்யவஸ்தா²தும் ப்⁴ரமதீவ ச மே மந: ॥ 1-30॥

நிமித்தாநி ச பஶ்யாமி விபரீதாநி கேஶவ ।

ந ச ஶ்ரேயோঽநுபஶ்யாமி ஹத்வா ஸ்வஜநமாஹவே ॥ 1-31॥

ந காங்க்ஷே விஜயம் க்ருʼஷ்ண ந ச ராஜ்யம் ஸுகா²நி ச ।

கிம் நோ ராஜ்யேந கோ³விந்த³ கிம் போ⁴கை³ர்ஜீவிதேந வா ॥ 1-32॥

யேஷாமர்தே² காங்க்ஷிதம் நோ ராஜ்யம் போ⁴கா:³ ஸுகா²நி ச ।

த இமேঽவஸ்தி²தா யுத்³தே⁴ ப்ராணாம்ஸ்த்யக்த்வா த⁴நாநி ச ॥ 1-33॥

ஆசார்யா: பிதர: புத்ராஸ்ததை²வ ச பிதாமஹா: ।

மாதுலா: ஶ்வஶுரா: பௌத்ரா: ஶ்யாலா: ஸம்ப³ந்தி⁴நஸ்ததா² ॥ 1-34॥

ஏதாந்ந ஹந்துமிச்சா²மி க்⁴நதோঽபி மது⁴ஸூத³ந ।

அபி த்ரைலோக்யராஜ்யஸ்ய ஹேதோ: கிம் நு மஹீக்ருʼதே ॥ 1-35॥

நிஹத்ய தா⁴ர்தராஷ்ட்ராந்ந: கா ப்ரீதி: ஸ்யாஜ்ஜநார்த³ந ।

பாபமேவாஶ்ரயேத³ஸ்மாந்ஹத்வைதாநாததாயிந: ॥ 1-36॥

தஸ்மாந்நார்ஹா வயம் ஹந்தும் தா⁴ர்தராஷ்ட்ராந்ஸ்வபா³ந்த⁴வாந் ।

ஸ்வஜநம் ஹி கத²ம் ஹத்வா ஸுகி²ந: ஸ்யாம மாத⁴வ ॥ 1-37॥

யத்³யப்யேதே ந பஶ்யந்தி லோபோ⁴பஹதசேதஸ: ।

குலக்ஷயக்ருʼதம் தோ³ஷம் மித்ரத்³ரோஹே ச பாதகம் ॥ 1-38॥

கத²ம் ந ஜ்ஞேயமஸ்மாபி:⁴ பாபாத³ஸ்மாந்நிவர்திதும் ।

குலக்ஷயக்ருʼதம் தோ³ஷம் ப்ரபஶ்யத்³பி⁴ர்ஜநார்த³ந ॥ 1-39॥

குலக்ஷயே ப்ரணஶ்யந்தி குலத⁴ர்மா: ஸநாதநா: ।

த⁴ர்மே நஷ்டே குலம் க்ருʼத்ஸ்நமத⁴ர்மோঽபி⁴ப⁴வத்யுத ॥ 1-40॥

அத⁴ர்மாபி⁴ப⁴வாத்க்ருʼஷ்ண ப்ரது³ஷ்யந்தி குலஸ்த்ரிய: ।

ஸ்த்ரீஷு து³ஷ்டாஸு வார்ஷ்ணேய ஜாயதே வர்ணஸங்கர: ॥ 1-41॥

ஸங்கரோ நரகாயைவ குலக்⁴நாநாம் குலஸ்ய ச ।

பதந்தி பிதரோ ஹ்யேஷாம் லுப்தபிண்டோ³த³கக்ரியா: ॥ 1-42॥

தோ³ஷைரேதை: குலக்⁴நாநாம் வர்ணஸங்கரகாரகை: ।

உத்ஸாத்³யந்தே ஜாதித⁴ர்மா: குலத⁴ர்மாஶ்ச ஶாஶ்வதா: ॥ 1-43॥

உத்ஸந்நகுலத⁴ர்மாணாம் மநுஷ்யாணாம் ஜநார்த³ந ।

நரகே நியதம் வாஸோ ப⁴வதீத்யநுஶுஶ்ரும ॥ 1-44॥orநரகேঽநியதம்

அஹோ ப³த மஹத்பாபம் கர்தும் வ்யவஸிதா வயம் ।

யத்³ராஜ்யஸுக²லோபே⁴ந ஹந்தும் ஸ்வஜநமுத்³யதா: ॥ 1-45॥

யதி³ மாமப்ரதீகாரமஶஸ்த்ரம் ஶஸ்த்ரபாணய: ।

தா⁴ர்தராஷ்ட்ரா ரணே ஹந்யுஸ்தந்மே க்ஷேமதரம் ப⁴வேத் ॥ 1-46॥

        ஸஞ்ஜய உவாச ।

ஏவமுக்த்வார்ஜுந: ஸங்க்²யே ரதோ²பஸ்த² உபாவிஶத் ।

விஸ்ருʼஜ்ய ஸஶரம் சாபம் ஶோகஸம்விக்³நமாநஸ: ॥ 1-47॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

அர்ஜுநவிஷாத³யோகோ³ நாம ப்ரத²மோঽத்⁴யாய: ॥ 1॥

அத² த்³விதீயோঽத்⁴யாய: । 

  

02 ஸாங்க்²யயோக:³

        ஸஞ்ஜய உவாச ।

தம் ததா² க்ருʼபயாவிஷ்டமஶ்ருபூர்ணாகுலேக்ஷணம் ।

விஷீத³ந்தமித³ம் வாக்யமுவாச மது⁴ஸூத³ந: ॥ 2-1॥

        ஶ்ரீப⁴க³வாநுவாச ।

குதஸ்த்வா கஶ்மலமித³ம் விஷமே ஸமுபஸ்தி²தம் ।

அநார்யஜுஷ்டமஸ்வர்க்³யமகீர்திகரமர்ஜுந ॥ 2-2॥

க்லைப்³யம் மா ஸ்ம க³ம: பார்த² நைதத்த்வய்யுபபத்³யதே ।

க்ஷுத்³ரம் ஹ்ருʼத³யதௌ³ர்ப³ல்யம் த்யக்த்வோத்திஷ்ட² பரந்தப ॥ 2-3॥

        அர்ஜுந உவாச ।

கத²ம் பீ⁴ஷ்மமஹம் ஸங்க்²யே த்³ரோணம் ச மது⁴ஸூத³ந ।

இஷுபி:⁴ ப்ரதியோத்ஸ்யாமி பூஜார்ஹாவரிஸூத³ந ॥ 2-4॥

கு³ரூநஹத்வா ஹி மஹாநுபா⁴வாந்

        ஶ்ரேயோ போ⁴க்தும் பை⁴க்ஷ்யமபீஹ லோகே ।

ஹத்வார்த²காமாம்ஸ்து கு³ரூநிஹைவ

        பு⁴ஞ்ஜீய போ⁴கா³ந் ருதி⁴ரப்ரதி³க்³தா⁴ந் ॥ 2-5॥

ந சைதத்³வித்³ம: கதரந்நோ க³ரீயோ

        யத்³வா ஜயேம யதி³ வா நோ ஜயேயு: ।

யாநேவ ஹத்வா ந ஜிஜீவிஷாமஸ்-

        தேঽவஸ்தி²தா: ப்ரமுகே² தா⁴ர்தராஷ்ட்ரா: ॥ 2-6॥

கார்பண்யதோ³ஷோபஹதஸ்வபா⁴வ:

        ப்ருʼச்சா²மி த்வாம் த⁴ர்மஸம்மூட⁴சேதா: ।

யச்ச்²ரேய: ஸ்யாந்நிஶ்சிதம் ப்³ரூஹி தந்மே

        ஶிஷ்யஸ்தேঽஹம் ஶாதி⁴ மாம் த்வாம் ப்ரபந்நம் ॥ 2-7॥

ந ஹி ப்ரபஶ்யாமி மமாபநுத்³யாத்³

        யச்சோ²கமுச்சோ²ஷணமிந்த்³ரியாணாம் ।

அவாப்ய பூ⁴மாவஸபத்நம்ருʼத்³த⁴ம்

        ராஜ்யம் ஸுராணாமபி சாதி⁴பத்யம் ॥ 2-8॥

        

        ஸஞ்ஜய உவாச ।

ஏவமுக்த்வா ஹ்ருʼஷீகேஶம் கு³டா³கேஶ: பரந்தப ।

ந யோத்ஸ்ய இதி கோ³விந்த³முக்த்வா தூஷ்ணீம் ப³பூ⁴வ ஹ ॥ 2-9॥

தமுவாச ஹ்ருʼஷீகேஶ: ப்ரஹஸந்நிவ பா⁴ரத ।

ஸேநயோருப⁴யோர்மத்⁴யே விஷீத³ந்தமித³ம் வச: ॥ 2-10॥

        ஶ்ரீப⁴க³வாநுவாச ।

அஶோச்யாநந்வஶோசஸ்த்வம் ப்ரஜ்ஞாவாதா³ம்ஶ்ச பா⁴ஷஸே ।

க³தாஸூநக³தாஸூம்ஶ்ச நாநுஶோசந்தி பண்டி³தா: ॥ 2-11॥

ந த்வேவாஹம் ஜாது நாஸம் ந த்வம் நேமே ஜநாதி⁴பா: ।

ந சைவ ந ப⁴விஷ்யாம: ஸர்வே வயமத: பரம் ॥ 2-12॥

தே³ஹிநோঽஸ்மிந்யதா² தே³ஹே கௌமாரம் யௌவநம் ஜரா ।

ததா² தே³ஹாந்தரப்ராப்திர்தீ⁴ரஸ்தத்ர ந முஹ்யதி ॥ 2-13॥

மாத்ராஸ்பர்ஶாஸ்து கௌந்தேய ஶீதோஷ்ணஸுக²து:³க²தா:³ ।

ஆக³மாபாயிநோঽநித்யாஸ்தாம்ஸ்திதிக்ஷஸ்வ பா⁴ரத ॥ 2-14॥

யம் ஹி ந வ்யத²யந்த்யேதே புருஷம் புருஷர்ஷப⁴ ।

ஸமது:³க²ஸுக²ம் தீ⁴ரம் ஸோঽம்ருʼதத்வாய கல்பதே ॥ 2-15॥

நாஸதோ வித்³யதே பா⁴வோ நாபா⁴வோ வித்³யதே ஸத: ।

உப⁴யோரபி த்³ருʼஷ்டோঽந்தஸ்த்வநயோஸ்தத்த்வத³ர்ஶிபி:⁴ ॥ 2-16॥

அவிநாஶி து தத்³வித்³தி⁴ யேந ஸர்வமித³ம் ததம் ।

விநாஶமவ்யயஸ்யாஸ்ய ந கஶ்சித்கர்துமர்ஹதி ॥ 2-17॥

அந்தவந்த இமே தே³ஹா நித்யஸ்யோக்தா: ஶரீரிண: ।

அநாஶிநோঽப்ரமேயஸ்ய தஸ்மாத்³யுத்⁴யஸ்வ பா⁴ரத ॥ 2-18॥

ய ஏநம் வேத்தி ஹந்தாரம் யஶ்சைநம் மந்யதே ஹதம் ।

உபௌ⁴ தௌ ந விஜாநீதோ நாயம் ஹந்தி ந ஹந்யதே ॥ 2-19॥

ந ஜாயதே ம்ரியதே வா கதா³சிந்

        நாயம் பூ⁴த்வா ப⁴விதா வா ந பூ⁴ய: ।

அஜோ நித்ய: ஶாஶ்வதோঽயம் புராணோ

        ந ஹந்யதே ஹந்யமாநே ஶரீரே ॥ 2-20॥

வேதா³விநாஶிநம் நித்யம் ய ஏநமஜமவ்யயம் ।

கத²ம் ஸ புருஷ: பார்த² கம் கா⁴தயதி ஹந்தி கம் ॥ 2-21॥

வாஸாம்ஸி ஜீர்ணாநி யதா² விஹாய

        நவாநி க்³ருʼஹ்ணாதி நரோঽபராணி ।

ததா² ஶரீராணி விஹாய ஜீர்ணா-

        ந்யந்யாநி ஸம்யாதி நவாநி தே³ஹீ ॥ 2-22॥

நைநம் சி²ந்த³ந்தி ஶஸ்த்ராணி நைநம் த³ஹதி பாவக: ।

ந சைநம் க்லேத³யந்த்யாபோ ந ஶோஷயதி மாருத: ॥ 2-23॥

அச்சே²த்³யோঽயமதா³ஹ்யோঽயமக்லேத்³யோঽஶோஷ்ய ஏவ ச ।

நித்ய: ஸர்வக³த: ஸ்தா²ணுரசலோঽயம் ஸநாதந: ॥ 2-24॥

அவ்யக்தோঽயமசிந்த்யோঽயமவிகார்யோঽயமுச்யதே ।

தஸ்மாதே³வம் விதி³த்வைநம் நாநுஶோசிதுமர்ஹஸி ॥ 2-25॥

அத² சைநம் நித்யஜாதம் நித்யம் வா மந்யஸே ம்ருʼதம் ।

ததா²பி த்வம் மஹாபா³ஹோ நைவம் ஶோசிதுமர்ஹஸி ॥ 2-26॥

ஜாதஸ்ய ஹி த்⁴ருவோ ம்ருʼத்யுர்த்⁴ருவம் ஜந்ம ம்ருʼதஸ்ய ச ।

தஸ்மாத³பரிஹார்யேঽர்தே² ந த்வம் ஶோசிதுமர்ஹஸி ॥ 2-27॥

அவ்யக்தாதீ³நி பூ⁴தாநி வ்யக்தமத்⁴யாநி பா⁴ரத ।

அவ்யக்தநித⁴நாந்யேவ தத்ர கா பரிதே³வநா ॥ 2-28॥

ஆஶ்சர்யவத்பஶ்யதி கஶ்சிதே³ந-

        மாஶ்சர்யவத்³வத³தி ததை²வ சாந்ய: ।

ஆஶ்சர்யவச்சைநமந்ய: ஶ்ருʼணோதி

        ஶ்ருத்வாப்யேநம் வேத³ ந சைவ கஶ்சித் ॥ 2-29॥

தே³ஹீ நித்யமவத்⁴யோঽயம் தே³ஹே ஸர்வஸ்ய பா⁴ரத ।

தஸ்மாத்ஸர்வாணி பூ⁴தாநி ந த்வம் ஶோசிதுமர்ஹஸி ॥ 2-30॥

ஸ்வத⁴ர்மமபி சாவேக்ஷ்ய ந விகம்பிதுமர்ஹஸி ।

த⁴ர்ம்யாத்³தி⁴ யுத்³தா⁴ச்ச்²ரேயோঽந்யத்க்ஷத்ரியஸ்ய ந வித்³யதே ॥ 2-31॥

யத்³ருʼச்ச²யா சோபபந்நம் ஸ்வர்க³த்³வாரமபாவ்ருʼதம் ।

ஸுகி²ந: க்ஷத்ரியா: பார்த² லப⁴ந்தே யுத்³த⁴மீத்³ருʼஶம் ॥ 2-32॥

அத² சேத்த்வமிமம் த⁴ர்ம்யம் ஸங்க்³ராமம் ந கரிஷ்யஸி ।

தத: ஸ்வத⁴ர்மம் கீர்திம் ச ஹித்வா பாபமவாப்ஸ்யஸி ॥ 2-33॥

அகீர்திம் சாபி பூ⁴தாநி கத²யிஷ்யந்தி தேঽவ்யயாம் ।

ஸம்பா⁴விதஸ்ய சாகீர்திர்மரணாத³திரிச்யதே ॥ 2-34॥

ப⁴யாத்³ரணாது³பரதம் மம்ஸ்யந்தே த்வாம் மஹாரதா:² ।

யேஷாம் ச த்வம் ப³ஹுமதோ பூ⁴த்வா யாஸ்யஸி லாக⁴வம் ॥ 2-35॥

அவாச்யவாதா³ம்ஶ்ச ப³ஹூந்வதி³ஷ்யந்தி தவாஹிதா: ।

நிந்த³ந்தஸ்தவ ஸாமர்த்²யம் ததோ து:³க²தரம் நு கிம் ॥ 2-36॥

ஹதோ வா ப்ராப்ஸ்யஸி ஸ்வர்க³ம் ஜித்வா வா போ⁴க்ஷ்யஸே மஹீம் ।

தஸ்மாது³த்திஷ்ட² கௌந்தேய யுத்³தா⁴ய க்ருʼதநிஶ்சய: ॥ 2-37॥

ஸுக²து:³கே² ஸமே க்ருʼத்வா லாபா⁴லாபௌ⁴ ஜயாஜயௌ ।

ததோ யுத்³தா⁴ய யுஜ்யஸ்வ நைவம் பாபமவாப்ஸ்யஸி ॥ 2-38॥

ஏஷா தேঽபி⁴ஹிதா ஸாங்க்²யே பு³த்³தி⁴ர்யோகே³ த்விமாம் ஶ்ருʼணு ।

பு³த்³த்⁴யா யுக்தோ யயா பார்த² கர்மப³ந்த⁴ம் ப்ரஹாஸ்யஸி ॥ 2-39॥

நேஹாபி⁴க்ரமநாஶோঽஸ்தி ப்ரத்யவாயோ ந வித்³யதே ।

ஸ்வல்பமப்யஸ்ய த⁴ர்மஸ்ய த்ராயதே மஹதோ ப⁴யாத் ॥ 2-40॥

வ்யவஸாயாத்மிகா பு³த்³தி⁴ரேகேஹ குருநந்த³ந ।

ப³ஹுஶாகா² ஹ்யநந்தாஶ்ச பு³த்³த⁴யோঽவ்யவஸாயிநாம் ॥ 2-41॥

யாமிமாம் புஷ்பிதாம் வாசம் ப்ரவத³ந்த்யவிபஶ்சித: ।

வேத³வாத³ரதா: பார்த² நாந்யத³ஸ்தீதி வாதி³ந: ॥ 2-42॥

காமாத்மாந: ஸ்வர்க³பரா ஜந்மகர்மப²லப்ரதா³ம் ।

க்ரியாவிஶேஷப³ஹுலாம் போ⁴கை³ஶ்வர்யக³திம் ப்ரதி ॥ 2-43॥

போ⁴கை³ஶ்வர்யப்ரஸக்தாநாம் தயாபஹ்ருʼதசேதஸாம் ।

வ்யவஸாயாத்மிகா பு³த்³தி:⁴ ஸமாதௌ⁴ ந விதீ⁴யதே ॥ 2-44॥

த்ரைகு³ண்யவிஷயா வேதா³ நிஸ்த்ரைகு³ண்யோ ப⁴வார்ஜுந ।

நிர்த்³வந்த்³வோ நித்யஸத்த்வஸ்தோ² நிர்யோக³க்ஷேம ஆத்மவாந் ॥ 2-45॥

யாவாநர்த² உத³பாநே ஸர்வத: ஸம்ப்லுதோத³கே ।

தாவாந்ஸர்வேஷு வேதே³ஷு ப்³ராஹ்மணஸ்ய விஜாநத: ॥ 2-46॥

கர்மண்யேவாதி⁴காரஸ்தே மா ப²லேஷு கதா³சந ।

மா கர்மப²லஹேதுர்பூ⁴ர்மா தே ஸங்கோ³ঽஸ்த்வகர்மணி ॥ 2-47॥

யோக³ஸ்த:² குரு கர்மாணி ஸங்க³ம் த்யக்த்வா த⁴நஞ்ஜய ।

ஸித்³த்⁴யஸித்³த்⁴யோ: ஸமோ பூ⁴த்வா ஸமத்வம் யோக³ உச்யதே ॥ 2-48॥

தூ³ரேண ஹ்யவரம் கர்ம பு³த்³தி⁴யோகா³த்³த⁴நஞ்ஜய ।

பு³த்³தௌ⁴ ஶரணமந்விச்ச² க்ருʼபணா: ப²லஹேதவ: ॥ 2-49॥

பு³த்³தி⁴யுக்தோ ஜஹாதீஹ உபே⁴ ஸுக்ருʼதது³ஷ்க்ருʼதே ।

தஸ்மாத்³யோகா³ய யுஜ்யஸ்வ யோக:³ கர்மஸு கௌஶலம் ॥ 2-50॥

கர்மஜம் பு³த்³தி⁴யுக்தா ஹி ப²லம் த்யக்த்வா மநீஷிண: ।

ஜந்மப³ந்த⁴விநிர்முக்தா: பத³ம் க³ச்ச²ந்த்யநாமயம் ॥ 2-51॥

யதா³ தே மோஹகலிலம் பு³த்³தி⁴ர்வ்யதிதரிஷ்யதி ।

ததா³ க³ந்தாஸி நிர்வேத³ம் ஶ்ரோதவ்யஸ்ய ஶ்ருதஸ்ய ச ॥ 2-52॥

ஶ்ருதிவிப்ரதிபந்நா தே யதா³ ஸ்தா²ஸ்யதி நிஶ்சலா ।

ஸமாதா⁴வசலா பு³த்³தி⁴ஸ்ததா³ யோக³மவாப்ஸ்யஸி ॥ 2-53॥

        அர்ஜுந உவாச ।

ஸ்தி²தப்ரஜ்ஞஸ்ய கா பா⁴ஷா ஸமாதி⁴ஸ்த²ஸ்ய கேஶவ ।

ஸ்தி²ததீ:⁴ கிம் ப்ரபா⁴ஷேத கிமாஸீத வ்ரஜேத கிம் ॥ 2-54॥

        ஶ்ரீப⁴க³வாநுவாச ।

ப்ரஜஹாதி யதா³ காமாந்ஸர்வாந்பார்த² மநோக³தாந் ।

ஆத்மந்யேவாத்மநா துஷ்ட: ஸ்தி²தப்ரஜ்ஞஸ்ததோ³ச்யதே ॥ 2-55॥

து:³கே²ஷ்வநுத்³விக்³நமநா: ஸுகே²ஷு விக³தஸ்ப்ருʼஹ: ।

வீதராக³ப⁴யக்ரோத:⁴ ஸ்தி²ததீ⁴ர்முநிருச்யதே ॥ 2-56॥

ய: ஸர்வத்ராநபி⁴ஸ்நேஹஸ்தத்தத்ப்ராப்ய ஶுபா⁴ஶுப⁴ம் ।

நாபி⁴நந்த³தி ந த்³வேஷ்டி தஸ்ய ப்ரஜ்ஞா ப்ரதிஷ்டி²தா ॥ 2-57॥

யதா³ ஸம்ஹரதே சாயம் கூர்மோঽங்கா³நீவ ஸர்வஶ: ।

இந்த்³ரியாணீந்த்³ரியார்தே²ப்⁴யஸ்தஸ்ய ப்ரஜ்ஞா ப்ரதிஷ்டி²தா ॥ 2-58॥

விஷயா விநிவர்தந்தே நிராஹாரஸ்ய தே³ஹிந: ।

ரஸவர்ஜம் ரஸோঽப்யஸ்ய பரம் த்³ருʼஷ்ட்வா நிவர்ததே ॥ 2-59॥

யததோ ஹ்யபி கௌந்தேய புருஷஸ்ய விபஶ்சித: ।

இந்த்³ரியாணி ப்ரமாதீ²நி ஹரந்தி ப்ரஸப⁴ம் மந: ॥ 2-60॥

தாநி ஸர்வாணி ஸம்யம்ய யுக்த ஆஸீத மத்பர: ।

வஶே ஹி யஸ்யேந்த்³ரியாணி தஸ்ய ப்ரஜ்ஞா ப்ரதிஷ்டி²தா ॥ 2-61॥

த்⁴யாயதோ விஷயாந்பும்ஸ: ஸங்க³ஸ்தேஷூபஜாயதே ।

ஸங்கா³த்ஸஞ்ஜாயதே காம: காமாத்க்ரோதோ⁴ঽபி⁴ஜாயதே ॥ 2-62॥

க்ரோதா⁴த்³ப⁴வதி ஸம்மோஹ: ஸம்மோஹாத்ஸ்ம்ருʼதிவிப்⁴ரம: ।

ஸ்ம்ருʼதிப்⁴ரம்ஶாத்³ பு³த்³தி⁴நாஶோ பு³த்³தி⁴நாஶாத்ப்ரணஶ்யதி ॥ 2-63॥

ராக³த்³வேஷவிமுக்தைஸ்து விஷயாநிந்த்³ரியைஶ்சரந் । orவியுக்தைஸ்து

ஆத்மவஶ்யைர்விதே⁴யாத்மா ப்ரஸாத³மதி⁴க³ச்ச²தி ॥ 2-64॥

ப்ரஸாதே³ ஸர்வது:³கா²நாம் ஹாநிரஸ்யோபஜாயதே ।

ப்ரஸந்நசேதஸோ ஹ்யாஶு பு³த்³தி:⁴ பர்யவதிஷ்ட²தே ॥ 2-65॥

நாஸ்தி பு³த்³தி⁴ரயுக்தஸ்ய ந சாயுக்தஸ்ய பா⁴வநா ।

ந சாபா⁴வயத: ஶாந்திரஶாந்தஸ்ய குத: ஸுக²ம் ॥ 2-66॥

இந்த்³ரியாணாம் ஹி சரதாம் யந்மநோঽநுவிதீ⁴யதே ।

தத³ஸ்ய ஹரதி ப்ரஜ்ஞாம் வாயுர்நாவமிவாம்ப⁴ஸி ॥ 2-67॥

தஸ்மாத்³யஸ்ய மஹாபா³ஹோ நிக்³ருʼஹீதாநி ஸர்வஶ: ।

இந்த்³ரியாணீந்த்³ரியார்தே²ப்⁴யஸ்தஸ்ய ப்ரஜ்ஞா ப்ரதிஷ்டி²தா ॥ 2-68॥

யா நிஶா ஸர்வபூ⁴தாநாம் தஸ்யாம் ஜாக³ர்தி ஸம்யமீ ।

யஸ்யாம் ஜாக்³ரதி பூ⁴தாநி ஸா நிஶா பஶ்யதோ முநே: ॥ 2-69॥

ஆபூர்யமாணமசலப்ரதிஷ்ட²ம்

        ஸமுத்³ரமாப: ப்ரவிஶந்தி யத்³வத் ।

தத்³வத்காமா யம் ப்ரவிஶந்தி ஸர்வே

        ஸ ஶாந்திமாப்நோதி ந காமகாமீ ॥ 2-70॥

விஹாய காமாந்ய: ஸர்வாந்புமாம்ஶ்சரதி நி:ஸ்ப்ருʼஹ: ।

நிர்மமோ நிரஹங்கார: ஸ ஶாந்திமதி⁴க³ச்ச²தி ॥ 2-71॥

ஏஷா ப்³ராஹ்மீ ஸ்தி²தி: பார்த² நைநாம் ப்ராப்ய விமுஹ்யதி ।

ஸ்தி²த்வாஸ்யாமந்தகாலேঽபி ப்³ரஹ்மநிர்வாணம்ருʼச்ச²தி ॥ 2-72॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஸாங்க்²யயோகோ³ நாம த்³விதீயோঽத்⁴யாய: ॥ 2॥

அத² த்ருʼதீயோঽத்⁴யாய: ।

03  கர்மயோக:³

        அர்ஜுந உவாச ।

ஜ்யாயஸீ சேத்கர்மணஸ்தே மதா பு³த்³தி⁴ர்ஜநார்த³ந ।

தத்கிம் கர்மணி கோ⁴ரே மாம் நியோஜயஸி கேஶவ ॥ 3-1॥

வ்யாமிஶ்ரேணேவ வாக்யேந பு³த்³தி⁴ம் மோஹயஸீவ மே ।

ததே³கம் வத³ நிஶ்சித்ய யேந ஶ்ரேயோঽஹமாப்நுயாம் ॥ 3-2॥

        ஶ்ரீப⁴க³வாநுவாச ।

லோகேঽஸ்மிந் த்³விவிதா⁴ நிஷ்டா² புரா ப்ரோக்தா மயாநக⁴ ।

ஜ்ஞாநயோகே³ந ஸாங்க்²யாநாம் கர்மயோகே³ந யோகி³நாம் ॥ 3-3॥

ந கர்மணாமநாரம்பா⁴ந்நைஷ்கர்ம்யம் புருஷோঽஶ்நுதே ।

ந ச ஸம்ந்யஸநாதே³வ ஸித்³தி⁴ம் ஸமதி⁴க³ச்ச²தி ॥ 3-4॥

ந ஹி கஶ்சித்க்ஷணமபி ஜாது திஷ்ட²த்யகர்மக்ருʼத் ।

கார்யதே ஹ்யவஶ: கர்ம ஸர்வ: ப்ரக்ருʼதிஜைர்கு³ணை: ॥ 3-5॥

கர்மேந்த்³ரியாணி ஸம்யம்ய ய ஆஸ்தே மநஸா ஸ்மரந் ।

இந்த்³ரியார்தா²ந்விமூடா⁴த்மா மித்²யாசார: ஸ உச்யதே ॥ 3-6॥

யஸ்த்விந்த்³ரியாணி மநஸா நியம்யாரப⁴தேঽர்ஜுந ।

கர்மேந்த்³ரியை: கர்மயோக³மஸக்த: ஸ விஶிஷ்யதே ॥ 3-7॥

நியதம் குரு கர்ம த்வம் கர்ம ஜ்யாயோ ஹ்யகர்மண: ।

ஶரீரயாத்ராபி ச தே ந ப்ரஸித்³த்⁴யேத³கர்மண: ॥ 3-8॥

யஜ்ஞார்தா²த்கர்மணோঽந்யத்ர லோகோঽயம் கர்மப³ந்த⁴ந: ।

தத³ர்த²ம் கர்ம கௌந்தேய முக்தஸங்க:³ ஸமாசர ॥ 3-9॥

ஸஹயஜ்ஞா: ப்ரஜா: ஸ்ருʼஷ்ட்வா புரோவாச ப்ரஜாபதி: ।

அநேந ப்ரஸவிஷ்யத்⁴வமேஷ வோঽஸ்த்விஷ்டகாமது⁴க் ॥ 3-10॥

தே³வாந்பா⁴வயதாநேந தே தே³வா பா⁴வயந்து வ: ।

பரஸ்பரம் பா⁴வயந்த: ஶ்ரேய: பரமவாப்ஸ்யத² ॥ 3-11॥

இஷ்டாந்போ⁴கா³ந்ஹி வோ தே³வா தா³ஸ்யந்தே யஜ்ஞபா⁴விதா: ।

தைர்த³த்தாநப்ரதா³யைப்⁴யோ யோ பு⁴ங்க்தே ஸ்தேந ஏவ ஸ: ॥ 3-12॥

யஜ்ஞஶிஷ்டாஶிந: ஸந்தோ முச்யந்தே ஸர்வகில்பி³ஷை: ।

பு⁴ஞ்ஜதே தே த்வக⁴ம் பாபா யே பசந்த்யாத்மகாரணாத் ॥ 3-13॥

அந்நாத்³ப⁴வந்தி பூ⁴தாநி பர்ஜந்யாத³ந்நஸம்ப⁴வ: ।

யஜ்ஞாத்³ப⁴வதி பர்ஜந்யோ யஜ்ஞ: கர்மஸமுத்³ப⁴வ: ॥ 3-14॥

கர்ம ப்³ரஹ்மோத்³ப⁴வம் வித்³தி⁴ ப்³ரஹ்மாக்ஷரஸமுத்³ப⁴வம் ।

தஸ்மாத்ஸர்வக³தம் ப்³ரஹ்ம நித்யம் யஜ்ஞே ப்ரதிஷ்டி²தம் ॥ 3-15॥

ஏவம் ப்ரவர்திதம் சக்ரம் நாநுவர்தயதீஹ ய: ।

அகா⁴யுரிந்த்³ரியாராமோ மோக⁴ம் பார்த² ஸ ஜீவதி ॥ 3-16॥

யஸ்த்வாத்மரதிரேவ ஸ்யாதா³த்மத்ருʼப்தஶ்ச மாநவ: ।

ஆத்மந்யேவ ச ஸந்துஷ்டஸ்தஸ்ய கார்யம் ந வித்³யதே ॥ 3-17॥

நைவ தஸ்ய க்ருʼதேநார்தோ² நாக்ருʼதேநேஹ கஶ்சந ।

ந சாஸ்ய ஸர்வபூ⁴தேஷு கஶ்சித³ர்த²வ்யபாஶ்ரய: ॥ 3-18॥

தஸ்மாத³ஸக்த: ஸததம் கார்யம் கர்ம ஸமாசர ।

அஸக்தோ ஹ்யாசரந்கர்ம பரமாப்நோதி பூருஷ: ॥ 3-19॥

கர்மணைவ ஹி ஸம்ஸித்³தி⁴மாஸ்தி²தா ஜநகாத³ய: ।

லோகஸங்க்³ரஹமேவாபி ஸம்பஶ்யந்கர்துமர்ஹஸி ॥ 3-20॥

யத்³யதா³சரதி ஶ்ரேஷ்ட²ஸ்தத்ததே³வேதரோ ஜந: ।

ஸ யத்ப்ரமாணம் குருதே லோகஸ்தத³நுவர்ததே ॥ 3-21॥

ந மே பார்தா²ஸ்தி கர்தவ்யம் த்ரிஷு லோகேஷு கிஞ்சந ।

நாநவாப்தமவாப்தவ்யம் வர்த ஏவ ச கர்மணி ॥ 3-22॥

யதி³ ஹ்யஹம் ந வர்தேயம் ஜாது கர்மண்யதந்த்³ரித: ।

மம வர்த்மாநுவர்தந்தே மநுஷ்யா: பார்த² ஸர்வஶ: ॥ 3-23॥

உத்ஸீதே³யுரிமே லோகா ந குர்யாம் கர்ம சேத³ஹம் ।

ஸங்கரஸ்ய ச கர்தா ஸ்யாமுபஹந்யாமிமா: ப்ரஜா: ॥ 3-24॥

ஸக்தா: கர்மண்யவித்³வாம்ஸோ யதா² குர்வந்தி பா⁴ரத ।

குர்யாத்³வித்³வாம்ஸ்ததா²ஸக்தஶ்சிகீர்ஷுர்லோகஸங்க்³ரஹம் ॥ 3-25॥

ந பு³த்³தி⁴பே⁴த³ம் ஜநயேத³ஜ்ஞாநாம் கர்மஸங்கி³நாம் ।

ஜோஷயேத்ஸர்வகர்மாணி வித்³வாந்யுக்த: ஸமாசரந் ॥ 3-26॥

ப்ரக்ருʼதே: க்ரியமாணாநி கு³ணை: கர்மாணி ஸர்வஶ: ।

அஹங்காரவிமூடா⁴த்மா கர்தாஹமிதி மந்யதே ॥ 3-27॥

தத்த்வவித்து மஹாபா³ஹோ கு³ணகர்மவிபா⁴க³யோ: ।

கு³ணா கு³ணேஷு வர்தந்த இதி மத்வா ந ஸஜ்ஜதே ॥ 3-28॥

ப்ரக்ருʼதேர்கு³ணஸம்மூடா:⁴ ஸஜ்ஜந்தே கு³ணகர்மஸு ।

தாநக்ருʼத்ஸ்நவிதோ³ மந்தா³ந்க்ருʼத்ஸ்நவிந்ந விசாலயேத் ॥ 3-29॥

மயி ஸர்வாணி கர்மாணி ஸம்ந்யஸ்யாத்⁴யாத்மசேதஸா ।

நிராஶீர்நிர்மமோ பூ⁴த்வா யுத்⁴யஸ்வ விக³தஜ்வர: ॥ 3-30॥

யே மே மதமித³ம் நித்யமநுதிஷ்ட²ந்தி மாநவா: ।

ஶ்ரத்³தா⁴வந்தோঽநஸூயந்தோ முச்யந்தே தேঽபி கர்மபி:⁴ ॥ 3-31॥

யே த்வேதத³ப்⁴யஸூயந்தோ நாநுதிஷ்ட²ந்தி மே மதம் ।

ஸர்வஜ்ஞாநவிமூடா⁴ம்ஸ்தாந்வித்³தி⁴ நஷ்டாநசேதஸ: ॥ 3-32॥

ஸத்³ருʼஶம் சேஷ்டதே ஸ்வஸ்யா: ப்ரக்ருʼதேர்ஜ்ஞாநவாநபி ।

ப்ரக்ருʼதிம் யாந்தி பூ⁴தாநி நிக்³ரஹ: கிம் கரிஷ்யதி ॥ 3-33॥

இந்த்³ரியஸ்யேந்த்³ரியஸ்யார்தே² ராக³த்³வேஷௌ வ்யவஸ்தி²தௌ ।

தயோர்ந வஶமாக³ச்சே²த்தௌ ஹ்யஸ்ய பரிபந்தி²நௌ ॥ 3-34॥

ஶ்ரேயாந்ஸ்வத⁴ர்மோ விகு³ண: பரத⁴ர்மாத்ஸ்வநுஷ்டி²தாத் ।

ஸ்வத⁴ர்மே நித⁴நம் ஶ்ரேய: பரத⁴ர்மோ ப⁴யாவஹ: ॥ 3-35॥

        அர்ஜுந உவாச ।

அத² கேந ப்ரயுக்தோঽயம் பாபம் சரதி பூருஷ: ।

அநிச்ச²ந்நபி வார்ஷ்ணேய ப³லாதி³வ நியோஜித: ॥ 3-36॥

        ஶ்ரீப⁴க³வாநுவாச ।

காம ஏஷ க்ரோத⁴ ஏஷ ரஜோகு³ணஸமுத்³ப⁴வ: ।

மஹாஶநோ மஹாபாப்மா வித்³த்⁴யேநமிஹ வைரிணம் ॥ 3-37॥

தூ⁴மேநாவ்ரியதே வஹ்நிர்யதா²த³ர்ஶோ மலேந ச ।

யதோ²ல்பே³நாவ்ருʼதோ க³ர்ப⁴ஸ்ததா² தேநேத³மாவ்ருʼதம் ॥ 3-38॥

ஆவ்ருʼதம் ஜ்ஞாநமேதேந ஜ்ஞாநிநோ நித்யவைரிணா ।

காமரூபேண கௌந்தேய து³ஷ்பூரேணாநலேந ச ॥ 3-39॥

இந்த்³ரியாணி மநோ பு³த்³தி⁴ரஸ்யாதி⁴ஷ்டா²நமுச்யதே ।

ஏதைர்விமோஹயத்யேஷ ஜ்ஞாநமாவ்ருʼத்ய தே³ஹிநம் ॥ 3-40॥

தஸ்மாத்த்வமிந்த்³ரியாண்யாதௌ³ நியம்ய ப⁴ரதர்ஷப⁴ ।

பாப்மாநம் ப்ரஜஹி ஹ்யேநம் ஜ்ஞாநவிஜ்ஞாநநாஶநம் ॥ 3-41॥

இந்த்³ரியாணி பராண்யாஹுரிந்த்³ரியேப்⁴ய: பரம் மந: ।

மநஸஸ்து பரா பு³த்³தி⁴ர்யோ பு³த்³தே:⁴ பரதஸ்து ஸ: ॥ 3-42॥

ஏவம் பு³த்³தே:⁴ பரம் பு³த்³த்⁴வா ஸம்ஸ்தப்⁴யாத்மாநமாத்மநா ।

ஜஹி ஶத்ரும் மஹாபா³ஹோ காமரூபம் து³ராஸத³ம் ॥ 3-43॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

கர்மயோகோ³ நாம த்ருʼதீயோঽத்⁴யாய: ॥ 3॥

அத² சதுர்தோ²ঽத்⁴யாய: ।  

 04 ஜ்ஞாநகர்ம ஸந்ந்யாஸயோக:³

        ஶ்ரீப⁴க³வாநுவாச ।

இமம் விவஸ்வதே யோக³ம் ப்ரோக்தவாநஹமவ்யயம் ।

விவஸ்வாந்மநவே ப்ராஹ மநுரிக்ஷ்வாகவேঽப்³ரவீத் ॥ 4-1॥

ஏவம் பரம்பராப்ராப்தமிமம் ராஜர்ஷயோ விது:³ ।

ஸ காலேநேஹ மஹதா யோகோ³ நஷ்ட: பரந்தப ॥ 4-2॥

ஸ ஏவாயம் மயா தேঽத்³ய யோக:³ ப்ரோக்த: புராதந: ।

ப⁴க்தோঽஸி மே ஸகா² சேதி ரஹஸ்யம் ஹ்யேதது³த்தமம் ॥ 4-3॥

        அர்ஜுந உவாச ।

அபரம் ப⁴வதோ ஜந்ம பரம் ஜந்ம விவஸ்வத: ।

கத²மேதத்³விஜாநீயாம் த்வமாதௌ³ ப்ரோக்தவாநிதி ॥ 4-4॥

        ஶ்ரீப⁴க³வாநுவாச ।

ப³ஹூநி மே வ்யதீதாநி ஜந்மாநி தவ சார்ஜுந ।

தாந்யஹம் வேத³ ஸர்வாணி ந த்வம் வேத்த² பரந்தப ॥ 4-5॥

அஜோঽபி ஸந்நவ்யயாத்மா பூ⁴தாநாமீஶ்வரோঽபி ஸந் ।

ப்ரக்ருʼதிம் ஸ்வாமதி⁴ஷ்டா²ய ஸம்ப⁴வாம்யாத்மமாயயா ॥ 4-6॥

யதா³ யதா³ ஹி த⁴ர்மஸ்ய க்³லாநிர்ப⁴வதி பா⁴ரத ।

அப்⁴யுத்தா²நமத⁴ர்மஸ்ய ததா³த்மாநம் ஸ்ருʼஜாம்யஹம் ॥ 4-7॥

பரித்ராணாய ஸாதூ⁴நாம் விநாஶாய ச து³ஷ்க்ருʼதாம் ।

த⁴ர்மஸம்ஸ்தா²பநார்தா²ய ஸம்ப⁴வாமி யுகே³ யுகே³ ॥ 4-8॥

ஜந்ம கர்ம ச மே தி³வ்யமேவம் யோ வேத்தி தத்த்வத: ।

த்யக்த்வா தே³ஹம் புநர்ஜந்ம நைதி மாமேதி ஸோঽர்ஜுந ॥ 4-9॥

வீதராக³ப⁴யக்ரோதா⁴ மந்மயா மாமுபாஶ்ரிதா: ।

ப³ஹவோ ஜ்ஞாநதபஸா பூதா மத்³பா⁴வமாக³தா: ॥ 4-10॥

யே யதா² மாம் ப்ரபத்³யந்தே தாம்ஸ்ததை²வ ப⁴ஜாம்யஹம் ।

மம வர்த்மாநுவர்தந்தே மநுஷ்யா: பார்த² ஸர்வஶ: ॥ 4-11॥

காங்க்ஷந்த: கர்மணாம் ஸித்³தி⁴ம் யஜந்த இஹ தே³வதா: ।

க்ஷிப்ரம் ஹி மாநுஷே லோகே ஸித்³தி⁴ர்ப⁴வதி கர்மஜா ॥ 4-12॥

சாதுர்வர்ண்யம் மயா ஸ்ருʼஷ்டம் கு³ணகர்மவிபா⁴க³ஶ: ।

தஸ்ய கர்தாரமபி மாம் வித்³த்⁴யகர்தாரமவ்யயம் ॥ 4-13॥

ந மாம் கர்மாணி லிம்பந்தி ந மே கர்மப²லே ஸ்ப்ருʼஹா ।

இதி மாம் யோঽபி⁴ஜாநாதி கர்மபி⁴ர்ந ஸ ப³த்⁴யதே ॥ 4-14॥

ஏவம் ஜ்ஞாத்வா க்ருʼதம் கர்ம பூர்வைரபி முமுக்ஷுபி:⁴ ।

குரு கர்மைவ தஸ்மாத்த்வம் பூர்வை: பூர்வதரம் க்ருʼதம் ॥ 4-15॥

கிம் கர்ம கிமகர்மேதி கவயோঽப்யத்ர மோஹிதா: ।

தத்தே கர்ம ப்ரவக்ஷ்யாமி யஜ்ஜ்ஞாத்வா மோக்ஷ்யஸேঽஶுபா⁴த் ॥ 4-16॥

கர்மணோ ஹ்யபி போ³த்³த⁴வ்யம் போ³த்³த⁴வ்யம் ச விகர்மண: ।

அகர்மணஶ்ச போ³த்³த⁴வ்யம் க³ஹநா கர்மணோ க³தி: ॥ 4-17॥

கர்மண்யகர்ம ய: பஶ்யேத³கர்மணி ச கர்ம ய: ।

ஸ பு³த்³தி⁴மாந்மநுஷ்யேஷு ஸ யுக்த: க்ருʼத்ஸ்நகர்மக்ருʼத் ॥ 4-18॥

யஸ்ய ஸர்வே ஸமாரம்பா:⁴ காமஸங்கல்பவர்ஜிதா: ।

ஜ்ஞாநாக்³நித³க்³த⁴கர்மாணம் தமாஹு: பண்டி³தம் பு³தா:⁴ ॥ 4-19॥

த்யக்த்வா கர்மப²லாஸங்க³ம் நித்யத்ருʼப்தோ நிராஶ்ரய: ।

கர்மண்யபி⁴ப்ரவ்ருʼத்தோঽபி நைவ கிஞ்சித்கரோதி ஸ: ॥ 4-20॥

நிராஶீர்யதசித்தாத்மா த்யக்தஸர்வபரிக்³ரஹ: ।

ஶாரீரம் கேவலம் கர்ம குர்வந்நாப்நோதி கில்பி³ஷம் ॥ 4-21॥

யத்³ருʼச்சா²லாப⁴ஸந்துஷ்டோ த்³வந்த்³வாதீதோ விமத்ஸர: ।

ஸம: ஸித்³தா⁴வஸித்³தௌ⁴ ச க்ருʼத்வாபி ந நிப³த்⁴யதே ॥ 4-22॥

க³தஸங்க³ஸ்ய முக்தஸ்ய ஜ்ஞாநாவஸ்தி²தசேதஸ: ।

யஜ்ஞாயாசரத: கர்ம ஸமக்³ரம் ப்ரவிலீயதே ॥ 4-23॥

ப்³ரஹ்மார்பணம் ப்³ரஹ்ம ஹவிர்ப்³ரஹ்மாக்³நௌ ப்³ரஹ்மணா ஹுதம் ।

ப்³ரஹ்மைவ தேந க³ந்தவ்யம் ப்³ரஹ்மகர்மஸமாதி⁴நா ॥ 4-24॥

தை³வமேவாபரே யஜ்ஞம் யோகி³ந: பர்யுபாஸதே ।

ப்³ரஹ்மாக்³நாவபரே யஜ்ஞம் யஜ்ஞேநைவோபஜுஹ்வதி ॥ 4-25॥

ஶ்ரோத்ராதீ³நீந்த்³ரியாண்யந்யே ஸம்யமாக்³நிஷு ஜுஹ்வதி ।

ஶப்³தா³தீ³ந்விஷயாநந்ய இந்த்³ரியாக்³நிஷு ஜுஹ்வதி ॥ 4-26॥

ஸர்வாணீந்த்³ரியகர்மாணி ப்ராணகர்மாணி சாபரே ।

ஆத்மஸம்யமயோகா³க்³நௌ ஜுஹ்வதி ஜ்ஞாநதீ³பிதே ॥ 4-27॥

த்³ரவ்யயஜ்ஞாஸ்தபோயஜ்ஞா யோக³யஜ்ஞாஸ்ததா²பரே ।

ஸ்வாத்⁴யாயஜ்ஞாநயஜ்ஞாஶ்ச யதய: ஸம்ஶிதவ்ரதா: ॥ 4-28॥

அபாநே ஜுஹ்வதி ப்ராணம் ப்ராணேঽபாநம் ததா²பரே ।

ப்ராணாபாநக³தீ ருத்³த்⁴வா ப்ராணாயாமபராயணா: ॥ 4-29॥

அபரே நியதாஹாரா: ப்ராணாந்ப்ராணேஷு ஜுஹ்வதி ।

ஸர்வேঽப்யேதே யஜ்ஞவிதோ³ யஜ்ஞக்ஷபிதகல்மஷா: ॥ 4-30॥

யஜ்ஞஶிஷ்டாம்ருʼதபு⁴ஜோ யாந்தி ப்³ரஹ்ம ஸநாதநம் ।

நாயம் லோகோঽஸ்த்யயஜ்ஞஸ்ய குதோঽந்ய: குருஸத்தம ॥ 4-31॥

ஏவம் ப³ஹுவிதா⁴ யஜ்ஞா விததா ப்³ரஹ்மணோ முகே² ।

கர்மஜாந்வித்³தி⁴ தாந்ஸர்வாநேவம் ஜ்ஞாத்வா விமோக்ஷ்யஸே ॥ 4-32॥

ஶ்ரேயாந்த்³ரவ்யமயாத்³யஜ்ஞாஜ்ஜ்ஞாநயஜ்ஞ: பரந்தப ।

ஸர்வம் கர்மாகி²லம் பார்த² ஜ்ஞாநே பரிஸமாப்யதே ॥ 4-33॥

தத்³வித்³தி⁴ ப்ரணிபாதேந பரிப்ரஶ்நேந ஸேவயா ।

உபதே³க்ஷ்யந்தி தே ஜ்ஞாநம் ஜ்ஞாநிநஸ்தத்த்வத³ர்ஶிந: ॥ 4-34॥

யஜ்ஜ்ஞாத்வா ந புநர்மோஹமேவம் யாஸ்யஸி பாண்ட³வ ।

யேந பூ⁴தாந்யஶேஷேண த்³ரக்ஷ்யஸ்யாத்மந்யதோ² மயி ॥ 4-35॥  var  அஶேஷாணி

அபி சேத³ஸி பாபேப்⁴ய: ஸர்வேப்⁴ய: பாபக்ருʼத்தம: ।

ஸர்வம் ஜ்ஞாநப்லவேநைவ வ்ருʼஜிநம் ஸந்தரிஷ்யஸி ॥ 4-36॥

யதை²தா⁴ம்ஸி ஸமித்³தோ⁴ঽக்³நிர்ப⁴ஸ்மஸாத்குருதேঽர்ஜுந ।

ஜ்ஞாநாக்³நி: ஸர்வகர்மாணி ப⁴ஸ்மஸாத்குருதே ததா² ॥ 4-37॥

ந ஹி ஜ்ஞாநேந ஸத்³ருʼஶம் பவித்ரமிஹ வித்³யதே ।

தத்ஸ்வயம் யோக³ஸம்ஸித்³த:⁴ காலேநாத்மநி விந்த³தி ॥ 4-38॥

ஶ்ரத்³தா⁴வாँல்லப⁴தே ஜ்ஞாநம் தத்பர: ஸம்யதேந்த்³ரிய: ।

ஜ்ஞாநம் லப்³த்⁴வா பராம் ஶாந்திமசிரேணாதி⁴க³ச்ச²தி ॥ 4-39॥

அஜ்ஞஶ்சாஶ்ரத்³த³தா⁴நஶ்ச ஸம்ஶயாத்மா விநஶ்யதி ।

நாயம் லோகோঽஸ்தி ந பரோ ந ஸுக²ம் ஸம்ஶயாத்மந: ॥ 4-40॥

யோக³ஸம்ந்யஸ்தகர்மாணம் ஜ்ஞாநஸஞ்சி²ந்நஸம்ஶயம் ।

ஆத்மவந்தம் ந கர்மாணி நிப³த்⁴நந்தி த⁴நஞ்ஜய ॥ 4-41॥

தஸ்மாத³ஜ்ஞாநஸம்பூ⁴தம் ஹ்ருʼத்ஸ்த²ம் ஜ்ஞாநாஸிநாத்மந: ।

சி²த்த்வைநம் ஸம்ஶயம் யோக³மாதிஷ்டோ²த்திஷ்ட² பா⁴ரத ॥ 4-42॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஜ்ஞாநகர்மஸம்ந்யாஸயோகோ³ நாம சதுர்தோ²ঽத்⁴யாய: ॥ 4॥

அத² பஞ்சமோঽத்⁴யாய: । 

  

05 ஸந்ந்யாஸயோக:³

        அர்ஜுந உவாச ।

ஸம்ந்யாஸம் கர்மணாம் க்ருʼஷ்ண புநர்யோக³ம் ச ஶம்ஸஸி ।

யச்ச்²ரேய ஏதயோரேகம் தந்மே ப்³ரூஹி ஸுநிஶ்சிதம் ॥ 5-1॥

        ஶ்ரீப⁴க³வாநுவாச ।

ஸம்ந்யாஸ: கர்மயோக³ஶ்ச நி:ஶ்ரேயஸகராவுபௌ⁴ ।

தயோஸ்து கர்மஸம்ந்யாஸாத்கர்மயோகோ³ விஶிஷ்யதே ॥ 5-2॥

ஜ்ஞேய: ஸ நித்யஸம்ந்யாஸீ யோ ந த்³வேஷ்டி ந காங்க்ஷதி ।

நிர்த்³வந்த்³வோ ஹி மஹாபா³ஹோ ஸுக²ம் ப³ந்தா⁴த்ப்ரமுச்யதே ॥ 5-3॥

ஸாங்க்²யயோகௌ³ ப்ருʼத²க்³பா³லா: ப்ரவத³ந்தி ந பண்டி³தா: ।

ஏகமப்யாஸ்தி²த: ஸம்யகு³ப⁴யோர்விந்த³தே ப²லம் ॥ 5-4॥

யத்ஸாங்க்²யை: ப்ராப்யதே ஸ்தா²நம் தத்³யோகை³ரபி க³ம்யதே ।

ஏகம் ஸாங்க்²யம் ச யோக³ம் ச ய: பஶ்யதி ஸ பஶ்யதி ॥ 5-5॥

ஸம்ந்யாஸஸ்து மஹாபா³ஹோ து:³க²மாப்துமயோக³த: ।

யோக³யுக்தோ முநிர்ப்³ரஹ்ம நசிரேணாதி⁴க³ச்ச²தி ॥ 5-6॥

யோக³யுக்தோ விஶுத்³தா⁴த்மா விஜிதாத்மா ஜிதேந்த்³ரிய: ।

ஸர்வபூ⁴தாத்மபூ⁴தாத்மா குர்வந்நபி ந லிப்யதே ॥ 5-7॥

நைவ கிஞ்சித்கரோமீதி யுக்தோ மந்யேத தத்த்வவித் ।

பஶ்யஞ்ஶ்ருʼண்வந்ஸ்ப்ருʼஶஞ்ஜிக்⁴ரந்நஶ்நந்க³ச்ச²ந்ஸ்வபஞ்ஶ்வஸந் ॥ 5-8॥

ப்ரலபந்விஸ்ருʼஜந்க்³ருʼஹ்ணந்நுந்மிஷந்நிமிஷந்நபி ।

இந்த்³ரியாணீந்த்³ரியார்தே²ஷு வர்தந்த இதி தா⁴ரயந் ॥ 5-9॥

ப்³ரஹ்மண்யாதா⁴ய கர்மாணி ஸங்க³ம் த்யக்த்வா கரோதி ய: ।

லிப்யதே ந ஸ பாபேந பத்³மபத்ரமிவாம்ப⁴ஸா ॥ 5-10॥

காயேந மநஸா பு³த்³த்⁴யா கேவலைரிந்த்³ரியைரபி ।

யோகி³ந: கர்ம குர்வந்தி ஸங்க³ம் த்யக்த்வாத்மஶுத்³த⁴யே ॥ 5-11॥

யுக்த: கர்மப²லம் த்யக்த்வா ஶாந்திமாப்நோதி நைஷ்டி²கீம் ।

அயுக்த: காமகாரேண ப²லே ஸக்தோ நிப³த்⁴யதே ॥ 5-12॥

ஸர்வகர்மாணி மநஸா ஸம்ந்யஸ்யாஸ்தே ஸுக²ம் வஶீ ।

நவத்³வாரே புரே தே³ஹீ நைவ குர்வந்ந காரயந் ॥ 5-13॥

ந கர்த்ருʼத்வம் ந கர்மாணி லோகஸ்ய ஸ்ருʼஜதி ப்ரபு:⁴ ।

ந கர்மப²லஸம்யோக³ம் ஸ்வபா⁴வஸ்து ப்ரவர்ததே ॥ 5-14॥

நாத³த்தே கஸ்யசித்பாபம் ந சைவ ஸுக்ருʼதம் விபு:⁴ ।

அஜ்ஞாநேநாவ்ருʼதம் ஜ்ஞாநம் தேந முஹ்யந்தி ஜந்தவ: ॥ 5-15॥

ஜ்ஞாநேந து தத³ஜ்ஞாநம் யேஷாம் நாஶிதமாத்மந: ।

தேஷாமாதி³த்யவஜ்ஜ்ஞாநம் ப்ரகாஶயதி தத்பரம் ॥ 5-16॥

தத்³பு³த்³த⁴யஸ்ததா³த்மாநஸ்தந்நிஷ்டா²ஸ்தத்பராயணா: ।

க³ச்ச²ந்த்யபுநராவ்ருʼத்திம் ஜ்ஞாநநிர்தூ⁴தகல்மஷா: ॥ 5-17॥

வித்³யாவிநயஸம்பந்நே ப்³ராஹ்மணே க³வி ஹஸ்திநி ।

ஶுநி சைவ ஶ்வபாகே ச பண்டி³தா: ஸமத³ர்ஶிந: ॥ 5-18॥

இஹைவ தைர்ஜித: ஸர்கோ³ யேஷாம் ஸாம்யே ஸ்தி²தம் மந: ।

நிர்தோ³ஷம் ஹி ஸமம் ப்³ரஹ்ம தஸ்மாத்³ ப்³ரஹ்மணி தே ஸ்தி²தா: ॥ 5-19॥

ந ப்ரஹ்ருʼஷ்யேத்ப்ரியம் ப்ராப்ய நோத்³விஜேத்ப்ராப்ய சாப்ரியம் ।

ஸ்தி²ரபு³த்³தி⁴ரஸம்மூடோ⁴ ப்³ரஹ்மவித்³ ப்³ரஹ்மணி ஸ்தி²த: ॥ 5-20॥

பா³ஹ்யஸ்பர்ஶேஷ்வஸக்தாத்மா விந்த³த்யாத்மநி யத்ஸுக²ம் ।

ஸ ப்³ரஹ்மயோக³யுக்தாத்மா ஸுக²மக்ஷயமஶ்நுதே ॥ 5-21॥

யே ஹி ஸம்ஸ்பர்ஶஜா போ⁴கா³ து:³க²யோநய ஏவ தே ।

ஆத்³யந்தவந்த: கௌந்தேய ந தேஷு ரமதே பு³த:⁴ ॥ 5-22॥

ஶக்நோதீஹைவ ய: ஸோடு⁴ம் ப்ராக்ஶரீரவிமோக்ஷணாத் ।

காமக்ரோதோ⁴த்³ப⁴வம் வேக³ம் ஸ யுக்த: ஸ ஸுகீ² நர: ॥ 5-23॥

யோঽந்த:ஸுகோ²ঽந்தராராமஸ்ததா²ந்தர்ஜ்யோதிரேவ ய: ।

ஸ யோகீ³ ப்³ரஹ்மநிர்வாணம் ப்³ரஹ்மபூ⁴தோঽதி⁴க³ச்ச²தி ॥ 5-24॥

லப⁴ந்தே ப்³ரஹ்மநிர்வாணம்ருʼஷய: க்ஷீணகல்மஷா: ।

சி²ந்நத்³வைதா⁴ யதாத்மாந: ஸர்வபூ⁴தஹிதே ரதா: ॥ 5-25॥

காமக்ரோத⁴வியுக்தாநாம் யதீநாம் யதசேதஸாம் ।

அபி⁴தோ ப்³ரஹ்மநிர்வாணம் வர்ததே விதி³தாத்மநாம் ॥ 5-26॥

ஸ்பர்ஶாந்க்ருʼத்வா ப³ஹிர்பா³ஹ்யாம்ஶ்சக்ஷுஶ்சைவாந்தரே ப்⁴ருவோ: ।

ப்ராணாபாநௌ ஸமௌ க்ருʼத்வா நாஸாப்⁴யந்தரசாரிணௌ ॥ 5-27॥

யதேந்த்³ரியமநோபு³த்³தி⁴ர்முநிர்மோக்ஷபராயண: ।

விக³தேச்சா²ப⁴யக்ரோதோ⁴ ய: ஸதா³ முக்த ஏவ ஸ: ॥ 5-28॥

போ⁴க்தாரம் யஜ்ஞதபஸாம் ஸர்வலோகமஹேஶ்வரம் ।

ஸுஹ்ருʼத³ம் ஸர்வபூ⁴தாநாம் ஜ்ஞாத்வா மாம் ஶாந்திம்ருʼச்ச²தி ॥ 5-29॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஸம்ந்யாஸயோகோ³ நாம பஞ்சமோঽத்⁴யாய: ॥ 5॥

அத² ஷஷ்டோ²ঽத்⁴யாய: ।   

06 ஆத்மஸம்யமயோக:³

        ஶ்ரீப⁴க³வாநுவாச ।

அநாஶ்ரித: கர்மப²லம் கார்யம் கர்ம கரோதி ய: ।

ஸ ஸம்ந்யாஸீ ச யோகீ³ ச ந நிரக்³நிர்ந சாக்ரிய: ॥ 6-1॥

யம் ஸம்ந்யாஸமிதி ப்ராஹுர்யோக³ம் தம் வித்³தி⁴ பாண்ட³வ ।

ந ஹ்யஸம்ந்யஸ்தஸங்கல்போ யோகீ³ ப⁴வதி கஶ்சந ॥ 6-2॥

ஆருருக்ஷோர்முநேர்யோக³ம் கர்ம காரணமுச்யதே ।

யோகா³ரூட⁴ஸ்ய தஸ்யைவ ஶம: காரணமுச்யதே ॥ 6-3॥

யதா³ ஹி நேந்த்³ரியார்தே²ஷு ந கர்மஸ்வநுஷஜ்ஜதே ।

ஸர்வஸங்கல்பஸம்ந்யாஸீ யோகா³ரூட⁴ஸ்ததோ³ச்யதே ॥ 6-4॥

உத்³த⁴ரேதா³த்மநாத்மாநம் நாத்மாநமவஸாத³யேத் ।

ஆத்மைவ ஹ்யாத்மநோ ப³ந்து⁴ராத்மைவ ரிபுராத்மந: ॥ 6-5॥

ப³ந்து⁴ராத்மாத்மநஸ்தஸ்ய யேநாத்மைவாத்மநா ஜித: ।

அநாத்மநஸ்து ஶத்ருத்வே வர்தேதாத்மைவ ஶத்ருவத் ॥ 6-6॥

ஜிதாத்மந: ப்ரஶாந்தஸ்ய பரமாத்மா ஸமாஹித: ।

ஶீதோஷ்ணஸுக²து:³கே²ஷு ததா² மாநாபமாநயோ: ॥ 6-7॥

ஜ்ஞாநவிஜ்ஞாநத்ருʼப்தாத்மா கூடஸ்தோ² விஜிதேந்த்³ரிய: ।

யுக்த இத்யுச்யதே யோகீ³ ஸமலோஷ்டாஶ்மகாஞ்சந: ॥ 6-8॥

ஸுஹ்ருʼந்மித்ரார்யுதா³ஸீநமத்⁴யஸ்த²த்³வேஷ்யப³ந்து⁴ஷு ।

ஸாது⁴ஷ்வபி ச பாபேஷு ஸமபு³த்³தி⁴ர்விஶிஷ்யதே ॥ 6-9॥

யோகீ³ யுஞ்ஜீத ஸததமாத்மாநம் ரஹஸி ஸ்தி²த: ।

ஏகாகீ யதசித்தாத்மா நிராஶீரபரிக்³ரஹ: ॥ 6-10॥

ஶுசௌ தே³ஶே ப்ரதிஷ்டா²ப்ய ஸ்தி²ரமாஸநமாத்மந: ।

நாத்யுச்ச்²ரிதம் நாதிநீசம் சைலாஜிநகுஶோத்தரம் ॥ 6-11॥

தத்ரைகாக்³ரம் மந: க்ருʼத்வா யதசித்தேந்த்³ரியக்ரிய: ।

உபவிஶ்யாஸநே யுஞ்ஜ்யாத்³யோக³மாத்மவிஶுத்³த⁴யே ॥ 6-12॥

ஸமம் காயஶிரோக்³ரீவம் தா⁴ரயந்நசலம் ஸ்தி²ர: ।

ஸம்ப்ரேக்ஷ்ய நாஸிகாக்³ரம் ஸ்வம் தி³ஶஶ்சாநவலோகயந் ॥ 6-13॥

ப்ரஶாந்தாத்மா விக³தபீ⁴ர்ப்³ரஹ்மசாரிவ்ரதே ஸ்தி²த: ।

மந: ஸம்யம்ய மச்சித்தோ யுக்த ஆஸீத மத்பர: ॥ 6-14॥

யுஞ்ஜந்நேவம் ஸதா³த்மாநம் யோகீ³ நியதமாநஸ: ।

ஶாந்திம் நிர்வாணபரமாம் மத்ஸம்ஸ்தா²மதி⁴க³ச்ச²தி ॥ 6-15॥

நாத்யஶ்நதஸ்து யோகோ³ঽஸ்தி ந சைகாந்தமநஶ்நத: ।

ந சாதிஸ்வப்நஶீலஸ்ய ஜாக்³ரதோ நைவ சார்ஜுந ॥ 6-16॥

யுக்தாஹாரவிஹாரஸ்ய  யுக்தசேஷ்டஸ்ய கர்மஸு ।

யுக்தஸ்வப்நாவபோ³த⁴ஸ்ய யோகோ³ ப⁴வதி து:³க²ஹா ॥ 6-17॥

யதா³ விநியதம் சித்தமாத்மந்யேவாவதிஷ்ட²தே ।

நி:ஸ்ப்ருʼஹ: ஸர்வகாமேப்⁴யோ யுக்த இத்யுச்யதே ததா³ ॥ 6-18॥

யதா² தீ³போ நிவாதஸ்தோ² நேங்க³தே ஸோபமா ஸ்ம்ருʼதா ।

யோகி³நோ யதசித்தஸ்ய யுஞ்ஜதோ யோக³மாத்மந: ॥ 6-19॥

யத்ரோபரமதே சித்தம் நிருத்³த⁴ம் யோக³ஸேவயா ।

யத்ர சைவாத்மநாத்மாநம் பஶ்யந்நாத்மநி துஷ்யதி ॥ 6-20॥

ஸுக²மாத்யந்திகம் யத்தத்³ பு³த்³தி⁴க்³ராஹ்யமதீந்த்³ரியம் ।

வேத்தி யத்ர ந சைவாயம் ஸ்தி²தஶ்சலதி தத்த்வத: ॥ 6-21॥

யம் லப்³த்⁴வா சாபரம் லாப⁴ம் மந்யதே நாதி⁴கம் தத: ।

யஸ்மிந்ஸ்தி²தோ ந து:³கே²ந கு³ருணாபி விசால்யதே ॥ 6-22॥

தம் வித்³யாத்³ து:³க²ஸம்யோக³வியோக³ம் யோக³ஸம்ஜ்ஞிதம் ।

ஸ நிஶ்சயேந யோக்தவ்யோ யோகோ³ঽநிர்விண்ணசேதஸா ॥ 6-23॥

ஸங்கல்பப்ரப⁴வாந்காமாம்ஸ்த்யக்த்வா ஸர்வாநஶேஷத: ।

மநஸைவேந்த்³ரியக்³ராமம் விநியம்ய ஸமந்தத: ॥ 6-24॥

ஶநை: ஶநைருபரமேத்³ பு³த்³த்⁴யா த்⁴ருʼதிக்³ருʼஹீதயா ।

ஆத்மஸம்ஸ்த²ம் மந: க்ருʼத்வா ந கிஞ்சித³பி சிந்தயேத் ॥ 6-25॥

யதோ யதோ நிஶ்சரதி மநஶ்சஞ்சலமஸ்தி²ரம் ।

ததஸ்ததோ நியம்யைததா³த்மந்யேவ வஶம் நயேத் ॥ 6-26॥

ப்ரஶாந்தமநஸம் ஹ்யேநம் யோகி³நம் ஸுக²முத்தமம் ।

உபைதி ஶாந்தரஜஸம் ப்³ரஹ்மபூ⁴தமகல்மஷம் ॥ 6-27॥

யுஞ்ஜந்நேவம் ஸதா³த்மாநம் யோகீ³ விக³தகல்மஷ: ।

ஸுகே²ந ப்³ரஹ்மஸம்ஸ்பர்ஶமத்யந்தம் ஸுக²மஶ்நுதே ॥ 6-28॥

ஸர்வபூ⁴தஸ்த²மாத்மாநம் ஸர்வபூ⁴தாநி சாத்மநி ।

ஈக்ஷதே யோக³யுக்தாத்மா ஸர்வத்ர ஸமத³ர்ஶந: ॥ 6-29॥

யோ மாம் பஶ்யதி ஸர்வத்ர ஸர்வம் ச மயி பஶ்யதி ।

தஸ்யாஹம் ந ப்ரணஶ்யாமி ஸ ச மே ந ப்ரணஶ்யதி ॥ 6-30॥

ஸர்வபூ⁴தஸ்தி²தம் யோ மாம் ப⁴ஜத்யேகத்வமாஸ்தி²த: ।

ஸர்வதா² வர்தமாநோঽபி ஸ யோகீ³ மயி வர்ததே ॥ 6-31॥

ஆத்மௌபம்யேந ஸர்வத்ர ஸமம் பஶ்யதி யோঽர்ஜுந ।

ஸுக²ம் வா யதி³ வா து:³க²ம் ஸ யோகீ³ பரமோ மத: ॥ 6-32॥

        அர்ஜுந உவாச ।

யோঽயம் யோக³ஸ்த்வயா ப்ரோக்த: ஸாம்யேந மது⁴ஸூத³ந ।

ஏதஸ்யாஹம் ந பஶ்யாமி சஞ்சலத்வாத்ஸ்தி²திம் ஸ்தி²ராம் ॥ 6-33॥

சஞ்சலம் ஹி மந: க்ருʼஷ்ண ப்ரமாதி² ப³லவத்³ த்³ருʼட⁴ம் ।

தஸ்யாஹம் நிக்³ரஹம் மந்யே வாயோரிவ ஸுது³ஷ்கரம் ॥ 6-34॥

        ஶ்ரீப⁴க³வாநுவாச ।

அஸம்ஶயம் மஹாபா³ஹோ மநோ து³ர்நிக்³ரஹம் சலம் ।

அப்⁴யாஸேந து கௌந்தேய வைராக்³யேண ச க்³ருʼஹ்யதே ॥ 6-35॥

அஸம்யதாத்மநா யோகோ³ து³ஷ்ப்ராப இதி மே மதி: ।

வஶ்யாத்மநா து யததா ஶக்யோঽவாப்துமுபாயத: ॥ 6-36॥

        அர்ஜுந உவாச ।

அயதி: ஶ்ரத்³த⁴யோபேதோ யோகா³ச்சலிதமாநஸ: ।

அப்ராப்ய யோக³ஸம்ஸித்³தி⁴ம் காம் க³திம் க்ருʼஷ்ண க³ச்ச²தி ॥ 6-37॥

கச்சிந்நோப⁴யவிப்⁴ரஷ்டஶ்சி²ந்நாப்⁴ரமிவ நஶ்யதி ।

அப்ரதிஷ்டோ² மஹாபா³ஹோ விமூடோ⁴ ப்³ரஹ்மண: பதி² ॥ 6-38॥

ஏதந்மே ஸம்ஶயம் க்ருʼஷ்ண சே²த்துமர்ஹஸ்யஶேஷத: ।

த்வத³ந்ய: ஸம்ஶயஸ்யாஸ்ய சே²த்தா ந ஹ்யுபபத்³யதே ॥ 6-39॥

        ஶ்ரீப⁴க³வாநுவாச ।

பார்த² நைவேஹ நாமுத்ர விநாஶஸ்தஸ்ய வித்³யதே ।

ந ஹி கல்யாணக்ருʼத்கஶ்சித்³ து³ர்க³திம் தாத க³ச்ச²தி ॥ 6-40॥

ப்ராப்ய புண்யக்ருʼதாம் லோகாநுஷித்வா ஶாஶ்வதீ: ஸமா: ।

ஶுசீநாம் ஶ்ரீமதாம் கே³ஹே யோக³ப்⁴ரஷ்டோঽபி⁴ஜாயதே ॥ 6-41॥

அத²வா யோகி³நாமேவ குலே ப⁴வதி தீ⁴மதாம் ।

ஏதத்³தி⁴ து³ர்லப⁴தரம் லோகே ஜந்ம யதீ³த்³ருʼஶம் ॥ 6-42॥

தத்ர தம் பு³த்³தி⁴ஸம்யோக³ம் லப⁴தே பௌர்வதே³ஹிகம் ।

யததே ச ததோ பூ⁴ய: ஸம்ஸித்³தௌ⁴ குருநந்த³ந ॥ 6-43॥

பூர்வாப்⁴யாஸேந தேநைவ ஹ்ரியதே ஹ்யவஶோঽபி ஸ: ।

ஜிஜ்ஞாஸுரபி யோக³ஸ்ய ஶப்³த³ப்³ரஹ்மாதிவர்ததே ॥ 6-44॥

ப்ரயத்நாத்³யதமாநஸ்து யோகீ³ ஸம்ஶுத்³த⁴கில்பி³ஷ: ।

அநேகஜந்மஸம்ஸித்³த⁴ஸ்ததோ யாதி பராம் க³திம் ॥ 6-45॥

தபஸ்விப்⁴யோঽதி⁴கோ யோகீ³ ஜ்ஞாநிப்⁴யோঽபி மதோঽதி⁴க: ।

கர்மிப்⁴யஶ்சாதி⁴கோ யோகீ³ தஸ்மாத்³யோகீ³ ப⁴வார்ஜுந ॥ 6-46॥

யோகி³நாமபி ஸர்வேஷாம் மத்³க³தேநாந்தராத்மநா ।

ஶ்ரத்³தா⁴வாந்ப⁴ஜதே யோ மாம் ஸ மே யுக்ததமோ மத: ॥ 6-47॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஆத்மஸம்யமயோகோ³ நாம ஷஷ்டோ²ঽத்⁴யாய: ॥ 6॥

அத² ஸப்தமோঽத்⁴யாய: ।  

07 ஜ்ஞாநவிஜ்ஞாநயோக:³

        ஶ்ரீப⁴க³வாநுவாச ।

மய்யாஸக்தமநா: பார்த² யோக³ம் யுஞ்ஜந்மதா³ஶ்ரய: ।

அஸம்ஶயம் ஸமக்³ரம் மாம் யதா² ஜ்ஞாஸ்யஸி தச்ச்²ருʼணு ॥ 7-1॥

ஜ்ஞாநம் தேঽஹம் ஸவிஜ்ஞாநமித³ம் வக்ஷ்யாம்யஶேஷத: ।

யஜ்ஜ்ஞாத்வா நேஹ பூ⁴யோঽந்யஜ்ஜ்ஞாதவ்யமவஶிஷ்யதே ॥ 7-2॥

மநுஷ்யாணாம் ஸஹஸ்ரேஷு கஶ்சித்³யததி ஸித்³த⁴யே ।

யததாமபி ஸித்³தா⁴நாம் கஶ்சிந்மாம் வேத்தி தத்த்வத: ॥ 7-3॥

பூ⁴மிராபோঽநலோ வாயு: க²ம் மநோ பு³த்³தி⁴ரேவ ச ।

அஹங்கார இதீயம் மே பி⁴ந்நா ப்ரக்ருʼதிரஷ்டதா⁴ ॥ 7-4॥

அபரேயமிதஸ்த்வந்யாம் ப்ரக்ருʼதிம் வித்³தி⁴ மே பராம் ।

ஜீவபூ⁴தாம் மஹாபா³ஹோ யயேத³ம் தா⁴ர்யதே ஜக³த் ॥ 7-5॥

ஏதத்³யோநீநி பூ⁴தாநி ஸர்வாணீத்யுபதா⁴ரய ।

அஹம் க்ருʼத்ஸ்நஸ்ய ஜக³த: ப்ரப⁴வ: ப்ரலயஸ்ததா² ॥ 7-6॥

மத்த: பரதரம் நாந்யத்கிஞ்சித³ஸ்தி த⁴நஞ்ஜய ।

மயி ஸர்வமித³ம் ப்ரோதம் ஸூத்ரே மணிக³ணா இவ ॥ 7-7॥

ரஸோঽஹமப்ஸு கௌந்தேய ப்ரபா⁴ஸ்மி ஶஶிஸூர்யயோ: ।

ப்ரணவ: ஸர்வவேதே³ஷு ஶப்³த:³ கே² பௌருஷம் ந்ருʼஷு ॥ 7-8॥

புண்யோ க³ந்த:⁴ ப்ருʼதி²வ்யாம் ச தேஜஶ்சாஸ்மி விபா⁴வஸௌ ।

ஜீவநம் ஸர்வபூ⁴தேஷு தபஶ்சாஸ்மி தபஸ்விஷு ॥ 7-9॥

பீ³ஜம் மாம் ஸர்வபூ⁴தாநாம் வித்³தி⁴ பார்த² ஸநாதநம் ।

பு³த்³தி⁴ர்பு³த்³தி⁴மதாமஸ்மி தேஜஸ்தேஜஸ்விநாமஹம் ॥ 7-10॥

ப³லம் ப³லவதாம் சாஹம் காமராக³விவர்ஜிதம் ।

த⁴ர்மாவிருத்³தோ⁴ பூ⁴தேஷு காமோঽஸ்மி ப⁴ரதர்ஷப⁴ ॥ 7-11॥

யே சைவ ஸாத்த்விகா பா⁴வா ராஜஸாஸ்தாமஸாஶ்ச யே ।

மத்த ஏவேதி தாந்வித்³தி⁴ ந த்வஹம் தேஷு தே மயி ॥ 7-12॥

த்ரிபி⁴ர்கு³ணமயைர்பா⁴வைரேபி:⁴ ஸர்வமித³ம் ஜக³த் ।

மோஹிதம் நாபி⁴ஜாநாதி மாமேப்⁴ய: பரமவ்யயம் ॥ 7-13॥

தை³வீ ஹ்யேஷா கு³ணமயீ மம மாயா து³ரத்யயா ।

மாமேவ யே ப்ரபத்³யந்தே மாயாமேதாம் தரந்தி தே ॥ 7-14॥

ந மாம் து³ஷ்க்ருʼதிநோ மூடா:⁴ ப்ரபத்³யந்தே நராத⁴மா: ।

மாயயாபஹ்ருʼதஜ்ஞாநா ஆஸுரம் பா⁴வமாஶ்ரிதா: ॥ 7-15॥

சதுர்விதா⁴ ப⁴ஜந்தே மாம் ஜநா: ஸுக்ருʼதிநோঽர்ஜுந ।

ஆர்தோ ஜிஜ்ஞாஸுரர்தா²ர்தீ² ஜ்ஞாநீ ச ப⁴ரதர்ஷப⁴ ॥ 7-16॥

தேஷாம் ஜ்ஞாநீ நித்யயுக்த ஏகப⁴க்திர்விஶிஷ்யதே ।

ப்ரியோ ஹி ஜ்ஞாநிநோঽத்யர்த²மஹம் ஸ ச மம ப்ரிய: ॥ 7-17॥

உதா³ரா: ஸர்வ ஏவைதே ஜ்ஞாநீ த்வாத்மைவ மே மதம் ।

ஆஸ்தி²த: ஸ ஹி யுக்தாத்மா மாமேவாநுத்தமாம் க³திம் ॥ 7-18॥

ப³ஹூநாம் ஜந்மநாமந்தே ஜ்ஞாநவாந்மாம் ப்ரபத்³யதே ।

வாஸுதே³வ: ஸர்வமிதி ஸ மஹாத்மா ஸுது³ர்லப:⁴ ॥ 7-19॥

காமைஸ்தைஸ்தைர்ஹ்ருʼதஜ்ஞாநா: ப்ரபத்³யந்தேঽந்யதே³வதா: ।

தம் தம் நியமமாஸ்தா²ய ப்ரக்ருʼத்யா நியதா: ஸ்வயா ॥ 7-20॥

யோ யோ யாம் யாம் தநும் ப⁴க்த: ஶ்ரத்³த⁴யார்சிதுமிச்ச²தி ।

தஸ்ய தஸ்யாசலாம் ஶ்ரத்³தா⁴ம் தாமேவ வித³தா⁴ம்யஹம் ॥ 7-21॥

ஸ தயா ஶ்ரத்³த⁴யா யுக்தஸ்தஸ்யாராத⁴நமீஹதே ।

லப⁴தே ச தத: காமாந்மயைவ விஹிதாந்ஹி தாந் ॥ 7-22॥

அந்தவத்து ப²லம் தேஷாம் தத்³ப⁴வத்யல்பமேத⁴ஸாம் ।

தே³வாந்தே³வயஜோ யாந்தி மத்³ப⁴க்தா யாந்தி மாமபி ॥ 7-23॥

அவ்யக்தம் வ்யக்திமாபந்நம் மந்யந்தே மாமபு³த்³த⁴ய: ।

பரம் பா⁴வமஜாநந்தோ மமாவ்யயமநுத்தமம் ॥ 7-24॥

நாஹம் ப்ரகாஶ: ஸர்வஸ்ய யோக³மாயாஸமாவ்ருʼத: ।

மூடோ⁴ঽயம் நாபி⁴ஜாநாதி லோகோ மாமஜமவ்யயம் ॥ 7-25॥

வேதா³ஹம் ஸமதீதாநி வர்தமாநாநி சார்ஜுந ।

ப⁴விஷ்யாணி ச பூ⁴தாநி மாம் து வேத³ ந கஶ்சந ॥ 7-26॥

இச்சா²த்³வேஷஸமுத்தே²ந த்³வந்த்³வமோஹேந பா⁴ரத ।

ஸர்வபூ⁴தாநி ஸம்மோஹம் ஸர்கே³ யாந்தி பரந்தப ॥ 7-27॥

யேஷாம் த்வந்தக³தம் பாபம் ஜநாநாம் புண்யகர்மணாம் ।

தே த்³வந்த்³வமோஹநிர்முக்தா ப⁴ஜந்தே மாம் த்³ருʼட⁴வ்ரதா: ॥ 7-28॥

ஜராமரணமோக்ஷாய மாமாஶ்ரித்ய யதந்தி யே ।

தே ப்³ரஹ்ம தத்³விது:³ க்ருʼத்ஸ்நமத்⁴யாத்மம் கர்ம சாகி²லம் ॥ 7-29॥

ஸாதி⁴பூ⁴தாதி⁴தை³வம் மாம் ஸாதி⁴யஜ்ஞம் ச யே விது:³ ।

ப்ரயாணகாலேঽபி ச மாம் தே விது³ர்யுக்தசேதஸ: ॥ 7-30॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஜ்ஞாநவிஜ்ஞாநயோகோ³ நாம ஸப்தமோঽத்⁴யாய: ॥ 7॥

அத² அஷ்டமோঽத்⁴யாய: ।   

08 அக்ஷரப்³ரஹ்மயோக:³

        அர்ஜுந உவாச ।

கிம் தத்³ ப்³ரஹ்ம கிமத்⁴யாத்மம் கிம் கர்ம புருஷோத்தம ।

அதி⁴பூ⁴தம் ச கிம் ப்ரோக்தமதி⁴தை³வம் கிமுச்யதே ॥ 8-1॥

அதி⁴யஜ்ஞ: கத²ம் கோঽத்ர தே³ஹேঽஸ்மிந்மது⁴ஸூத³ந ।

ப்ரயாணகாலே ச கத²ம் ஜ்ஞேயோঽஸி நியதாத்மபி:⁴ ॥ 8-2॥

        ஶ்ரீப⁴க³வாநுவாச ।

அக்ஷரம் ப்³ரஹ்ம பரமம் ஸ்வபா⁴வோঽத்⁴யாத்மமுச்யதே ।

பூ⁴தபா⁴வோத்³ப⁴வகரோ விஸர்க:³ கர்மஸம்ஜ்ஞித: ॥ 8-3॥

அதி⁴பூ⁴தம் க்ஷரோ பா⁴வ: புருஷஶ்சாதி⁴தை³வதம் ।

அதி⁴யஜ்ஞோঽஹமேவாத்ர தே³ஹே தே³ஹப்⁴ருʼதாம் வர ॥ 8-4॥

அந்தகாலே ச மாமேவ ஸ்மரந்முக்த்வா கலேவரம் ।

ய: ப்ரயாதி ஸ மத்³பா⁴வம் யாதி நாஸ்த்யத்ர ஸம்ஶய: ॥ 8-5॥

யம் யம் வாபி ஸ்மரந்பா⁴வம் த்யஜத்யந்தே கலேவரம் ।

தம் தமேவைதி கௌந்தேய ஸதா³ தத்³பா⁴வபா⁴வித: ॥ 8-6॥

தஸ்மாத்ஸர்வேஷு காலேஷு மாமநுஸ்மர யுத்⁴ய ச ।

மய்யர்பிதமநோபு³த்³தி⁴ர்மாமேவைஷ்யஸ்யஸம்ஶய: ॥ 8-7॥ orஸம்ஶயம்

அப்⁴யாஸயோக³யுக்தேந சேதஸா நாந்யகா³மிநா ।

பரமம் புருஷம் தி³வ்யம் யாதி பார்தா²நுசிந்தயந் ॥ 8-8॥

கவிம் புராணமநுஶாஸிதார-

        மணோரணீயம்ஸமநுஸ்மரேத்³ய: ।

ஸர்வஸ்ய தா⁴தாரமசிந்த்யரூப-

        மாதி³த்யவர்ணம் தமஸ: பரஸ்தாத் ॥ 8-9॥

ப்ரயாணகாலே மநஸாঽசலேந

        ப⁴க்த்யா யுக்தோ யோக³ப³லேந சைவ ।

ப்⁴ருவோர்மத்⁴யே ப்ராணமாவேஶ்ய ஸம்யக்

        ஸ தம் பரம் புருஷமுபைதி தி³வ்யம் ॥ 8-10॥

யத³க்ஷரம் வேத³விதோ³ வத³ந்தி

        விஶந்தி யத்³யதயோ வீதராகா:³ ।

யதி³ச்ச²ந்தோ ப்³ரஹ்மசர்யம் சரந்தி

        தத்தே பத³ம் ஸங்க்³ரஹேண ப்ரவக்ஷ்யே ॥ 8-11॥

ஸர்வத்³வாராணி ஸம்யம்ய மநோ ஹ்ருʼதி³ நிருத்⁴ய ச ।

மூர்த்⁴ந்யாதா⁴யாத்மந: ப்ராணமாஸ்தி²தோ யோக³தா⁴ரணாம் ॥ 8-12॥

ஓமித்யேகாக்ஷரம் ப்³ரஹ்ம வ்யாஹரந்மாமநுஸ்மரந் ।

ய: ப்ரயாதி த்யஜந்தே³ஹம் ஸ யாதி பரமாம் க³திம் ॥ 8-13॥

அநந்யசேதா: ஸததம் யோ மாம் ஸ்மரதி நித்யஶ: ।

தஸ்யாஹம் ஸுலப:⁴ பார்த² நித்யயுக்தஸ்ய யோகி³ந: ॥ 8-14॥

மாமுபேத்ய புநர்ஜந்ம து:³கா²லயமஶாஶ்வதம் ।

நாப்நுவந்தி மஹாத்மாந: ஸம்ஸித்³தி⁴ம் பரமாம் க³தா: ॥ 8-15॥

ஆப்³ரஹ்மபு⁴வநால்லோகா: புநராவர்திநோঽர்ஜுந ।

மாமுபேத்ய து கௌந்தேய புநர்ஜந்ம ந வித்³யதே ॥ 8-16॥

ஸஹஸ்ரயுக³பர்யந்தமஹர்யத்³ ப்³ரஹ்மணோ விது:³ ।

ராத்ரிம் யுக³ஸஹஸ்ராந்தாம் தேঽஹோராத்ரவிதோ³ ஜநா: ॥ 8-17॥

அவ்யக்தாத்³ வ்யக்தய: ஸர்வா: ப்ரப⁴வந்த்யஹராக³மே ।

ராத்ர்யாக³மே ப்ரலீயந்தே தத்ரைவாவ்யக்தஸம்ஜ்ஞகே ॥ 8-18॥

பூ⁴தக்³ராம: ஸ ஏவாயம் பூ⁴த்வா பூ⁴த்வா ப்ரலீயதே ।

ராத்ர்யாக³மேঽவஶ: பார்த² ப்ரப⁴வத்யஹராக³மே ॥ 8-19॥

பரஸ்தஸ்மாத்து பா⁴வோঽந்யோঽவ்யக்தோঽவ்யக்தாத்ஸநாதந: ।

ய: ஸ ஸர்வேஷு பூ⁴தேஷு நஶ்யத்ஸு ந விநஶ்யதி ॥ 8-20॥

அவ்யக்தோঽக்ஷர இத்யுக்தஸ்தமாஹு: பரமாம் க³திம் ।

யம் ப்ராப்ய ந நிவர்தந்தே தத்³தா⁴ம பரமம் மம ॥ 8-21॥

புருஷ: ஸ பர: பார்த² ப⁴க்த்யா லப்⁴யஸ்த்வநந்யயா ।

யஸ்யாந்த:ஸ்தா²நி பூ⁴தாநி யேந ஸர்வமித³ம் ததம் ॥ 8-22॥

யத்ர காலே த்வநாவ்ருʼத்திமாவ்ருʼத்திம் சைவ யோகி³ந: ।

ப்ரயாதா யாந்தி தம் காலம் வக்ஷ்யாமி ப⁴ரதர்ஷப⁴ ॥ 8-23॥

அக்³நிர்ஜ்யோதிரஹ: ஶுக்ல: ஷண்மாஸா உத்தராயணம் ।

தத்ர ப்ரயாதா க³ச்ச²ந்தி ப்³ரஹ்ம ப்³ரஹ்மவிதோ³ ஜநா: ॥ 8-24॥

தூ⁴மோ ராத்ரிஸ்ததா² க்ருʼஷ்ண: ஷண்மாஸா த³க்ஷிணாயநம் ।

தத்ர சாந்த்³ரமஸம் ஜ்யோதிர்யோகீ³ ப்ராப்ய நிவர்ததே ॥ 8-25॥

ஶுக்லக்ருʼஷ்ணே க³தீ ஹ்யேதே ஜக³த: ஶாஶ்வதே மதே ।

ஏகயா யாத்யநாவ்ருʼத்திமந்யயாவர்ததே புந: ॥ 8-26॥

நைதே ஸ்ருʼதீ பார்த² ஜாநந்யோகீ³ முஹ்யதி கஶ்சந ।

தஸ்மாத்ஸர்வேஷு காலேஷு யோக³யுக்தோ ப⁴வார்ஜுந ॥ 8-27॥

வேதே³ஷு யஜ்ஞேஷு தப:ஸு சைவ

        தா³நேஷு யத்புண்யப²லம் ப்ரதி³ஷ்டம் ।

அத்யேதி தத்ஸர்வமித³ம் விதி³த்வா

        யோகீ³ பரம் ஸ்தா²நமுபைதி சாத்³யம் ॥ 8-28॥

        

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

அக்ஷரப்³ரஹ்மயோகோ³ நாமாஷ்டமோঽத்⁴யாய: ॥ 8॥

அத² நவமோঽத்⁴யாய: ।   

09 ராஜவித்³யா ராஜகு³ஹ்யயோக:³

        ஶ்ரீப⁴க³வாநுவாச ।

இத³ம் து தே கு³ஹ்யதமம் ப்ரவக்ஷ்யாம்யநஸூயவே ।

ஜ்ஞாநம் விஜ்ஞாநஸஹிதம் யஜ்ஜ்ஞாத்வா மோக்ஷ்யஸேঽஶுபா⁴த் ॥ 9-1॥

ராஜவித்³யா ராஜகு³ஹ்யம் பவித்ரமித³முத்தமம் ।

ப்ரத்யக்ஷாவக³மம் த⁴ர்ம்யம் ஸுஸுக²ம் கர்துமவ்யயம் ॥ 9-2॥

அஶ்ரத்³த³தா⁴நா: புருஷா த⁴ர்மஸ்யாஸ்ய பரந்தப ।

அப்ராப்ய மாம் நிவர்தந்தே ம்ருʼத்யுஸம்ஸாரவர்த்மநி ॥ 9-3॥

மயா ததமித³ம் ஸர்வம் ஜக³த³வ்யக்தமூர்திநா ।

மத்ஸ்தா²நி ஸர்வபூ⁴தாநி ந சாஹம் தேஷ்வவஸ்தி²த: ॥ 9-4॥

ந ச மத்ஸ்தா²நி பூ⁴தாநி பஶ்ய மே யோக³மைஶ்வரம் ।

பூ⁴தப்⁴ருʼந்ந ச பூ⁴தஸ்தோ² மமாத்மா பூ⁴தபா⁴வந: ॥ 9-5॥

யதா²காஶஸ்தி²தோ நித்யம் வாயு: ஸர்வத்ரகோ³ மஹாந் ।

ததா² ஸர்வாணி பூ⁴தாநி மத்ஸ்தா²நீத்யுபதா⁴ரய ॥ 9-6॥

ஸர்வபூ⁴தாநி கௌந்தேய ப்ரக்ருʼதிம் யாந்தி மாமிகாம் ।

கல்பக்ஷயே புநஸ்தாநி கல்பாதௌ³ விஸ்ருʼஜாம்யஹம் ॥ 9-7॥

ப்ரக்ருʼதிம் ஸ்வாமவஷ்டப்⁴ய விஸ்ருʼஜாமி புந: புந: ।

பூ⁴தக்³ராமமிமம் க்ருʼத்ஸ்நமவஶம் ப்ரக்ருʼதேர்வஶாத் ॥ 9-8॥

ந ச மாம் தாநி கர்மாணி நிப³த்⁴நந்தி த⁴நஞ்ஜய ।

உதா³ஸீநவதா³ஸீநமஸக்தம் தேஷு கர்மஸு ॥ 9-9॥

மயாத்⁴யக்ஷேண ப்ரக்ருʼதி: ஸூயதே ஸசராசரம் ।

ஹேதுநாநேந கௌந்தேய ஜக³த்³விபரிவர்ததே ॥ 9-10॥

அவஜாநந்தி மாம் மூடா⁴ மாநுஷீம் தநுமாஶ்ரிதம் ।

பரம் பா⁴வமஜாநந்தோ மம பூ⁴தமஹேஶ்வரம் ॥ 9-11॥

மோகா⁴ஶா மோக⁴கர்மாணோ மோக⁴ஜ்ஞாநா விசேதஸ: ।

ராக்ஷஸீமாஸுரீம் சைவ ப்ரக்ருʼதிம் மோஹிநீம் ஶ்ரிதா: ॥ 9-12॥

மஹாத்மாநஸ்து மாம் பார்த² தை³வீம் ப்ரக்ருʼதிமாஶ்ரிதா: ।

ப⁴ஜந்த்யநந்யமநஸோ ஜ்ஞாத்வா பூ⁴தாதி³மவ்யயம் ॥ 9-13॥

ஸததம் கீர்தயந்தோ மாம் யதந்தஶ்ச த்³ருʼட⁴வ்ரதா: ।

நமஸ்யந்தஶ்ச மாம் ப⁴க்த்யா நித்யயுக்தா உபாஸதே ॥ 9-14॥

ஜ்ஞாநயஜ்ஞேந சாப்யந்யே யஜந்தோ மாமுபாஸதே ।

ஏகத்வேந ப்ருʼத²க்த்வேந ப³ஹுதா⁴ விஶ்வதோமுக²ம் ॥ 9-15॥

அஹம் க்ரதுரஹம் யஜ்ஞ: ஸ்வதா⁴ஹமஹமௌஷத⁴ம் ।

மந்த்ரோঽஹமஹமேவாஜ்யமஹமக்³நிரஹம் ஹுதம் ॥ 9-16॥

பிதாஹமஸ்ய ஜக³தோ மாதா தா⁴தா பிதாமஹ: ।

வேத்³யம் பவித்ரமோங்கார ருʼக்ஸாம யஜுரேவ ச ॥ 9-17॥

க³திர்ப⁴ர்தா ப்ரபு:⁴ ஸாக்ஷீ நிவாஸ: ஶரணம் ஸுஹ்ருʼத் ।

ப்ரப⁴வ: ப்ரலய: ஸ்தா²நம் நிதா⁴நம் பீ³ஜமவ்யயம் ॥ 9-18॥

தபாம்யஹமஹம் வர்ஷம் நிக்³ருʼஹ்ணாம்யுத்ஸ்ருʼஜாமி ச ।

அம்ருʼதம் சைவ ம்ருʼத்யுஶ்ச ஸத³ஸச்சாஹமர்ஜுந ॥ 9-19॥

த்ரைவித்³யா மாம் ஸோமபா: பூதபாபா

        யஜ்ஞைரிஷ்ட்வா ஸ்வர்க³திம் ப்ரார்த²யந்தே ।

தே புண்யமாஸாத்³ய ஸுரேந்த்³ரலோக-

        மஶ்நந்தி தி³வ்யாந்தி³வி தே³வபோ⁴கா³ந் ॥ 9-20॥

தே தம் பு⁴க்த்வா ஸ்வர்க³லோகம் விஶாலம்

        க்ஷீணே புண்யே மர்த்யலோகம் விஶந்தி ।

ஏவம் த்ரயீத⁴ர்மமநுப்ரபந்நா

        க³தாக³தம் காமகாமா லப⁴ந்தே ॥ 9-21॥

அநந்யாஶ்சிந்தயந்தோ மாம் யே ஜநா: பர்யுபாஸதே ।

தேஷாம் நித்யாபி⁴யுக்தாநாம் யோக³க்ஷேமம் வஹாம்யஹம் ॥ 9-22॥

யேঽப்யந்யதே³வதா ப⁴க்தா யஜந்தே ஶ்ரத்³த⁴யாந்விதா: ।

தேঽபி மாமேவ கௌந்தேய யஜந்த்யவிதி⁴பூர்வகம் ॥ 9-23॥

அஹம் ஹி ஸர்வயஜ்ஞாநாம் போ⁴க்தா ச ப்ரபு⁴ரேவ ச ।

ந து மாமபி⁴ஜாநந்தி தத்த்வேநாதஶ்ச்யவந்தி தே ॥ 9-24॥

யாந்தி தே³வவ்ரதா தே³வாந்பித்ரூʼந்யாந்தி பித்ருʼவ்ரதா: ।

பூ⁴தாநி யாந்தி பூ⁴தேஜ்யா யாந்தி மத்³யாஜிநோঽபி மாம் ॥ 9-25॥

பத்ரம் புஷ்பம் ப²லம் தோயம் யோ மே ப⁴க்த்யா ப்ரயச்ச²தி ।

தத³ஹம் ப⁴க்த்யுபஹ்ருʼதமஶ்நாமி ப்ரயதாத்மந: ॥ 9-26॥

யத்கரோஷி யத³ஶ்நாஸி யஜ்ஜுஹோஷி த³தா³ஸி யத் ।

யத்தபஸ்யஸி கௌந்தேய தத்குருஷ்வ மத³ர்பணம் ॥ 9-27॥

ஶுபா⁴ஶுப⁴ப²லைரேவம் மோக்ஷ்யஸே கர்மப³ந்த⁴நை: ।

ஸம்ந்யாஸயோக³யுக்தாத்மா விமுக்தோ மாமுபைஷ்யஸி ॥ 9-28॥

ஸமோঽஹம் ஸர்வபூ⁴தேஷு ந மே த்³வேஷ்யோঽஸ்தி ந ப்ரிய: ।

யே ப⁴ஜந்தி து மாம் ப⁴க்த்யா மயி தே தேஷு சாப்யஹம் ॥ 9-29॥

அபி சேத்ஸுது³ராசாரோ ப⁴ஜதே மாமநந்யபா⁴க் ।

ஸாது⁴ரேவ ஸ மந்தவ்ய: ஸம்யக்³வ்யவஸிதோ ஹி ஸ: ॥ 9-30॥

க்ஷிப்ரம் ப⁴வதி த⁴ர்மாத்மா ஶஶ்வச்சா²ந்திம் நிக³ச்ச²தி ।

கௌந்தேய ப்ரதிஜாநீஹி ந மே ப⁴க்த: ப்ரணஶ்யதி ॥ 9-31॥

மாம் ஹி பார்த² வ்யபாஶ்ரித்ய யேঽபி ஸ்யு: பாபயோநய: ।

ஸ்த்ரியோ வைஶ்யாஸ்ததா² ஶூத்³ராஸ்தேঽபி யாந்தி பராம் க³திம் ॥ 9-32॥

கிம் புநர்ப்³ராஹ்மணா: புண்யா ப⁴க்தா ராஜர்ஷயஸ்ததா² ।

அநித்யமஸுக²ம் லோகமிமம் ப்ராப்ய ப⁴ஜஸ்வ மாம் ॥ 9-33॥

மந்மநா ப⁴வ மத்³ப⁴க்தோ மத்³யாஜீ மாம் நமஸ்குரு ।

மாமேவைஷ்யஸி யுக்த்வைவமாத்மாநம் மத்பராயண: ॥ 9-34॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ராஜவித்³யாராஜகு³ஹ்யயோகோ³ நாம நவமோঽத்⁴யாய: ॥ 9॥

அத² த³ஶமோঽத்⁴யாய: ।

10 விபூ⁴தியோக:³

        ஶ்ரீப⁴க³வாநுவாச ।

பூ⁴ய ஏவ மஹாபா³ஹோ ஶ்ருʼணு மே பரமம் வச: ।

யத்தேঽஹம் ப்ரீயமாணாய வக்ஷ்யாமி ஹிதகாம்யயா ॥ 10-1॥

ந மே விது:³ ஸுரக³ணா: ப்ரப⁴வம் ந மஹர்ஷய: ।

அஹமாதி³ர்ஹி தே³வாநாம் மஹர்ஷீணாம் ச ஸர்வஶ: ॥ 10-2॥

யோ மாமஜமநாதி³ம் ச வேத்தி லோகமஹேஶ்வரம் ।

அஸம்மூட:⁴ ஸ மர்த்யேஷு ஸர்வபாபை: ப்ரமுச்யதே ॥ 10-3॥

பு³த்³தி⁴ர்ஜ்ஞாநமஸம்மோஹ: க்ஷமா ஸத்யம் த³ம: ஶம: ।

ஸுக²ம் து:³க²ம் ப⁴வோঽபா⁴வோ ப⁴யம் சாப⁴யமேவ ச ॥ 10-4॥

அஹிம்ஸா ஸமதா துஷ்டிஸ்தபோ தா³நம் யஶோঽயஶ: ।

ப⁴வந்தி பா⁴வா பூ⁴தாநாம் மத்த ஏவ ப்ருʼத²க்³விதா:⁴ ॥ 10-5॥

மஹர்ஷய: ஸப்த பூர்வே சத்வாரோ மநவஸ்ததா² ।

மத்³பா⁴வா மாநஸா ஜாதா யேஷாம் லோக இமா: ப்ரஜா: ॥ 10-6॥

ஏதாம் விபூ⁴திம் யோக³ம் ச மம யோ வேத்தி தத்த்வத: ।

ஸோঽவிகம்பேந யோகே³ந யுஜ்யதே நாத்ர ஸம்ஶய: ॥ 10-7॥

அஹம் ஸர்வஸ்ய ப்ரப⁴வோ மத்த: ஸர்வம் ப்ரவர்ததே ।

இதி மத்வா ப⁴ஜந்தே மாம் பு³தா⁴ பா⁴வஸமந்விதா: ॥ 10-8॥

மச்சித்தா மத்³க³தப்ராணா போ³த⁴யந்த: பரஸ்பரம் ।

கத²யந்தஶ்ச மாம் நித்யம் துஷ்யந்தி ச ரமந்தி ச ॥ 10-9॥

தேஷாம் ஸததயுக்தாநாம் ப⁴ஜதாம் ப்ரீதிபூர்வகம் ।

த³தா³மி பு³த்³தி⁴யோக³ம் தம் யேந மாமுபயாந்தி தே ॥ 10-10॥

தேஷாமேவாநுகம்பார்த²மஹமஜ்ஞாநஜம் தம: ।

நாஶயாம்யாத்மபா⁴வஸ்தோ² ஜ்ஞாநதீ³பேந பா⁴ஸ்வதா ॥ 10-11॥

        அர்ஜுந உவாச ।

பரம் ப்³ரஹ்ம பரம் தா⁴ம பவித்ரம் பரமம் ப⁴வாந் ।

புருஷம் ஶாஶ்வதம் தி³வ்யமாதி³தே³வமஜம் விபு⁴ம் ॥ 10-12॥

ஆஹுஸ்த்வாம்ருʼஷய: ஸர்வே தே³வர்ஷிர்நாரத³ஸ்ததா² ।

அஸிதோ தே³வலோ வ்யாஸ: ஸ்வயம் சைவ ப்³ரவீஷி மே ॥ 10-13॥

ஸர்வமேதத்³ருʼதம் மந்யே யந்மாம் வத³ஸி கேஶவ ।

ந ஹி தே ப⁴க³வந்வ்யக்திம் விது³ர்தே³வா ந தா³நவா: ॥ 10-14॥

ஸ்வயமேவாத்மநாத்மாநம் வேத்த² த்வம் புருஷோத்தம ।

பூ⁴தபா⁴வந பூ⁴தேஶ தே³வதே³வ ஜக³த்பதே ॥ 10-15॥

வக்துமர்ஹஸ்யஶேஷேண தி³வ்யா ஹ்யாத்மவிபூ⁴தய: ।

யாபி⁴ர்விபூ⁴திபி⁴ர்லோகாநிமாம்ஸ்த்வம் வ்யாப்ய திஷ்ட²ஸி ॥ 10-16॥

கத²ம் வித்³யாமஹம் யோகி³ம்ஸ்த்வாம் ஸதா³ பரிசிந்தயந் ।

கேஷு கேஷு ச பா⁴வேஷு சிந்த்யோঽஸி ப⁴க³வந்மயா ॥ 10-17॥

விஸ்தரேணாத்மநோ யோக³ம் விபூ⁴திம் ச ஜநார்த³ந ।

பூ⁴ய: கத²ய த்ருʼப்திர்ஹி ஶ்ருʼண்வதோ நாஸ்தி மேঽம்ருʼதம் ॥ 10-18॥

        ஶ்ரீப⁴க³வாநுவாச ।

ஹந்த தே கத²யிஷ்யாமி தி³வ்யா ஹ்யாத்மவிபூ⁴தய: ।

ப்ராதா⁴ந்யத: குருஶ்ரேஷ்ட² நாஸ்த்யந்தோ விஸ்தரஸ்ய மே ॥ 10-19॥

அஹமாத்மா கு³டா³கேஶ ஸர்வபூ⁴தாஶயஸ்தி²த: ।

அஹமாதி³ஶ்ச மத்⁴யம் ச பூ⁴தாநாமந்த ஏவ ச ॥ 10-20॥

ஆதி³த்யாநாமஹம் விஷ்ணுர்ஜ்யோதிஷாம் ரவிரம்ஶுமாந் ।

மரீசிர்மருதாமஸ்மி நக்ஷத்ராணாமஹம் ஶஶீ ॥ 10-21॥

வேதா³நாம் ஸாமவேதோ³ঽஸ்மி தே³வாநாமஸ்மி வாஸவ: ।

இந்த்³ரியாணாம் மநஶ்சாஸ்மி பூ⁴தாநாமஸ்மி சேதநா ॥ 10-22॥

ருத்³ராணாம் ஶங்கரஶ்சாஸ்மி வித்தேஶோ யக்ஷரக்ஷஸாம் ।

வஸூநாம் பாவகஶ்சாஸ்மி மேரு: ஶிக²ரிணாமஹம் ॥ 10-23॥

புரோத⁴ஸாம் ச முக்²யம் மாம் வித்³தி⁴ பார்த² ப்³ருʼஹஸ்பதிம் ।

ஸேநாநீநாமஹம் ஸ்கந்த:³ ஸரஸாமஸ்மி ஸாக³ர: ॥ 10-24॥

மஹர்ஷீணாம் ப்⁴ருʼகு³ரஹம் கி³ராமஸ்ம்யேகமக்ஷரம் ।

யஜ்ஞாநாம் ஜபயஜ்ஞோঽஸ்மி ஸ்தா²வராணாம் ஹிமாலய: ॥ 10-25॥

அஶ்வத்த:² ஸர்வவ்ருʼக்ஷாணாம் தே³வர்ஷீணாம் ச நாரத:³ ।

க³ந்த⁴ர்வாணாம் சித்ரரத:² ஸித்³தா⁴நாம் கபிலோ முநி: ॥ 10-26॥

உச்சை:ஶ்ரவஸமஶ்வாநாம் வித்³தி⁴ மாமம்ருʼதோத்³ப⁴வம் ।

ஐராவதம் க³ஜேந்த்³ராணாம் நராணாம் ச நராதி⁴பம் ॥ 10-27॥

ஆயுதா⁴நாமஹம் வஜ்ரம் தே⁴நூநாமஸ்மி காமது⁴க் ।

ப்ரஜநஶ்சாஸ்மி கந்த³ர்ப: ஸர்பாணாமஸ்மி வாஸுகி: ॥ 10-28॥

அநந்தஶ்சாஸ்மி நாகா³நாம் வருணோ யாத³ஸாமஹம் ।

பித்ரூʼணாமர்யமா சாஸ்மி யம: ஸம்யமதாமஹம் ॥ 10-29॥

ப்ரஹ்லாத³ஶ்சாஸ்மி தை³த்யாநாம் கால: கலயதாமஹம் ।

ம்ருʼகா³ணாம் ச ம்ருʼகே³ந்த்³ரோঽஹம் வைநதேயஶ்ச பக்ஷிணாம் ॥ 10-30॥

பவந: பவதாமஸ்மி ராம: ஶஸ்த்ரப்⁴ருʼதாமஹம் ।

ஜ²ஷாணாம் மகரஶ்சாஸ்மி ஸ்ரோதஸாமஸ்மி ஜாஹ்நவீ ॥ 10-31॥

ஸர்கா³ணாமாதி³ரந்தஶ்ச மத்⁴யம் சைவாஹமர்ஜுந ।

அத்⁴யாத்மவித்³யா வித்³யாநாம் வாத:³ ப்ரவத³தாமஹம் ॥ 10-32॥

அக்ஷராணாமகாரோঽஸ்மி த்³வந்த்³வ: ஸாமாஸிகஸ்ய ச ।

அஹமேவாக்ஷய: காலோ தா⁴தாஹம் விஶ்வதோமுக:² ॥ 10-33॥

ம்ருʼத்யு: ஸர்வஹரஶ்சாஹமுத்³ப⁴வஶ்ச ப⁴விஷ்யதாம் ।

கீர்தி: ஶ்ரீர்வாக்ச நாரீணாம் ஸ்ம்ருʼதிர்மேதா⁴ த்⁴ருʼதி: க்ஷமா ॥ 10-34॥

ப்³ருʼஹத்ஸாம ததா² ஸாம்நாம் கா³யத்ரீ ச²ந்த³ஸாமஹம் ।

மாஸாநாம் மார்க³ஶீர்ஷோঽஹம்ருʼதூநாம் குஸுமாகர: ॥ 10-35॥

த்³யூதம் ச²லயதாமஸ்மி தேஜஸ்தேஜஸ்விநாமஹம் ।

ஜயோঽஸ்மி வ்யவஸாயோঽஸ்மி ஸத்த்வம் ஸத்த்வவதாமஹம் ॥ 10-36॥

வ்ருʼஷ்ணீநாம் வாஸுதே³வோঽஸ்மி பாண்ட³வாநாம் த⁴நஞ்ஜய: ।

முநீநாமப்யஹம் வ்யாஸ: கவீநாமுஶநா கவி: ॥ 10-37॥

த³ண்டோ³ த³மயதாமஸ்மி நீதிரஸ்மி ஜிகீ³ஷதாம் ।

மௌநம் சைவாஸ்மி கு³ஹ்யாநாம் ஜ்ஞாநம் ஜ்ஞாநவதாமஹம் ॥ 10-38॥

யச்சாபி ஸர்வபூ⁴தாநாம் பீ³ஜம் தத³ஹமர்ஜுந ।

ந தத³ஸ்தி விநா யத்ஸ்யாந்மயா பூ⁴தம் சராசரம் ॥ 10-39॥

நாந்தோঽஸ்தி மம தி³வ்யாநாம் விபூ⁴தீநாம் பரந்தப ।

ஏஷ தூத்³தே³ஶத: ப்ரோக்தோ விபூ⁴தேர்விஸ்தரோ மயா ॥ 10-40॥

யத்³யத்³விபூ⁴திமத்ஸத்த்வம் ஶ்ரீமதூ³ர்ஜிதமேவ வா ।

தத்ததே³வாவக³ச்ச² த்வம் மம தேஜோம்ঽஶஸம்ப⁴வம் ॥ 10-41॥

அத²வா ப³ஹுநைதேந கிம் ஜ்ஞாதேந தவார்ஜுந ।

விஷ்டப்⁴யாஹமித³ம் க்ருʼத்ஸ்நமேகாம்ஶேந ஸ்தி²தோ ஜக³த் ॥ 10-42॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

விபூ⁴தியோகோ³ நாம த³ஶமோঽத்⁴யாய: ॥ 10॥

அத² ஏகாத³ஶோঽத்⁴யாய: । 

 11 விஶ்வரூபத³ர்ஶநயோக:³

        அர்ஜுந உவாச ।

மத³நுக்³ரஹாய பரமம் கு³ஹ்யமத்⁴யாத்மஸம்ஜ்ஞிதம் ।

யத்த்வயோக்தம் வசஸ்தேந மோஹோঽயம் விக³தோ மம ॥ 11-1॥

ப⁴வாப்யயௌ ஹி பூ⁴தாநாம் ஶ்ருதௌ விஸ்தரஶோ மயா ।

த்வத்த: கமலபத்ராக்ஷ மாஹாத்ம்யமபி சாவ்யயம் ॥ 11-2॥

ஏவமேதத்³யதா²த்த² த்வமாத்மாநம் பரமேஶ்வர ।

த்³ரஷ்டுமிச்சா²மி தே ரூபமைஶ்வரம் புருஷோத்தம ॥ 11-3॥

மந்யஸே யதி³ தச்ச²க்யம் மயா த்³ரஷ்டுமிதி ப்ரபோ⁴ ।

யோகே³ஶ்வர ததோ மே த்வம் த³ர்ஶயாத்மாநமவ்யயம் ॥ 11-4॥

        ஶ்ரீப⁴க³வாநுவாச ।

பஶ்ய மே பார்த² ரூபாணி ஶதஶோঽத² ஸஹஸ்ரஶ: ।

நாநாவிதா⁴நி தி³வ்யாநி நாநாவர்ணாக்ருʼதீநி ச ॥ 11-5॥

பஶ்யாதி³த்யாந்வஸூந்ருத்³ராநஶ்விநௌ மருதஸ்ததா² ।

ப³ஹூந்யத்³ருʼஷ்டபூர்வாணி பஶ்யாஶ்சர்யாணி பா⁴ரத ॥ 11-6॥

இஹைகஸ்த²ம் ஜக³த்க்ருʼத்ஸ்நம் பஶ்யாத்³ய ஸசராசரம் ।

மம தே³ஹே கு³டா³கேஶ யச்சாந்யத்³ த்³ரஷ்டுமிச்ச²ஸி ॥ 11-7॥

ந து மாம் ஶக்யஸே த்³ரஷ்டுமநேநைவ ஸ்வசக்ஷுஷா ।

தி³வ்யம் த³தா³மி தே சக்ஷு: பஶ்ய மே யோக³மைஶ்வரம் ॥ 11-8॥

        ஸஞ்ஜய உவாச ।

ஏவமுக்த்வா ததோ ராஜந்மஹாயோகே³ஶ்வரோ ஹரி: ।

த³ர்ஶயாமாஸ பார்தா²ய பரமம் ரூபமைஶ்வரம் ॥ 11-9॥

அநேகவக்த்ரநயநமநேகாத்³பு⁴தத³ர்ஶநம் ।

அநேகதி³வ்யாப⁴ரணம் தி³வ்யாநேகோத்³யதாயுத⁴ம் ॥ 11-10॥

தி³வ்யமால்யாம்ப³ரத⁴ரம் தி³வ்யக³ந்தா⁴நுலேபநம் ।

ஸர்வாஶ்சர்யமயம் தே³வமநந்தம் விஶ்வதோமுக²ம் ॥ 11-11॥

தி³வி ஸூர்யஸஹஸ்ரஸ்ய ப⁴வேத்³யுக³பது³த்தி²தா ।

யதி³ பா:⁴ ஸத்³ருʼஶீ ஸா ஸ்யாத்³பா⁴ஸஸ்தஸ்ய மஹாத்மந: ॥ 11-12॥

தத்ரைகஸ்த²ம் ஜக³த்க்ருʼத்ஸ்நம் ப்ரவிப⁴க்தமநேகதா⁴ ।

அபஶ்யத்³தே³வதே³வஸ்ய ஶரீரே பாண்ட³வஸ்ததா³ ॥ 11-13॥

தத: ஸ விஸ்மயாவிஷ்டோ ஹ்ருʼஷ்டரோமா த⁴நஞ்ஜய: ।

ப்ரணம்ய ஶிரஸா தே³வம் க்ருʼதாஞ்ஜலிரபா⁴ஷத ॥ 11-14॥

        அர்ஜுந உவாச ।

பஶ்யாமி தே³வாம்ஸ்தவ தே³வ தே³ஹே

        ஸர்வாம்ஸ்ததா² பூ⁴தவிஶேஷஸங்கா⁴ந் ।

ப்³ரஹ்மாணமீஶம் கமலாஸநஸ்த²-

        ம்ருʼஷீம்ஶ்ச ஸர்வாநுரகா³ம்ஶ்ச தி³வ்யாந் ॥ 11-15॥

அநேகபா³ஹூத³ரவக்த்ரநேத்ரம்

        பஶ்யாமி த்வாம் ஸர்வதோঽநந்தரூபம் ।

நாந்தம் ந மத்⁴யம் ந புநஸ்தவாதி³ம்

        பஶ்யாமி விஶ்வேஶ்வர  விஶ்வரூப ॥ 11-16॥

கிரீடிநம் க³தி³நம் சக்ரிணம் ச

        தேஜோராஶிம் ஸர்வதோ தீ³ப்திமந்தம் ।

பஶ்யாமி த்வாம் து³ர்நிரீக்ஷ்யம் ஸமந்தாத்³

        தீ³ப்தாநலார்கத்³யுதிமப்ரமேயம் ॥ 11-17॥

த்வமக்ஷரம் பரமம் வேதி³தவ்யம்

        த்வமஸ்ய விஶ்வஸ்ய பரம் நிதா⁴நம் ।

த்வமவ்யய: ஶாஶ்வதத⁴ர்மகோ³ப்தா

        ஸநாதநஸ்த்வம் புருஷோ மதோ மே ॥ 11-18॥

அநாதி³மத்⁴யாந்தமநந்தவீர்ய-

        மநந்தபா³ஹும் ஶஶிஸூர்யநேத்ரம் ।

பஶ்யாமி த்வாம் தீ³ப்தஹுதாஶவக்த்ரம்

        ஸ்வதேஜஸா விஶ்வமித³ம் தபந்தம் ॥ 11-19॥

த்³யாவாப்ருʼதி²வ்யோரித³மந்தரம் ஹி

        வ்யாப்தம் த்வயைகேந தி³ஶஶ்ச ஸர்வா: ।

த்³ருʼஷ்ட்வாத்³பு⁴தம் ரூபமுக்³ரம் தவேத³ம்

        லோகத்ரயம் ப்ரவ்யதி²தம் மஹாத்மந் ॥ 11-20॥

அமீ ஹி த்வாம் ஸுரஸங்கா⁴ விஶந்தி

        கேசித்³பீ⁴தா: ப்ராஞ்ஜலயோ க்³ருʼணந்தி ।

ஸ்வஸ்தீத்யுக்த்வா மஹர்ஷிஸித்³த⁴ஸங்கா:⁴

        ஸ்துவந்தி த்வாம் ஸ்துதிபி:⁴ புஷ்கலாபி:⁴ ॥ 11-21॥

ருத்³ராதி³த்யா வஸவோ யே ச ஸாத்⁴யா

        விஶ்வேঽஶ்விநௌ மருதஶ்சோஷ்மபாஶ்ச ।

க³ந்த⁴ர்வயக்ஷாஸுரஸித்³த⁴ஸங்கா⁴

        வீக்ஷந்தே த்வாம் விஸ்மிதாஶ்சைவ ஸர்வே ॥ 11-22॥

ரூபம் மஹத்தே ப³ஹுவக்த்ரநேத்ரம்

        மஹாபா³ஹோ ப³ஹுபா³ஹூருபாத³ம் ।

ப³ஹூத³ரம் ப³ஹுத³ம்ஷ்ட்ராகராலம்

        த்³ருʼஷ்ட்வா லோகா: ப்ரவ்யதி²தாஸ்ததா²ஹம் ॥ 11-23॥

நப:⁴ஸ்ப்ருʼஶம் தீ³ப்தமநேகவர்ணம்

        வ்யாத்தாநநம் தீ³ப்தவிஶாலநேத்ரம் ।

த்³ருʼஷ்ட்வா ஹி த்வாம் ப்ரவ்யதி²தாந்தராத்மா

        த்⁴ருʼதிம் ந விந்தா³மி ஶமம் ச விஷ்ணோ ॥ 11-24॥

த³ம்ஷ்ட்ராகராலாநி ச தே முகா²நி

        த்³ருʼஷ்ட்வைவ காலாநலஸந்நிபா⁴நி ।

தி³ஶோ ந ஜாநே ந லபே⁴ ச ஶர்ம

        ப்ரஸீத³ தே³வேஶ ஜக³ந்நிவாஸ ॥ 11-25॥

அமீ ச த்வாம் த்⁴ருʼதராஷ்ட்ரஸ்ய புத்ரா:

        ஸர்வே ஸஹைவாவநிபாலஸங்கை:⁴ ।

பீ⁴ஷ்மோ த்³ரோண: ஸூதபுத்ரஸ்ததா²ஸௌ

        ஸஹாஸ்மதீ³யைரபி யோத⁴முக்²யை: ॥ 11-26॥

வக்த்ராணி தே த்வரமாணா விஶந்தி

        த³ம்ஷ்ட்ராகராலாநி ப⁴யாநகாநி ।

கேசித்³விலக்³நா த³ஶநாந்தரேஷு

        ஸந்த்³ருʼஶ்யந்தே சூர்ணிதைருத்தமாங்கை:³ ॥ 11-27॥

யதா² நதீ³நாம் ப³ஹவோঽம்பு³வேகா:³

        ஸமுத்³ரமேவாபி⁴முகா² த்³ரவந்தி ।

ததா² தவாமீ நரலோகவீரா

        விஶந்தி வக்த்ராண்யபி⁴விஜ்வலந்தி ॥ 11-28॥

யதா² ப்ரதீ³ப்தம் ஜ்வலநம் பதங்கா³

        விஶந்தி நாஶாய ஸம்ருʼத்³த⁴வேகா:³ ।

ததை²வ நாஶாய விஶந்தி லோகாஸ்-

        தவாபி வக்த்ராணி ஸம்ருʼத்³த⁴வேகா:³ ॥ 11-29॥

லேலிஹ்யஸே க்³ரஸமாந: ஸமந்தால்-

        லோகாந்ஸமக்³ராந்வத³நைர்ஜ்வலத்³பி:⁴ ।

தேஜோபி⁴ராபூர்ய ஜக³த்ஸமக்³ரம்

        பா⁴ஸஸ்தவோக்³ரா: ப்ரதபந்தி விஷ்ணோ ॥ 11-30॥

ஆக்²யாஹி மே கோ ப⁴வாநுக்³ரரூபோ

        நமோঽஸ்து தே தே³வவர ப்ரஸீத³ ।

விஜ்ஞாதுமிச்சா²மி ப⁴வந்தமாத்³யம்

        ந ஹி ப்ரஜாநாமி தவ ப்ரவ்ருʼத்திம் ॥ 11-31॥

        

        ஶ்ரீப⁴க³வாநுவாச ।

காலோঽஸ்மி லோகக்ஷயக்ருʼத்ப்ரவ்ருʼத்³தோ⁴

        லோகாந்ஸமாஹர்துமிஹ ப்ரவ்ருʼத்த: ।

ருʼதேঽபி த்வாம் ந ப⁴விஷ்யந்தி ஸர்வே

        யேঽவஸ்தி²தா: ப்ரத்யநீகேஷு யோதா:⁴ ॥ 11-32॥

தஸ்மாத்த்வமுத்திஷ்ட² யஶோ லப⁴ஸ்வ

        ஜித்வா ஶத்ரூந் பு⁴ங்க்ஷ்வ ராஜ்யம் ஸம்ருʼத்³த⁴ம் ।

மயைவைதே நிஹதா: பூர்வமேவ

        நிமித்தமாத்ரம் ப⁴வ ஸவ்யஸாசிந் ॥ 11-33॥

த்³ரோணம் ச பீ⁴ஷ்மம் ச ஜயத்³ரத²ம் ச

        கர்ணம் ததா²ந்யாநபி யோத⁴வீராந் ।

மயா ஹதாம்ஸ்த்வம் ஜஹி மா வ்யதி²ஷ்டா²

        யுத்⁴யஸ்வ ஜேதாஸி ரணே ஸபத்நாந் ॥ 11-34॥

        

        ஸஞ்ஜய உவாச ।

ஏதச்ச்²ருத்வா வசநம் கேஶவஸ்ய

        க்ருʼதாஞ்ஜலிர்வேபமாந: கிரீடீ ।

நமஸ்க்ருʼத்வா பூ⁴ய ஏவாஹ க்ருʼஷ்ணம்

        ஸக³த்³க³த³ம் பீ⁴தபீ⁴த: ப்ரணம்ய ॥ 11-35॥

        

        அர்ஜுந உவாச ।

ஸ்தா²நே ஹ்ருʼஷீகேஶ தவ ப்ரகீர்த்யா

        ஜக³த்ப்ரஹ்ருʼஷ்யத்யநுரஜ்யதே ச ।

ரக்ஷாம்ஸி பீ⁴தாநி தி³ஶோ த்³ரவந்தி

        ஸர்வே நமஸ்யந்தி ச ஸித்³த⁴ஸங்கா:⁴ ॥ 11-36॥

கஸ்மாச்ச தே ந நமேரந்மஹாத்மந்

        க³ரீயஸே ப்³ரஹ்மணோঽப்யாதி³கர்த்ரே ।

அநந்த தே³வேஶ ஜக³ந்நிவாஸ

        த்வமக்ஷரம் ஸத³ஸத்தத்பரம் யத் ॥ 11-37॥

த்வமாதி³தே³வ: புருஷ: புராணஸ்-

        த்வமஸ்ய விஶ்வஸ்ய பரம் நிதா⁴நம் ।

வேத்தாஸி வேத்³யம் ச பரம் ச தா⁴ம

        த்வயா ததம் விஶ்வமநந்தரூப ॥ 11-38॥

வாயுர்யமோঽக்³நிர்வருண: ஶஶாங்க:

        ப்ரஜாபதிஸ்த்வம் ப்ரபிதாமஹஶ்ச ।

நமோ நமஸ்தேঽஸ்து ஸஹஸ்ரக்ருʼத்வ:

        புநஶ்ச பூ⁴யோঽபி நமோ நமஸ்தே ॥ 11-39॥

நம: புரஸ்தாத³த² ப்ருʼஷ்ட²தஸ்தே

        நமோঽஸ்து தே ஸர்வத ஏவ ஸர்வ ।

அநந்தவீர்யாமிதவிக்ரமஸ்த்வம்

        ஸர்வம் ஸமாப்நோஷி ததோঽஸி ஸர்வ: ॥ 11-40॥

ஸகே²தி மத்வா ப்ரஸப⁴ம் யது³க்தம்

        ஹே க்ருʼஷ்ண ஹே யாத³வ ஹே ஸகே²தி ।

அஜாநதா மஹிமாநம் தவேத³ம்

        மயா ப்ரமாதா³த்ப்ரணயேந வாபி ॥ 11-41॥

யச்சாவஹாஸார்த²மஸத்க்ருʼதோঽஸி

        விஹாரஶய்யாஸநபோ⁴ஜநேஷு ।

ஏகோঽத²வாப்யச்யுத தத்ஸமக்ஷம்

        தத்க்ஷாமயே த்வாமஹமப்ரமேயம் ॥ 11-42॥

பிதாஸி லோகஸ்ய சராசரஸ்ய

        த்வமஸ்ய பூஜ்யஶ்ச கு³ருர்க³ரீயாந் ।

ந த்வத்ஸமோঽஸ்த்யப்⁴யதி⁴க: குதோঽந்யோ

        லோகத்ரயேঽப்யப்ரதிமப்ரபா⁴வ ॥ 11-43॥

தஸ்மாத்ப்ரணம்ய ப்ரணிதா⁴ய காயம்

        ப்ரஸாத³யே த்வாமஹமீஶமீட்³யம் ।

பிதேவ புத்ரஸ்ய ஸகே²வ ஸக்²யு:

        ப்ரிய: ப்ரியாயார்ஹஸி தே³வ ஸோடு⁴ம் ॥ 11-44॥

அத்³ருʼஷ்டபூர்வம் ஹ்ருʼஷிதோঽஸ்மி த்³ருʼஷ்ட்வா

        ப⁴யேந ச ப்ரவ்யதி²தம் மநோ மே ।

ததே³வ மே த³ர்ஶய தே³வ ரூபம்

        ப்ரஸீத³ தே³வேஶ ஜக³ந்நிவாஸ ॥ 11-45॥

கிரீடிநம் க³தி³நம் சக்ரஹஸ்தம்

        இச்சா²மி த்வாம் த்³ரஷ்டுமஹம் ததை²வ ।

தேநைவ ரூபேண சதுர்பு⁴ஜேந

        ஸஹஸ்ரபா³ஹோ ப⁴வ விஶ்வமூர்தே ॥ 11-46॥

        

        ஶ்ரீப⁴க³வாநுவாச ।

மயா ப்ரஸந்நேந தவார்ஜுநேத³ம்

        ரூபம் பரம் த³ர்ஶிதமாத்மயோகா³த் ।

தேஜோமயம் விஶ்வமநந்தமாத்³யம்

        யந்மே த்வத³ந்யேந ந த்³ருʼஷ்டபூர்வம் ॥ 11-47॥

ந வேத³யஜ்ஞாத்⁴யயநைர்ந தா³நைர்-

        ந ச க்ரியாபி⁴ர்ந தபோபி⁴ருக்³ரை: ।

ஏவம்ரூப: ஶக்ய அஹம் ந்ருʼலோகே

        த்³ரஷ்டும் த்வத³ந்யேந குருப்ரவீர ॥ 11-48॥

மா தே வ்யதா² மா ச விமூட⁴பா⁴வோ

        த்³ருʼஷ்ட்வா ரூபம் கோ⁴ரமீத்³ருʼங்மமேத³ம் ।

வ்யபேதபீ:⁴ ப்ரீதமநா: புநஸ்த்வம்

        ததே³வ மே ரூபமித³ம் ப்ரபஶ்ய ॥ 11-49॥

        

        ஸஞ்ஜய உவாச ।

இத்யர்ஜுநம் வாஸுதே³வஸ்ததோ²க்த்வா

        ஸ்வகம் ரூபம் த³ர்ஶயாமாஸ பூ⁴ய: ।

ஆஶ்வாஸயாமாஸ ச பீ⁴தமேநம்

        பூ⁴த்வா புந: ஸௌம்யவபுர்மஹாத்மா ॥ 11-50॥

        

        அர்ஜுந உவாச ।

த்³ருʼஷ்ட்வேத³ம் மாநுஷம் ரூபம் தவ ஸௌம்யம் ஜநார்த³ந ।

இதா³நீமஸ்மி ஸம்வ்ருʼத்த: ஸசேதா: ப்ரக்ருʼதிம் க³த: ॥ 11-51॥

        ஶ்ரீப⁴க³வாநுவாச ।

ஸுது³ர்த³ர்ஶமித³ம் ரூபம் த்³ருʼஷ்டவாநஸி யந்மம ।

தே³வா அப்யஸ்ய ரூபஸ்ய நித்யம் த³ர்ஶநகாங்க்ஷிண: ॥ 11-52॥

நாஹம் வேதை³ர்ந தபஸா ந தா³நேந ந சேஜ்யயா ।

ஶக்ய ஏவம்விதோ⁴ த்³ரஷ்டும் த்³ருʼஷ்டவாநஸி மாம் யதா² ॥ 11-53॥

ப⁴க்த்யா த்வநந்யயா ஶக்ய அஹமேவம்விதோ⁴ঽர்ஜுந ।

ஜ்ஞாதும் த்³ரஷ்டும் ச தத்த்வேந ப்ரவேஷ்டும் ச பரந்தப ॥ 11-54॥

மத்கர்மக்ருʼந்மத்பரமோ மத்³ப⁴க்த: ஸங்க³வர்ஜித: ।

நிர்வைர: ஸர்வபூ⁴தேஷு ய: ஸ மாமேதி பாண்ட³வ ॥ 11-55॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

விஶ்வரூபத³ர்ஶநயோகோ³ நாமைகாத³ஶோঽத்⁴யாய: ॥ 11॥

அத² த்³வாத³ஶோঽத்⁴யாய: ।   

12 ப⁴க்தியோக:³

        அர்ஜுந உவாச ।

ஏவம் ஸததயுக்தா யே ப⁴க்தாஸ்த்வாம் பர்யுபாஸதே ।

யே சாப்யக்ஷரமவ்யக்தம் தேஷாம் கே யோக³வித்தமா: ॥ 12-1॥

        ஶ்ரீப⁴க³வாநுவாச ।

மய்யாவேஶ்ய மநோ யே மாம் நித்யயுக்தா உபாஸதே ।

ஶ்ரத்³த⁴யா பரயோபேதா: தே மே யுக்ததமா மதா: ॥ 12-2॥

யே த்வக்ஷரமநிர்தே³ஶ்யமவ்யக்தம் பர்யுபாஸதே ।

ஸர்வத்ரக³மசிந்த்யஞ்ச கூடஸ்த²மசலந்த்⁴ருவம் ॥ 12-3॥

ஸந்நியம்யேந்த்³ரியக்³ராமம் ஸர்வத்ர ஸமபு³த்³த⁴ய: ।

தே ப்ராப்நுவந்தி மாமேவ ஸர்வபூ⁴தஹிதே ரதா: ॥ 12-4॥

க்லேஶோঽதி⁴கதரஸ்தேஷாமவ்யக்தாஸக்தசேதஸாம் ।

அவ்யக்தா ஹி க³திர்து:³க²ம் தே³ஹவத்³பி⁴ரவாப்யதே ॥ 12-5॥

யே து ஸர்வாணி கர்மாணி மயி ஸம்ந்யஸ்ய மத்பரா: ।

அநந்யேநைவ யோகே³ந மாம் த்⁴யாயந்த உபாஸதே ॥ 12-6॥

தேஷாமஹம் ஸமுத்³த⁴ர்தா ம்ருʼத்யுஸம்ஸாரஸாக³ராத் ।

ப⁴வாமி நசிராத்பார்த² மய்யாவேஶிதசேதஸாம் ॥ 12-7॥

மய்யேவ மந ஆத⁴த்ஸ்வ மயி பு³த்³தி⁴ம் நிவேஶய ।

நிவஸிஷ்யஸி மய்யேவ அத ஊர்த்⁴வம் ந ஸம்ஶய: ॥ 12-8॥

அத² சித்தம் ஸமாதா⁴தும் ந ஶக்நோஷி மயி ஸ்தி²ரம் ।

அப்⁴யாஸயோகே³ந ததோ மாமிச்சா²ப்தும் த⁴நஞ்ஜய ॥ 12-9॥

அப்⁴யாஸேঽப்யஸமர்தோ²ঽஸி மத்கர்மபரமோ ப⁴வ ।

மத³ர்த²மபி கர்மாணி குர்வந்ஸித்³தி⁴மவாப்ஸ்யஸி ॥ 12-10॥

அதை²தத³ப்யஶக்தோঽஸி கர்தும் மத்³யோக³மாஶ்ரித: ।

ஸர்வகர்மப²லத்யாக³ம் தத: குரு யதாத்மவாந் ॥ 12-11॥

ஶ்ரேயோ ஹி ஜ்ஞாநமப்⁴யாஸாஜ்ஜ்ஞாநாத்³த்⁴யாநம் விஶிஷ்யதே ।

த்⁴யாநாத்கர்மப²லத்யாக³ஸ்த்யாகா³ச்சா²ந்திரநந்தரம் ॥ 12-12॥

அத்³வேஷ்டா ஸர்வபூ⁴தாநாம் மைத்ர: கருண ஏவ ச ।

நிர்மமோ நிரஹங்கார: ஸமது:³க²ஸுக:² க்ஷமீ ॥ 12-13॥

ஸந்துஷ்ட: ஸததம் யோகீ³ யதாத்மா த்³ருʼட⁴நிஶ்சய: ।

மய்யர்பிதமநோபு³த்³தி⁴ர்யோ மத்³ப⁴க்த: ஸ மே ப்ரிய: ॥ 12-14॥

யஸ்மாந்நோத்³விஜதே லோகோ லோகாந்நோத்³விஜதே ச ய: ।

ஹர்ஷாமர்ஷப⁴யோத்³வேகை³ர்முக்தோ ய: ஸ ச மே ப்ரிய: ॥ 12-15॥

அநபேக்ஷ: ஶுசிர்த³க்ஷ உதா³ஸீநோ க³தவ்யத:² ।

ஸர்வாரம்ப⁴பரித்யாகீ³ யோ மத்³ப⁴க்த: ஸ மே ப்ரிய: ॥ 12-16॥

யோ ந ஹ்ருʼஷ்யதி ந த்³வேஷ்டி ந ஶோசதி ந காங்க்ஷதி ।

ஶுபா⁴ஶுப⁴பரித்யாகீ³ ப⁴க்திமாந்ய: ஸ மே ப்ரிய: ॥ 12-17॥

ஸம: ஶத்ரௌ ச மித்ரே ச ததா² மாநாபமாநயோ: ।

ஶீதோஷ்ணஸுக²து:³கே²ஷு ஸம: ஸங்க³விவர்ஜித: ॥ 12-18॥

துல்யநிந்தா³ஸ்துதிர்மௌநீ ஸந்துஷ்டோ யேந கேநசித் ।

அநிகேத: ஸ்தி²ரமதிர்ப⁴க்திமாந்மே ப்ரியோ நர: ॥ 12-19॥

யே து த⁴ர்ம்யாம்ருʼதமித³ம் யதோ²க்தம் பர்யுபாஸதே ।

ஶ்ரத்³த³தா⁴நா மத்பரமா ப⁴க்தாஸ்தேঽதீவ மே ப்ரியா: ॥ 12-20॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ப⁴க்தியோகோ³ நாம த்³வாத³ஶோঽத்⁴யாய: ॥ 12॥

அத² த்ரயோத³ஶோঽத்⁴யாய: ।   

13 க்ஷேத்ரக்ஷேத்ரஜ்ஞ

விபா⁴க³யோக:³

        அர்ஜுந உவாச ।

ப்ரக்ருʼதிம் புருஷம் சைவ க்ஷேத்ரம் க்ஷேத்ரஜ்ஞமேவ ச ।

ஏதத்³வேதி³துமிச்சா²மி ஜ்ஞாநம் ஜ்ஞேயம் ச கேஶவ ॥ 13-1॥

        ஶ்ரீப⁴க³வாநுவாச ।

இத³ம் ஶரீரம் கௌந்தேய க்ஷேத்ரமித்யபி⁴தீ⁴யதே ।

ஏதத்³யோ வேத்தி தம் ப்ராஹு: க்ஷேத்ரஜ்ஞ இதி தத்³வித:³ ॥ 13-2॥

க்ஷேத்ரஜ்ஞம் சாபி மாம் வித்³தி⁴ ஸர்வக்ஷேத்ரேஷு பா⁴ரத ।

க்ஷேத்ரக்ஷேத்ரஜ்ஞயோர்ஜ்ஞாநம் யத்தஜ்ஜ்ஞாநம் மதம் மம ॥ 13-3॥

தத்க்ஷேத்ரம் யச்ச யாத்³ருʼக்ச யத்³விகாரி யதஶ்ச யத் ।

ஸ ச யோ யத்ப்ரபா⁴வஶ்ச தத்ஸமாஸேந மே ஶ்ருʼணு ॥ 13-4॥

ருʼஷிபி⁴ர்ப³ஹுதா⁴ கீ³தம் ச²ந்தோ³பி⁴ர்விவிதை:⁴ ப்ருʼத²க் ।

ப்³ரஹ்மஸூத்ரபதை³ஶ்சைவ ஹேதுமத்³பி⁴ர்விநிஶ்சிதை: ॥ 13-5॥

மஹாபூ⁴தாந்யஹங்காரோ பு³த்³தி⁴ரவ்யக்தமேவ ச ।

இந்த்³ரியாணி த³ஶைகம் ச பஞ்ச சேந்த்³ரியகோ³சரா: ॥ 13-6॥

இச்சா² த்³வேஷ: ஸுக²ம் து:³க²ம் ஸங்கா⁴தஶ்சேதநா த்⁴ருʼதி: ।

ஏதத்க்ஷேத்ரம் ஸமாஸேந ஸவிகாரமுதா³ஹ்ருʼதம் ॥ 13-7॥

அமாநித்வமத³ம்பி⁴த்வமஹிம்ஸா க்ஷாந்திரார்ஜவம் ।

ஆசார்யோபாஸநம் ஶௌசம் ஸ்தை²ர்யமாத்மவிநிக்³ரஹ: ॥ 13-8॥

இந்த்³ரியார்தே²ஷு வைராக்³யமநஹங்கார ஏவ ச ।

ஜந்மம்ருʼத்யுஜராவ்யாதி⁴து:³க²தோ³ஷாநுத³ர்ஶநம் ॥ 13-9॥

அஸக்திரநபி⁴ஷ்வங்க:³ புத்ரதா³ரக்³ருʼஹாதி³ஷு ।

நித்யம் ச ஸமசித்தத்வமிஷ்டாநிஷ்டோபபத்திஷு ॥ 13-10॥

மயி சாநந்யயோகே³ந ப⁴க்திரவ்யபி⁴சாரிணீ ।

விவிக்ததே³ஶஸேவித்வமரதிர்ஜநஸம்ஸதி³ ॥ 13-11॥

அத்⁴யாத்மஜ்ஞாநநித்யத்வம் தத்த்வஜ்ஞாநார்த²த³ர்ஶநம் ।

ஏதஜ்ஜ்ஞாநமிதி ப்ரோக்தமஜ்ஞாநம் யத³தோঽந்யதா² ॥ 13-12॥

ஜ்ஞேயம் யத்தத்ப்ரவக்ஷ்யாமி யஜ்ஜ்ஞாத்வாம்ருʼதமஶ்நுதே ।

அநாதி³மத்பரம் ப்³ரஹ்ம ந ஸத்தந்நாஸது³ச்யதே ॥ 13-13॥

ஸர்வத: பாணிபாத³ம் தத்ஸர்வதோঽக்ஷிஶிரோமுக²ம் ।

ஸர்வத: ஶ்ருதிமல்லோகே ஸர்வமாவ்ருʼத்ய திஷ்ட²தி ॥ 13-14॥

ஸர்வேந்த்³ரியகு³ணாபா⁴ஸம் ஸர்வேந்த்³ரியவிவர்ஜிதம் ।

அஸக்தம் ஸர்வப்⁴ருʼச்சைவ நிர்கு³ணம் கு³ணபோ⁴க்த்ருʼ ச ॥ 13-15॥

ப³ஹிரந்தஶ்ச பூ⁴தாநாமசரம் சரமேவ ச ।

ஸூக்ஷ்மத்வாத்தத³விஜ்ஞேயம் தூ³ரஸ்த²ம் சாந்திகே ச தத் ॥ 13-16॥

அவிப⁴க்தம் ச பூ⁴தேஷு விப⁴க்தமிவ ச ஸ்தி²தம் ।

பூ⁴தப⁴ர்த்ருʼ ச தஜ்ஜ்ஞேயம் க்³ரஸிஷ்ணு ப்ரப⁴விஷ்ணு ச ॥ 13-17॥

ஜ்யோதிஷாமபி தஜ்ஜ்யோதிஸ்தமஸ: பரமுச்யதே ।

ஜ்ஞாநம் ஜ்ஞேயம் ஜ்ஞாநக³ம்யம் ஹ்ருʼதி³ ஸர்வஸ்ய விஷ்டி²தம் ॥ 13-18॥

இதி க்ஷேத்ரம் ததா² ஜ்ஞாநம் ஜ்ஞேயம் சோக்தம் ஸமாஸத: ।

மத்³ப⁴க்த ஏதத்³விஜ்ஞாய மத்³பா⁴வாயோபபத்³யதே ॥ 13-19॥

ப்ரக்ருʼதிம் புருஷம் சைவ வித்³த்⁴யநாதீ³ உபா⁴வபி ।

விகாராம்ஶ்ச கு³ணாம்ஶ்சைவ வித்³தி⁴ ப்ரக்ருʼதிஸம்ப⁴வாந் ॥ 13-20॥

கார்யகாரணகர்த்ருʼத்வே ஹேது: ப்ரக்ருʼதிருச்யதே ।

புருஷ: ஸுக²து:³கா²நாம் போ⁴க்த்ருʼத்வே ஹேதுருச்யதே ॥ 13-21॥

புருஷ: ப்ரக்ருʼதிஸ்தோ² ஹி பு⁴ங்க்தே ப்ரக்ருʼதிஜாந்கு³ணாந் ।

காரணம் கு³ணஸங்கோ³ঽஸ்ய ஸத³ஸத்³யோநிஜந்மஸு ॥ 13-22॥

உபத்³ரஷ்டாநுமந்தா ச ப⁴ர்தா போ⁴க்தா மஹேஶ்வர: ।

பரமாத்மேதி சாப்யுக்தோ தே³ஹேঽஸ்மிந்புருஷ: பர: ॥ 13-23॥

ய ஏவம் வேத்தி புருஷம் ப்ரக்ருʼதிம் ச கு³ணை: ஸஹ ।

ஸர்வதா² வர்தமாநோঽபி ந ஸ பூ⁴யோঽபி⁴ஜாயதே ॥ 13-24॥

த்⁴யாநேநாத்மநி பஶ்யந்தி கேசிதா³த்மாநமாத்மநா ।

அந்யே ஸாங்க்²யேந யோகே³ந கர்மயோகே³ந சாபரே ॥ 13-25॥

அந்யே த்வேவமஜாநந்த: ஶ்ருத்வாந்யேப்⁴ய உபாஸதே ।

தேঽபி சாதிதரந்த்யேவ ம்ருʼத்யும் ஶ்ருதிபராயணா: ॥ 13-26॥

யாவத்ஸஞ்ஜாயதே கிஞ்சித்ஸத்த்வம் ஸ்தா²வரஜங்க³மம் ।

க்ஷேத்ரக்ஷேத்ரஜ்ஞஸம்யோகா³த்தத்³வித்³தி⁴ ப⁴ரதர்ஷப⁴ ॥ 13-27॥

ஸமம் ஸர்வேஷு பூ⁴தேஷு திஷ்ட²ந்தம் பரமேஶ்வரம் ।

விநஶ்யத்ஸ்வவிநஶ்யந்தம் ய: பஶ்யதி ஸ பஶ்யதி ॥ 13-28॥

ஸமம் பஶ்யந்ஹி ஸர்வத்ர ஸமவஸ்தி²தமீஶ்வரம் ।

ந ஹிநஸ்த்யாத்மநாத்மாநம் ததோ யாதி பராம் க³திம் ॥ 13-29॥

ப்ரக்ருʼத்யைவ ச கர்மாணி க்ரியமாணாநி ஸர்வஶ: ।

ய: பஶ்யதி ததா²த்மாநமகர்தாரம் ஸ பஶ்யதி ॥ 13-30॥

யதா³ பூ⁴தப்ருʼத²க்³பா⁴வமேகஸ்த²மநுபஶ்யதி ।

தத ஏவ ச விஸ்தாரம் ப்³ரஹ்ம ஸம்பத்³யதே ததா³ ॥ 13-31॥

அநாதி³த்வாந்நிர்கு³ணத்வாத்பரமாத்மாயமவ்யய: ।

ஶரீரஸ்தோ²ঽபி கௌந்தேய ந கரோதி ந லிப்யதே ॥ 13-32॥

யதா² ஸர்வக³தம் ஸௌக்ஷ்ம்யாதா³காஶம் நோபலிப்யதே ।

ஸர்வத்ராவஸ்தி²தோ தே³ஹே ததா²த்மா நோபலிப்யதே ॥ 13-33॥

யதா² ப்ரகாஶயத்யேக: க்ருʼத்ஸ்நம் லோகமிமம் ரவி: ।

க்ஷேத்ரம் க்ஷேத்ரீ ததா² க்ருʼத்ஸ்நம் ப்ரகாஶயதி பா⁴ரத ॥ 13-34॥

க்ஷேத்ரக்ஷேத்ரஜ்ஞயோரேவமந்தரம் ஜ்ஞாநசக்ஷுஷா ।

பூ⁴தப்ரக்ருʼதிமோக்ஷம் ச யே விது³ர்யாந்தி தே பரம் ॥ 13-35॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

க்ஷேத்ரக்ஷேத்ரஜ்ஞவிபா⁴க³யோகோ³ நாம த்ரயோத³ஶோঽத்⁴யாய: ॥ 13॥

அத² சதுர்த³ஶோঽத்⁴யாய: । 

14 கு³ணத்ரயவிபா⁴க³யோக:³

        ஶ்ரீப⁴க³வாநுவாச ।

பரம் பூ⁴ய: ப்ரவக்ஷ்யாமி ஜ்ஞாநாநாம் ஜ்ஞாநமுத்தமம் ।

யஜ்ஜ்ஞாத்வா முநய: ஸர்வே பராம் ஸித்³தி⁴மிதோ க³தா: ॥ 14-1॥

இத³ம் ஜ்ஞாநமுபாஶ்ரித்ய மம ஸாத⁴ர்ம்யமாக³தா: ।

ஸர்கே³ঽபி நோபஜாயந்தே ப்ரலயே ந வ்யத²ந்தி ச ॥ 14-2॥

மம யோநிர்மஹத்³ ப்³ரஹ்ம தஸ்மிந்க³ர்ப⁴ம் த³தா⁴ம்யஹம் ।

ஸம்ப⁴வ: ஸர்வபூ⁴தாநாம் ததோ ப⁴வதி பா⁴ரத ॥ 14-3॥

ஸர்வயோநிஷு கௌந்தேய மூர்தய: ஸம்ப⁴வந்தி யா: ।

தாஸாம் ப்³ரஹ்ம மஹத்³யோநிரஹம் பீ³ஜப்ரத:³ பிதா ॥ 14-4॥

ஸத்த்வம் ரஜஸ்தம இதி கு³ணா: ப்ரக்ருʼதிஸம்ப⁴வா: ।

நிப³த்⁴நந்தி மஹாபா³ஹோ தே³ஹே தே³ஹிநமவ்யயம் ॥ 14-5॥

தத்ர ஸத்த்வம் நிர்மலத்வாத்ப்ரகாஶகமநாமயம் ।

ஸுக²ஸங்கே³ந ப³த்⁴நாதி ஜ்ஞாநஸங்கே³ந சாநக⁴ ॥ 14-6॥

ரஜோ ராகா³த்மகம் வித்³தி⁴ த்ருʼஷ்ணாஸங்க³ஸமுத்³ப⁴வம் ।

தந்நிப³த்⁴நாதி கௌந்தேய கர்மஸங்கே³ந தே³ஹிநம் ॥ 14-7॥

தமஸ்த்வஜ்ஞாநஜம் வித்³தி⁴ மோஹநம் ஸர்வதே³ஹிநாம் ।

ப்ரமாதா³லஸ்யநித்³ராபி⁴ஸ்தந்நிப³த்⁴நாதி பா⁴ரத ॥ 14-8॥

ஸத்த்வம் ஸுகே² ஸஞ்ஜயதி ரஜ: கர்மணி பா⁴ரத ।

ஜ்ஞாநமாவ்ருʼத்ய து தம: ப்ரமாதே³ ஸஞ்ஜயத்யுத ॥ 14-9॥

ரஜஸ்தமஶ்சாபி⁴பூ⁴ய ஸத்த்வம் ப⁴வதி பா⁴ரத ।

ரஜ: ஸத்த்வம் தமஶ்சைவ தம: ஸத்த்வம் ரஜஸ்ததா² ॥ 14-10॥

ஸர்வத்³வாரேஷு தே³ஹேঽஸ்மிந்ப்ரகாஶ உபஜாயதே ।

ஜ்ஞாநம் யதா³ ததா³ வித்³யாத்³விவ்ருʼத்³த⁴ம் ஸத்த்வமித்யுத ॥ 14-11॥

லோப:⁴ ப்ரவ்ருʼத்திராரம்ப:⁴ கர்மணாமஶம: ஸ்ப்ருʼஹா ।

ரஜஸ்யேதாநி ஜாயந்தே விவ்ருʼத்³தே⁴ ப⁴ரதர்ஷப⁴ ॥ 14-12॥

அப்ரகாஶோঽப்ரவ்ருʼத்திஶ்ச ப்ரமாதோ³ மோஹ ஏவ ச ।

தமஸ்யேதாநி ஜாயந்தே விவ்ருʼத்³தே⁴ குருநந்த³ந ॥ 14-13॥

யதா³ ஸத்த்வே ப்ரவ்ருʼத்³தே⁴ து ப்ரலயம் யாதி தே³ஹப்⁴ருʼத் ।

ததோ³த்தமவிதா³ம் லோகாநமலாந்ப்ரதிபத்³யதே ॥ 14-14॥

ரஜஸி ப்ரலயம் க³த்வா கர்மஸங்கி³ஷு ஜாயதே ।

ததா² ப்ரலீநஸ்தமஸி மூட⁴யோநிஷு ஜாயதே ॥ 14-15॥

கர்மண: ஸுக்ருʼதஸ்யாஹு: ஸாத்த்விகம் நிர்மலம் ப²லம் ।

ரஜஸஸ்து ப²லம் து:³க²மஜ்ஞாநம் தமஸ: ப²லம் ॥ 14-16॥

ஸத்த்வாத்ஸஞ்ஜாயதே ஜ்ஞாநம் ரஜஸோ லோப⁴ ஏவ ச ।

ப்ரமாத³மோஹௌ தமஸோ ப⁴வதோঽஜ்ஞாநமேவ ச ॥ 14-17॥

ஊர்த்⁴வம் க³ச்ச²ந்தி ஸத்த்வஸ்தா² மத்⁴யே திஷ்ட²ந்தி ராஜஸா: ।

ஜக⁴ந்யகு³ணவ்ருʼத்திஸ்தா² அதோ⁴ க³ச்ச²ந்தி தாமஸா: ॥ 14-18॥

நாந்யம் கு³ணேப்⁴ய: கர்தாரம் யதா³ த்³ரஷ்டாநுபஶ்யதி ।

கு³ணேப்⁴யஶ்ச பரம் வேத்தி மத்³பா⁴வம் ஸோঽதி⁴க³ச்ச²தி ॥ 14-19॥

கு³ணாநேதாநதீத்ய த்ரீந்தே³ஹீ தே³ஹஸமுத்³ப⁴வாந் ।

ஜந்மம்ருʼத்யுஜராது:³கை²ர்விமுக்தோঽம்ருʼதமஶ்நுதே ॥ 14-20॥

        அர்ஜுந உவாச ।

கைர்லிங்கை³ஸ்த்ரீந்கு³ணாநேதாநதீதோ ப⁴வதி ப்ரபோ⁴ ।

கிமாசார: கத²ம் சைதாம்ஸ்த்ரீந்கு³ணாநதிவர்ததே ॥ 14-21॥

        ஶ்ரீப⁴க³வாநுவாச ।

ப்ரகாஶம் ச ப்ரவ்ருʼத்திம் ச மோஹமேவ ச பாண்ட³வ ।

ந த்³வேஷ்டி ஸம்ப்ரவ்ருʼத்தாநி ந நிவ்ருʼத்தாநி காங்க்ஷதி ॥ 14-22॥

உதா³ஸீநவதா³ஸீநோ கு³ணைர்யோ ந விசால்யதே ।

கு³ணா வர்தந்த இத்யேவம் யோঽவதிஷ்ட²தி நேங்க³தே ॥ 14-23॥

ஸமது:³க²ஸுக:² ஸ்வஸ்த:² ஸமலோஷ்டாஶ்மகாஞ்சந: ।

துல்யப்ரியாப்ரியோ தீ⁴ரஸ்துல்யநிந்தா³த்மஸம்ஸ்துதி: ॥ 14-24॥

மாநாபமாநயோஸ்துல்யஸ்துல்யோ மித்ராரிபக்ஷயோ: ।

ஸர்வாரம்ப⁴பரித்யாகீ³ கு³ணாதீத: ஸ உச்யதே ॥ 14-25॥

மாம் ச யோঽவ்யபி⁴சாரேண ப⁴க்தியோகே³ந ஸேவதே ।

ஸ கு³ணாந்ஸமதீத்யைதாந்ப்³ரஹ்மபூ⁴யாய கல்பதே ॥ 14-26॥

ப்³ரஹ்மணோ ஹி ப்ரதிஷ்டா²ஹமம்ருʼதஸ்யாவ்யயஸ்ய ச ।

ஶாஶ்வதஸ்ய ச த⁴ர்மஸ்ய ஸுக²ஸ்யைகாந்திகஸ்ய ச ॥ 14-27॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

கு³ணத்ரயவிபா⁴க³யோகோ³ நாம சதுர்த³ஶோঽத்⁴யாய: ॥ 14॥

அத² பஞ்சத³ஶோঽத்⁴யாய: ।   

15 புருஷோத்தமயோக:³

        ஶ்ரீப⁴க³வாநுவாச ।

ஊர்த்⁴வமூலமத:⁴ஶாக²மஶ்வத்த²ம் ப்ராஹுரவ்யயம் ।

ச²ந்தா³ம்ஸி யஸ்ய பர்ணாநி யஸ்தம் வேத³ ஸ வேத³வித் ॥ 15-1॥

அத⁴ஶ்சோர்த்⁴வம் ப்ரஸ்ருʼதாஸ்தஸ்ய ஶாகா²

        கு³ணப்ரவ்ருʼத்³தா⁴ விஷயப்ரவாலா: ।

அத⁴ஶ்ச மூலாந்யநுஸந்ததாநி

        கர்மாநுப³ந்தீ⁴நி மநுஷ்யலோகே ॥ 15-2॥

ந ரூபமஸ்யேஹ ததோ²பலப்⁴யதே

        நாந்தோ ந சாதி³ர்ந ச ஸம்ப்ரதிஷ்டா² ।

அஶ்வத்த²மேநம் ஸுவிரூட⁴மூலம்

        அஸங்க³ஶஸ்த்ரேண த்³ருʼடே⁴ந சி²த்த்வா ॥ 15-3॥

தத: பத³ம் தத்பரிமார்கி³தவ்யம்

        யஸ்மிந்க³தா ந நிவர்தந்தி பூ⁴ய: ।

தமேவ சாத்³யம் புருஷம் ப்ரபத்³யே ।

        யத: ப்ரவ்ருʼத்தி: ப்ரஸ்ருʼதா புராணீ ॥ 15-4॥

நிர்மாநமோஹா ஜிதஸங்க³தோ³ஷா

        அத்⁴யாத்மநித்யா விநிவ்ருʼத்தகாமா: ।

த்³வந்த்³வைர்விமுக்தா: ஸுக²து:³க²ஸம்ஜ்ஞைர்-

        க³ச்ச²ந்த்யமூடா:⁴ பத³மவ்யயம் தத் ॥ 15-5॥

ந தத்³பா⁴ஸயதே ஸூர்யோ ந ஶஶாங்கோ ந பாவக: ।

யத்³க³த்வா ந நிவர்தந்தே தத்³தா⁴ம பரமம் மம ॥ 15-6॥

மமைவாம்ஶோ ஜீவலோகே ஜீவபூ⁴த: ஸநாதந: ।

மந:ஷஷ்டா²நீந்த்³ரியாணி ப்ரக்ருʼதிஸ்தா²நி கர்ஷதி ॥ 15-7॥

ஶரீரம் யத³வாப்நோதி யச்சாப்யுத்க்ராமதீஶ்வர: ।

க்³ருʼஹீத்வைதாநி ஸம்யாதி வாயுர்க³ந்தா⁴நிவாஶயாத் ॥ 15-8॥

ஶ்ரோத்ரம் சக்ஷு: ஸ்பர்ஶநம் ச ரஸநம் க்⁴ராணமேவ ச ।

அதி⁴ஷ்டா²ய மநஶ்சாயம் விஷயாநுபஸேவதே ॥ 15-9॥

உத்க்ராமந்தம் ஸ்தி²தம் வாபி பு⁴ஞ்ஜாநம் வா கு³ணாந்விதம் ।

விமூடா⁴ நாநுபஶ்யந்தி பஶ்யந்தி ஜ்ஞாநசக்ஷுஷ: ॥ 15-10॥

யதந்தோ யோகி³நஶ்சைநம் பஶ்யந்த்யாத்மந்யவஸ்தி²தம் ।

யதந்தோঽப்யக்ருʼதாத்மாநோ நைநம் பஶ்யந்த்யசேதஸ: ॥ 15-11॥

யதா³தி³த்யக³தம் தேஜோ ஜக³த்³பா⁴ஸயதேঽகி²லம் ।

யச்சந்த்³ரமஸி யச்சாக்³நௌ தத்தேஜோ வித்³தி⁴ மாமகம் ॥ 15-12॥

கா³மாவிஶ்ய ச பூ⁴தாநி தா⁴ரயாம்யஹமோஜஸா ।

புஷ்ணாமி சௌஷதீ:⁴ ஸர்வா: ஸோமோ பூ⁴த்வா ரஸாத்மக: ॥ 15-13॥

அஹம் வைஶ்வாநரோ பூ⁴த்வா ப்ராணிநாம் தே³ஹமாஶ்ரித: ।

ப்ராணாபாநஸமாயுக்த: பசாம்யந்நம் சதுர்வித⁴ம் ॥ 15-14॥

ஸர்வஸ்ய சாஹம் ஹ்ருʼதி³ ஸந்நிவிஷ்டோ

        மத்த: ஸ்ம்ருʼதிர்ஜ்ஞாநமபோஹநஞ்ச ।

வேதை³ஶ்ச ஸர்வைரஹமேவ வேத்³யோ

        வேதா³ந்தக்ருʼத்³வேத³விதே³வ சாஹம் ॥ 15-15॥

த்³வாவிமௌ புருஷௌ லோகே க்ஷரஶ்சாக்ஷர ஏவ ச ।

க்ஷர: ஸர்வாணி பூ⁴தாநி கூடஸ்தோ²ঽக்ஷர உச்யதே ॥ 15-16॥

உத்தம: புருஷஸ்த்வந்ய: பரமாத்மேத்யுதா³ஹ்ருʼத: ।

யோ லோகத்ரயமாவிஶ்ய பி³ப⁴ர்த்யவ்யய ஈஶ்வர: ॥ 15-17॥

யஸ்மாத்க்ஷரமதீதோঽஹமக்ஷராத³பி சோத்தம: ।

அதோঽஸ்மி லோகே வேதே³ ச ப்ரதி²த: புருஷோத்தம: ॥ 15-18॥

யோ மாமேவமஸம்மூடோ⁴ ஜாநாதி புருஷோத்தமம் ।

ஸ ஸர்வவித்³ப⁴ஜதி மாம் ஸர்வபா⁴வேந பா⁴ரத ॥ 15-19॥

இதி கு³ஹ்யதமம் ஶாஸ்த்ரமித³முக்தம் மயாநக⁴ ।

ஏதத்³பு³த்³த்⁴வா பு³த்³தி⁴மாந்ஸ்யாத்க்ருʼதக்ருʼத்யஶ்ச பா⁴ரத ॥ 15-20॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுந ஸம்வாதே³

புருஷோத்தமயோகோ³ நாம பஞ்சத³ஶோঽத்⁴யாய: ॥ 15॥

அத² ஷோட³ஶோঽத்⁴யாய: ।  

16 தை³வாஸுரஸம்பத்³

விபா⁴க³யோக:³

        ஶ்ரீப⁴க³வாநுவாச ।

அப⁴யம் ஸத்த்வஸம்ஶுத்³தி⁴ர்ஜ்ஞாநயோக³வ்யவஸ்தி²தி: ।

தா³நம் த³மஶ்ச யஜ்ஞஶ்ச ஸ்வாத்⁴யாயஸ்தப ஆர்ஜவம் ॥ 16-1॥

அஹிம்ஸா ஸத்யமக்ரோத⁴ஸ்த்யாக:³ ஶாந்திரபைஶுநம் ।

த³யா பூ⁴தேஷ்வலோலுப்த்வம் மார்த³வம் ஹ்ரீரசாபலம் ॥ 16-2॥

தேஜ: க்ஷமா த்⁴ருʼதி: ஶௌசமத்³ரோஹோ நாதிமாநிதா ।

ப⁴வந்தி ஸம்பத³ம் தை³வீமபி⁴ஜாதஸ்ய பா⁴ரத ॥ 16-3॥

த³ம்போ⁴ த³ர்போঽபி⁴மாநஶ்ச க்ரோத:⁴ பாருஷ்யமேவ ச ।

அஜ்ஞாநம் சாபி⁴ஜாதஸ்ய பார்த² ஸம்பத³மாஸுரீம் ॥ 16-4॥

தை³வீ ஸம்பத்³விமோக்ஷாய நிப³ந்தா⁴யாஸுரீ மதா ।

மா ஶுச: ஸம்பத³ம் தை³வீமபி⁴ஜாதோঽஸி பாண்ட³வ ॥ 16-5॥

த்³வௌ பூ⁴தஸர்கௌ³ லோகேঽஸ்மிந்தை³வ ஆஸுர ஏவ ச ।

தை³வோ விஸ்தரஶ: ப்ரோக்த ஆஸுரம் பார்த² மே ஶ்ருʼணு ॥ 16-6॥

ப்ரவ்ருʼத்திம் ச நிவ்ருʼத்திம் ச ஜநா ந விது³ராஸுரா: ।

ந ஶௌசம் நாபி சாசாரோ ந ஸத்யம் தேஷு வித்³யதே ॥ 16-7॥

அஸத்யமப்ரதிஷ்ட²ம் தே ஜக³தா³ஹுரநீஶ்வரம் ।

அபரஸ்பரஸம்பூ⁴தம் கிமந்யத்காமஹைதுகம் ॥ 16-8॥

ஏதாம் த்³ருʼஷ்டிமவஷ்டப்⁴ய நஷ்டாத்மாநோঽல்பபு³த்³த⁴ய: ।

ப்ரப⁴வந்த்யுக்³ரகர்மாண: க்ஷயாய ஜக³தோঽஹிதா: ॥ 16-9॥

காமமாஶ்ரித்ய து³ஷ்பூரம் த³ம்ப⁴மாநமதா³ந்விதா: ।

மோஹாத்³க்³ருʼஹீத்வாஸத்³க்³ராஹாந்ப்ரவர்தந்தேঽஶுசிவ்ரதா: ॥ 16-10॥

சிந்தாமபரிமேயாம் ச ப்ரலயாந்தாமுபாஶ்ரிதா: ।

காமோபபோ⁴க³பரமா ஏதாவதி³தி நிஶ்சிதா: ॥ 16-11॥

ஆஶாபாஶஶதைர்ப³த்³தா:⁴ காமக்ரோத⁴பராயணா: ।

ஈஹந்தே காமபோ⁴கா³ர்த²மந்யாயேநார்த²ஸஞ்சயாந் ॥ 16-12॥

இத³மத்³ய மயா லப்³த⁴மிமம் ப்ராப்ஸ்யே மநோரத²ம் ।

இத³மஸ்தீத³மபி மே ப⁴விஷ்யதி புநர்த⁴நம் ॥ 16-13॥

அஸௌ மயா ஹத: ஶத்ருர்ஹநிஷ்யே சாபராநபி ।

ஈஶ்வரோঽஹமஹம் போ⁴கீ³ ஸித்³தோ⁴ঽஹம் ப³லவாந்ஸுகீ² ॥ 16-14॥

ஆட்⁴யோঽபி⁴ஜநவாநஸ்மி கோঽந்யோঽஸ்தி ஸத்³ருʼஶோ மயா ।

யக்ஷ்யே தா³ஸ்யாமி மோதி³ஷ்ய இத்யஜ்ஞாநவிமோஹிதா: ॥ 16-15॥

அநேகசித்தவிப்⁴ராந்தா மோஹஜாலஸமாவ்ருʼதா: ।

ப்ரஸக்தா: காமபோ⁴கே³ஷு பதந்தி நரகேঽஶுசௌ ॥ 16-16॥

ஆத்மஸம்பா⁴விதா: ஸ்தப்³தா⁴ த⁴நமாநமதா³ந்விதா: ।

யஜந்தே நாமயஜ்ஞைஸ்தே த³ம்பே⁴நாவிதி⁴பூர்வகம் ॥ 16-17॥

அஹங்காரம் ப³லம் த³ர்பம் காமம் க்ரோத⁴ம் ச ஸம்ஶ்ரிதா: ।

மாமாத்மபரதே³ஹேஷு ப்ரத்³விஷந்தோঽப்⁴யஸூயகா: ॥ 16-18॥

தாநஹம் த்³விஷத: க்ரூராந்ஸம்ஸாரேஷு நராத⁴மாந் ।

க்ஷிபாம்யஜஸ்ரமஶுபா⁴நாஸுரீஷ்வேவ யோநிஷு ॥ 16-19॥

ஆஸுரீம் யோநிமாபந்நா மூடா⁴ ஜந்மநி ஜந்மநி ।

மாமப்ராப்யைவ கௌந்தேய ததோ யாந்த்யத⁴மாம் க³திம் ॥ 16-20॥

த்ரிவித⁴ம் நரகஸ்யேத³ம் த்³வாரம் நாஶநமாத்மந: ।

காம: க்ரோத⁴ஸ்ததா² லோப⁴ஸ்தஸ்மாதே³தத்த்ரயம் த்யஜேத் ॥ 16-21॥

ஏதைர்விமுக்த: கௌந்தேய தமோத்³வாரைஸ்த்ரிபி⁴ர்நர: ।

ஆசரத்யாத்மந: ஶ்ரேயஸ்ததோ யாதி பராம் க³திம் ॥ 16-22॥

ய: ஶாஸ்த்ரவிதி⁴முத்ஸ்ருʼஜ்ய வர்ததே காமகாரத: ।

ந ஸ ஸித்³தி⁴மவாப்நோதி ந ஸுக²ம் ந பராம் க³திம் ॥ 16-23॥

தஸ்மாச்சா²ஸ்த்ரம் ப்ரமாணம் தே கார்யாகார்யவ்யவஸ்தி²தௌ ।

ஜ்ஞாத்வா ஶாஸ்த்ரவிதா⁴நோக்தம் கர்ம கர்துமிஹார்ஹஸி ॥ 16-24॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

தை³வாஸுரஸம்பத்³விபா⁴க³யோகோ³ நாம ஷோட³ஶோঽத்⁴யாய: ॥ 16॥

அத² ஸப்தத³ஶோঽத்⁴யாய: ।  

17 ஶ்ரத்³தா⁴த்ரய

விபா⁴க³யோக:³

        அர்ஜுந உவாச ।

யே ஶாஸ்த்ரவிதி⁴முத்ஸ்ருʼஜ்ய யஜந்தே ஶ்ரத்³த⁴யாந்விதா: ।

தேஷாம் நிஷ்டா² து கா க்ருʼஷ்ண ஸத்த்வமாஹோ ரஜஸ்தம: ॥ 17-1॥

        ஶ்ரீப⁴க³வாநுவாச ।

த்ரிவிதா⁴ ப⁴வதி ஶ்ரத்³தா⁴ தே³ஹிநாம் ஸா ஸ்வபா⁴வஜா ।

ஸாத்த்விகீ ராஜஸீ சைவ தாமஸீ சேதி தாம் ஶ்ருʼணு ॥ 17-2॥

ஸத்த்வாநுரூபா ஸர்வஸ்ய ஶ்ரத்³தா⁴ ப⁴வதி பா⁴ரத ।

ஶ்ரத்³தா⁴மயோঽயம் புருஷோ யோ யச்ச்²ரத்³த:⁴ ஸ ஏவ ஸ: ॥ 17-3॥

யஜந்தே ஸாத்த்விகா தே³வாந்யக்ஷரக்ஷாம்ஸி ராஜஸா: ।

ப்ரேதாந்பூ⁴தக³ணாம்ஶ்சாந்யே யஜந்தே தாமஸா ஜநா: ॥ 17-4॥

அஶாஸ்த்ரவிஹிதம் கோ⁴ரம் தப்யந்தே யே தபோ ஜநா: ।

த³ம்பா⁴ஹங்காரஸம்யுக்தா: காமராக³ப³லாந்விதா: ॥ 17-5॥

கர்ஷயந்த: ஶரீரஸ்த²ம் பூ⁴தக்³ராமமசேதஸ: ।

மாம் சைவாந்த:ஶரீரஸ்த²ம் தாந்வித்³த்⁴யாஸுரநிஶ்சயாந் ॥ 17-6॥

ஆஹாரஸ்த்வபி ஸர்வஸ்ய த்ரிவிதோ⁴ ப⁴வதி ப்ரிய: ।

யஜ்ஞஸ்தபஸ்ததா² தா³நம் தேஷாம் பே⁴த³மிமம் ஶ்ருʼணு ॥ 17-7॥

ஆயு:ஸத்த்வப³லாரோக்³யஸுக²ப்ரீதிவிவர்த⁴நா: ।

ரஸ்யா: ஸ்நிக்³தா:⁴ ஸ்தி²ரா ஹ்ருʼத்³யா ஆஹாரா: ஸாத்த்விகப்ரியா: ॥ 17-8॥

கட்வம்லலவணாத்யுஷ்ணதீக்ஷ்ணரூக்ஷவிதா³ஹிந: ।

ஆஹாரா ராஜஸஸ்யேஷ்டா து:³க²ஶோகாமயப்ரதா:³ ॥ 17-9॥

யாதயாமம் க³தரஸம் பூதி பர்யுஷிதம் ச யத் ।

உச்சி²ஷ்டமபி சாமேத்⁴யம் போ⁴ஜநம் தாமஸப்ரியம் ॥ 17-10॥

அப²லாகாங்க்ஷிபி⁴ர்யஜ்ஞோ விதி⁴த்³ருʼஷ்டோ ய இஜ்யதே ।

யஷ்டவ்யமேவேதி மந: ஸமாதா⁴ய ஸ ஸாத்த்விக: ॥ 17-11॥

அபி⁴ஸந்தா⁴ய து ப²லம் த³ம்பா⁴ர்த²மபி சைவ யத் ।

இஜ்யதே ப⁴ரதஶ்ரேஷ்ட² தம் யஜ்ஞம் வித்³தி⁴ ராஜஸம் ॥ 17-12॥

விதி⁴ஹீநமஸ்ருʼஷ்டாந்நம் மந்த்ரஹீநமத³க்ஷிணம் ।

ஶ்ரத்³தா⁴விரஹிதம் யஜ்ஞம் தாமஸம் பரிசக்ஷதே ॥ 17-13॥

தே³வத்³விஜகு³ருப்ராஜ்ஞபூஜநம் ஶௌசமார்ஜவம் ।

ப்³ரஹ்மசர்யமஹிம்ஸா ச ஶாரீரம் தப உச்யதே ॥ 17-14॥

அநுத்³வேக³கரம் வாக்யம் ஸத்யம் ப்ரியஹிதம் ச யத் ।

ஸ்வாத்⁴யாயாப்⁴யஸநம் சைவ வாங்மயம் தப உச்யதே ॥ 17-15॥

மந: ப்ரஸாத:³ ஸௌம்யத்வம் மௌநமாத்மவிநிக்³ரஹ: ।

பா⁴வஸம்ஶுத்³தி⁴ரித்யேதத்தபோ மாநஸமுச்யதே ॥ 17-16॥

ஶ்ரத்³த⁴யா பரயா தப்தம் தபஸ்தத்த்ரிவித⁴ம் நரை: ।

அப²லாகாங்க்ஷிபி⁴ர்யுக்தை: ஸாத்த்விகம் பரிசக்ஷதே ॥ 17-17॥

ஸத்காரமாநபூஜார்த²ம் தபோ த³ம்பே⁴ந சைவ யத் ।

க்ரியதே ததி³ஹ ப்ரோக்தம் ராஜஸம் சலமத்⁴ருவம் ॥ 17-18॥

மூட⁴க்³ராஹேணாத்மநோ யத்பீட³யா க்ரியதே தப: ।

பரஸ்யோத்ஸாத³நார்த²ம் வா தத்தாமஸமுதா³ஹ்ருʼதம் ॥ 17-19॥

தா³தவ்யமிதி யத்³தா³நம் தீ³யதேঽநுபகாரிணே ।

தே³ஶே காலே ச பாத்ரே ச தத்³தா³நம் ஸாத்த்விகம் ஸ்ம்ருʼதம் ॥ 17-20॥

யத்து ப்ரத்யுபகாரார்த²ம் ப²லமுத்³தி³ஶ்ய வா புந: ।

தீ³யதே ச பரிக்லிஷ்டம் தத்³தா³நம் ராஜஸம் ஸ்ம்ருʼதம் ॥ 17-21॥

அதே³ஶகாலே யத்³தா³நமபாத்ரேப்⁴யஶ்ச தீ³யதே ।

அஸத்க்ருʼதமவஜ்ஞாதம் தத்தாமஸமுதா³ஹ்ருʼதம் ॥ 17-22॥

ௐதத்ஸதி³தி நிர்தே³ஶோ ப்³ரஹ்மணஸ்த்ரிவித:⁴ ஸ்ம்ருʼத: ।

ப்³ராஹ்மணாஸ்தேந வேதா³ஶ்ச யஜ்ஞாஶ்ச விஹிதா: புரா ॥ 17-23॥

தஸ்மாதோ³மித்யுதா³ஹ்ருʼத்ய யஜ்ஞதா³நதப:க்ரியா: ।

ப்ரவர்தந்தே விதா⁴நோக்தா: ஸததம் ப்³ரஹ்மவாதி³நாம் ॥ 17-24॥

ததி³த்யநபி⁴ஸந்தா⁴ய ப²லம் யஜ்ஞதப:க்ரியா: ।

தா³நக்ரியாஶ்ச விவிதா:⁴ க்ரியந்தே மோக்ஷகாங்க்ஷிபி:⁴ ॥ 17-25॥

ஸத்³பா⁴வே ஸாது⁴பா⁴வே ச ஸதி³த்யேதத்ப்ரயுஜ்யதே ।

ப்ரஶஸ்தே கர்மணி ததா² ஸச்ச²ப்³த:³ பார்த² யுஜ்யதே ॥ 17-26॥

யஜ்ஞே தபஸி தா³நே ச ஸ்தி²தி: ஸதி³தி சோச்யதே ।

கர்ம சைவ தத³ர்தீ²யம் ஸதி³த்யேவாபி⁴தீ⁴யதே ॥ 17-27॥

அஶ்ரத்³த⁴யா ஹுதம் த³த்தம் தபஸ்தப்தம் க்ருʼதம் ச யத் ।

அஸதி³த்யுச்யதே பார்த² ந ச தத்ப்ரேத்ய நோ இஹ ॥ 17-28॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

ஶ்ரத்³தா⁴த்ரயவிபா⁴க³யோகோ³ நாம ஸப்தத³ஶோঽத்⁴யாய: ॥ 17॥

அதா²ஷ்டாத³ஶோঽத்⁴யாய: । 

18 மோக்ஷஸம்ந்யாஸயோக:³

        அர்ஜுந உவாச ।

ஸம்ந்யாஸஸ்ய மஹாபா³ஹோ தத்த்வமிச்சா²மி வேதி³தும் ।

த்யாக³ஸ்ய ச ஹ்ருʼஷீகேஶ ப்ருʼத²க்கேஶிநிஷூத³ந ॥ 18-1॥

        ஶ்ரீப⁴க³வாநுவாச ।

காம்யாநாம் கர்மணாம் ந்யாஸம் ஸம்ந்யாஸம் கவயோ விது:³ ।

ஸர்வகர்மப²லத்யாக³ம் ப்ராஹுஸ்த்யாக³ம் விசக்ஷணா: ॥ 18-2॥

த்யாஜ்யம் தோ³ஷவதி³த்யேகே கர்ம ப்ராஹுர்மநீஷிண: ।

யஜ்ஞதா³நதப:கர்ம ந த்யாஜ்யமிதி சாபரே ॥ 18-3॥

நிஶ்சயம் ஶ்ருʼணு மே தத்ர த்யாகே³ ப⁴ரதஸத்தம ।

த்யாகோ³ ஹி புருஷவ்யாக்⁴ர த்ரிவித:⁴ ஸம்ப்ரகீர்தித: ॥ 18-4॥

யஜ்ஞதா³நதப:கர்ம ந த்யாஜ்யம் கார்யமேவ தத் ।

யஜ்ஞோ தா³நம் தபஶ்சைவ பாவநாநி மநீஷிணாம் ॥ 18-5॥

ஏதாந்யபி து கர்மாணி ஸங்க³ம் த்யக்த்வா ப²லாநி ச ।

கர்தவ்யாநீதி மே பார்த² நிஶ்சிதம் மதமுத்தமம் ॥ 18-6॥

நியதஸ்ய து ஸம்ந்யாஸ: கர்மணோ நோபபத்³யதே ।

மோஹாத்தஸ்ய பரித்யாக³ஸ்தாமஸ: பரிகீர்தித: ॥ 18-7॥

து:³க²மித்யேவ யத்கர்ம காயக்லேஶப⁴யாத்த்யஜேத் ।

ஸ க்ருʼத்வா ராஜஸம் த்யாக³ம் நைவ த்யாக³ப²லம் லபே⁴த் ॥ 18-8॥

கார்யமித்யேவ யத்கர்ம நியதம் க்ரியதேঽர்ஜுந ।

ஸங்க³ம் த்யக்த்வா ப²லம் சைவ ஸ த்யாக:³ ஸாத்த்விகோ மத: ॥ 18-9॥

ந த்³வேஷ்ட்யகுஶலம் கர்ம குஶலே நாநுஷஜ்ஜதே ।

த்யாகீ³ ஸத்த்வஸமாவிஷ்டோ மேதா⁴வீ சி²ந்நஸம்ஶய: ॥ 18-10॥

ந ஹி தே³ஹப்⁴ருʼதா ஶக்யம் த்யக்தும் கர்மாண்யஶேஷத: ।

யஸ்து கர்மப²லத்யாகீ³ ஸ த்யாகீ³த்யபி⁴தீ⁴யதே ॥ 18-11॥

அநிஷ்டமிஷ்டம் மிஶ்ரம் ச த்ரிவித⁴ம் கர்மண: ப²லம் ।

ப⁴வத்யத்யாகி³நாம் ப்ரேத்ய ந து ஸம்ந்யாஸிநாம் க்வசித் ॥ 18-12॥

பஞ்சைதாநி மஹாபா³ஹோ காரணாநி நிபோ³த⁴ மே ।

ஸாங்க்²யே க்ருʼதாந்தே ப்ரோக்தாநி ஸித்³த⁴யே ஸர்வகர்மணாம் ॥ 18-13॥

அதி⁴ஷ்டா²நம் ததா² கர்தா கரணம் ச ப்ருʼத²க்³வித⁴ம் ।

விவிதா⁴ஶ்ச ப்ருʼத²க்சேஷ்டா தை³வம் சைவாத்ர பஞ்சமம் ॥ 18-14॥

ஶரீரவாங்மநோபி⁴ர்யத்கர்ம ப்ராரப⁴தே நர: ।

ந்யாய்யம் வா விபரீதம் வா பஞ்சைதே தஸ்ய ஹேதவ: ॥ 18-15॥

தத்ரைவம் ஸதி கர்தாரமாத்மாநம் கேவலம் து ய: ।

பஶ்யத்யக்ருʼதபு³த்³தி⁴த்வாந்ந ஸ பஶ்யதி து³ர்மதி: ॥ 18-16॥

யஸ்ய நாஹங்க்ருʼதோ பா⁴வோ பு³த்³தி⁴ர்யஸ்ய ந லிப்யதே ।

ஹத்வாঽபி ஸ இமாँல்லோகாந்ந ஹந்தி ந நிப³த்⁴யதே ॥ 18-17॥

ஜ்ஞாநம் ஜ்ஞேயம் பரிஜ்ஞாதா த்ரிவிதா⁴ கர்மசோத³நா ।

கரணம் கர்ம கர்தேதி த்ரிவித:⁴ கர்மஸங்க்³ரஹ: ॥ 18-18॥

ஜ்ஞாநம் கர்ம ச கர்தா ச த்ரிதை⁴வ கு³ணபே⁴த³த: ।

ப்ரோச்யதே கு³ணஸங்க்²யாநே யதா²வச்ச்²ருʼணு தாந்யபி ॥ 18-19॥

ஸர்வபூ⁴தேஷு யேநைகம் பா⁴வமவ்யயமீக்ஷதே ।

அவிப⁴க்தம் விப⁴க்தேஷு தஜ்ஜ்ஞாநம் வித்³தி⁴ ஸாத்த்விகம் ॥ 18-20॥

ப்ருʼத²க்த்வேந து யஜ்ஜ்ஞாநம் நாநாபா⁴வாந்ப்ருʼத²க்³விதா⁴ந் ।

வேத்தி ஸர்வேஷு பூ⁴தேஷு தஜ்ஜ்ஞாநம் வித்³தி⁴ ராஜஸம் ॥ 18-21॥

யத்து க்ருʼத்ஸ்நவதே³கஸ்மிந்கார்யே ஸக்தமஹைதுகம் ।

அதத்த்வார்த²வத³ல்பம் ச தத்தாமஸமுதா³ஹ்ருʼதம் ॥ 18-22॥

நியதம் ஸங்க³ரஹிதமராக³த்³வேஷத: க்ருʼதம் ।

அப²லப்ரேப்ஸுநா கர்ம யத்தத்ஸாத்த்விகமுச்யதே ॥ 18-23॥

யத்து காமேப்ஸுநா கர்ம ஸாஹங்காரேண வா புந: ।

க்ரியதே ப³ஹுலாயாஸம் தத்³ராஜஸமுதா³ஹ்ருʼதம் ॥ 18-24॥

அநுப³ந்த⁴ம் க்ஷயம் ஹிம்ஸாமநபேக்ஷ்ய ச பௌருஷம் ।

மோஹாதா³ரப்⁴யதே கர்ம யத்தத்தாமஸமுச்யதே ॥ 18-25॥

முக்தஸங்கோ³ঽநஹம்வாதீ³ த்⁴ருʼத்யுத்ஸாஹஸமந்வித: ।

ஸித்³த்⁴யஸித்³த்⁴யோர்நிர்விகார: கர்தா ஸாத்த்விக உச்யதே ॥ 18-26॥

ராகீ³ கர்மப²லப்ரேப்ஸுர்லுப்³தோ⁴ ஹிம்ஸாத்மகோঽஶுசி: ।

ஹர்ஷஶோகாந்வித: கர்தா ராஜஸ: பரிகீர்தித: ॥ 18-27॥

அயுக்த: ப்ராக்ருʼத: ஸ்தப்³த:⁴ ஶடோ² நைஷ்க்ருʼதிகோঽலஸ: ।

விஷாதீ³ தீ³ர்க⁴ஸூத்ரீ ச கர்தா தாமஸ உச்யதே ॥ 18-28॥

பு³த்³தே⁴ர்பே⁴த³ம் த்⁴ருʼதேஶ்சைவ கு³ணதஸ்த்ரிவித⁴ம் ஶ்ருʼணு ।

ப்ரோச்யமாநமஶேஷேண ப்ருʼத²க்த்வேந த⁴நஞ்ஜய ॥ 18-29॥

ப்ரவ்ருʼத்திம் ச நிவ்ருʼத்திம் ச கார்யாகார்யே ப⁴யாப⁴யே ।

ப³ந்த⁴ம் மோக்ஷம் ச யா வேத்தி பு³த்³தி:⁴ ஸா பார்த² ஸாத்த்விகீ ॥ 18-30॥

யயா த⁴ர்மமத⁴ர்மம் ச கார்யம் சாகார்யமேவ ச ।

அயதா²வத்ப்ரஜாநாதி பு³த்³தி:⁴ ஸா பார்த² ராஜஸீ ॥ 18-31॥

அத⁴ர்மம் த⁴ர்மமிதி யா மந்யதே தமஸாவ்ருʼதா ।

ஸர்வார்தா²ந்விபரீதாம்ஶ்ச பு³த்³தி:⁴ ஸா பார்த² தாமஸீ ॥ 18-32॥

த்⁴ருʼத்யா யயா தா⁴ரயதே மந:ப்ராணேந்த்³ரியக்ரியா: ।

யோகே³நாவ்யபி⁴சாரிண்யா த்⁴ருʼதி: ஸா பார்த² ஸாத்த்விகீ ॥ 18-33॥

யயா து த⁴ர்மகாமார்தா²ந்த்⁴ருʼத்யா தா⁴ரயதேঽர்ஜுந ।

ப்ரஸங்கே³ந ப²லாகாங்க்ஷீ த்⁴ருʼதி: ஸா பார்த² ராஜஸீ ॥ 18-34॥

யயா ஸ்வப்நம் ப⁴யம் ஶோகம் விஷாத³ம் மத³மேவ ச ।

ந விமுஞ்சதி து³ர்மேதா⁴ த்⁴ருʼதி: ஸா பார்த² தாமஸீ ॥ 18-35॥

ஸுக²ம் த்விதா³நீம் த்ரிவித⁴ம் ஶ்ருʼணு மே ப⁴ரதர்ஷப⁴ ।

அப்⁴யாஸாத்³ரமதே யத்ர து:³கா²ந்தம் ச நிக³ச்ச²தி ॥ 18-36॥

யத்தத³க்³ரே விஷமிவ பரிணாமேঽம்ருʼதோபமம் ।

தத்ஸுக²ம் ஸாத்த்விகம் ப்ரோக்தமாத்மபு³த்³தி⁴ப்ரஸாத³ஜம் ॥ 18-37॥

விஷயேந்த்³ரியஸம்யோகா³த்³யத்தத³க்³ரேঽம்ருʼதோபமம் ।

பரிணாமே விஷமிவ தத்ஸுக²ம் ராஜஸம் ஸ்ம்ருʼதம் ॥ 18-38॥

யத³க்³ரே சாநுப³ந்தே⁴ ச ஸுக²ம் மோஹநமாத்மந: ।

நித்³ராலஸ்யப்ரமாதோ³த்த²ம் தத்தாமஸமுதா³ஹ்ருʼதம் ॥ 18-39॥

ந தத³ஸ்தி ப்ருʼதி²வ்யாம் வா தி³வி தே³வேஷு வா புந: ।

ஸத்த்வம் ப்ரக்ருʼதிஜைர்முக்தம் யதே³பி:⁴ ஸ்யாத்த்ரிபி⁴ர்கு³ணை: ॥ 18-40॥

ப்³ராஹ்மணக்ஷத்ரியவிஶாம் ஶூத்³ராணாம் ச பரந்தப ।

கர்மாணி ப்ரவிப⁴க்தாநி ஸ்வபா⁴வப்ரப⁴வைர்கு³ணை: ॥ 18-41॥

ஶமோ த³மஸ்தப: ஶௌசம் க்ஷாந்திரார்ஜவமேவ ச ।

ஜ்ஞாநம் விஜ்ஞாநமாஸ்திக்யம் ப்³ரஹ்மகர்ம ஸ்வபா⁴வஜம் ॥ 18-42॥

ஶௌர்யம் தேஜோ த்⁴ருʼதிர்தா³க்ஷ்யம் யுத்³தே⁴ சாப்யபலாயநம் ।

தா³நமீஶ்வரபா⁴வஶ்ச க்ஷாத்ரம் கர்ம ஸ்வபா⁴வஜம் ॥ 18-43॥

க்ருʼஷிகௌ³ரக்ஷ்யவாணிஜ்யம் வைஶ்யகர்ம ஸ்வபா⁴வஜம் ।

பரிசர்யாத்மகம் கர்ம ஶூத்³ரஸ்யாபி ஸ்வபா⁴வஜம் ॥ 18-44॥

ஸ்வே ஸ்வே கர்மண்யபி⁴ரத: ஸம்ஸித்³தி⁴ம் லப⁴தே நர: ।

ஸ்வகர்மநிரத: ஸித்³தி⁴ம் யதா² விந்த³தி தச்ச்²ருʼணு ॥ 18-45॥

யத: ப்ரவ்ருʼத்திர்பூ⁴தாநாம் யேந ஸர்வமித³ம் ததம் ।

ஸ்வகர்மணா தமப்⁴யர்ச்ய ஸித்³தி⁴ம் விந்த³தி மாநவ: ॥ 18-46॥

ஶ்ரேயாந்ஸ்வத⁴ர்மோ விகு³ண: பரத⁴ர்மாத்ஸ்வநுஷ்டி²தாத் ।

ஸ்வபா⁴வநியதம் கர்ம குர்வந்நாப்நோதி கில்பி³ஷம் ॥ 18-47॥

ஸஹஜம் கர்ம கௌந்தேய ஸதோ³ஷமபி ந த்யஜேத் ।

ஸர்வாரம்பா⁴ ஹி தோ³ஷேண தூ⁴மேநாக்³நிரிவாவ்ருʼதா: ॥ 18-48॥

அஸக்தபு³த்³தி:⁴ ஸர்வத்ர ஜிதாத்மா விக³தஸ்ப்ருʼஹ: ।

நைஷ்கர்ம்யஸித்³தி⁴ம் பரமாம் ஸம்ந்யாஸேநாதி⁴க³ச்ச²தி ॥ 18-49॥

ஸித்³தி⁴ம் ப்ராப்தோ யதா² ப்³ரஹ்ம ததா²ப்நோதி நிபோ³த⁴ மே ।

ஸமாஸேநைவ கௌந்தேய நிஷ்டா² ஜ்ஞாநஸ்ய யா பரா ॥ 18-50॥

பு³த்³த்⁴யா விஶுத்³த⁴யா யுக்தோ த்⁴ருʼத்யாத்மாநம் நியம்ய ச ।

ஶப்³தா³தீ³ந்விஷயாம்ஸ்த்யக்த்வா ராக³த்³வேஷௌ வ்யுத³ஸ்ய ச ॥ 18-51॥

விவிக்தஸேவீ லக்⁴வாஶீ யதவாக்காயமாநஸ: ।

த்⁴யாநயோக³பரோ நித்யம் வைராக்³யம் ஸமுபாஶ்ரித: ॥ 18-52॥

அஹங்காரம் ப³லம் த³ர்பம் காமம் க்ரோத⁴ம் பரிக்³ரஹம் ।

விமுச்ய நிர்மம: ஶாந்தோ ப்³ரஹ்மபூ⁴யாய கல்பதே ॥ 18-53॥

ப்³ரஹ்மபூ⁴த: ப்ரஸந்நாத்மா ந ஶோசதி ந காங்க்ஷதி ।

ஸம: ஸர்வேஷு பூ⁴தேஷு மத்³ப⁴க்திம் லப⁴தே பராம் ॥ 18-54॥

ப⁴க்த்யா மாமபி⁴ஜாநாதி யாவாந்யஶ்சாஸ்மி தத்த்வத: ।

ததோ மாம் தத்த்வதோ ஜ்ஞாத்வா விஶதே தத³நந்தரம் ॥ 18-55॥

ஸர்வகர்மாண்யபி ஸதா³ குர்வாணோ மத்³வ்யபாஶ்ரய: ।

மத்ப்ரஸாதா³த³வாப்நோதி ஶாஶ்வதம் பத³மவ்யயம் ॥ 18-56॥

சேதஸா ஸர்வகர்மாணி மயி ஸம்ந்யஸ்ய மத்பர: ।

பு³த்³தி⁴யோக³முபாஶ்ரித்ய மச்சித்த: ஸததம் ப⁴வ ॥ 18-57॥

மச்சித்த: ஸர்வது³ர்கா³ணி மத்ப்ரஸாதா³த்தரிஷ்யஸி ।

அத² சேத்த்வமஹங்காராந்ந ஶ்ரோஷ்யஸி விநங்க்ஷ்யஸி ॥ 18-58॥

யத³ஹங்காரமாஶ்ரித்ய ந யோத்ஸ்ய இதி மந்யஸே ।

மித்²யைஷ வ்யவஸாயஸ்தே ப்ரக்ருʼதிஸ்த்வாம் நியோக்ஷ்யதி ॥ 18-59॥

ஸ்வபா⁴வஜேந கௌந்தேய நிப³த்³த:⁴ ஸ்வேந கர்மணா ।

கர்தும் நேச்ச²ஸி யந்மோஹாத்கரிஷ்யஸ்யவஶோঽபி தத் ॥ 18-60॥

ஈஶ்வர: ஸர்வபூ⁴தாநாம் ஹ்ருʼத்³தே³ஶேঽர்ஜுந திஷ்ட²தி ।

ப்⁴ராமயந்ஸர்வபூ⁴தாநி யந்த்ராரூடா⁴நி மாயயா ॥ 18-61॥

தமேவ ஶரணம் க³ச்ச² ஸர்வபா⁴வேந பா⁴ரத ।

தத்ப்ரஸாதா³த்பராம் ஶாந்திம் ஸ்தா²நம் ப்ராப்ஸ்யஸி ஶாஶ்வதம் ॥ 18-62॥

இதி தே ஜ்ஞாநமாக்²யாதம் கு³ஹ்யாத்³கு³ஹ்யதரம் மயா ।

விம்ருʼஶ்யைதத³ஶேஷேண யதே²ச்ச²ஸி ததா² குரு ॥ 18-63॥

ஸர்வகு³ஹ்யதமம் பூ⁴ய: ஶ்ருʼணு மே பரமம் வச: ।

இஷ்டோঽஸி மே த்³ருʼட⁴மிதி ததோ வக்ஷ்யாமி தே ஹிதம் ॥ 18-64॥

மந்மநா ப⁴வ மத்³ப⁴க்தோ மத்³யாஜீ மாம் நமஸ்குரு ।

மாமேவைஷ்யஸி ஸத்யம் தே ப்ரதிஜாநே ப்ரியோঽஸி மே ॥ 18-65॥

ஸர்வத⁴ர்மாந்பரித்யஜ்ய மாமேகம் ஶரணம் வ்ரஜ ।

அஹம் த்வா ஸர்வபாபேப்⁴யோ மோக்ஷயிஷ்யாமி மா ஶுச: ॥ 18-66॥

இத³ம் தே நாதபஸ்காய நாப⁴க்தாய கதா³சந ।

ந சாஶுஶ்ரூஷவே வாச்யம் ந ச மாம் யோঽப்⁴யஸூயதி ॥ 18-67॥

ய இத³ம் பரமம் கு³ஹ்யம் மத்³ப⁴க்தேஷ்வபி⁴தா⁴ஸ்யதி ।

ப⁴க்திம் மயி பராம் க்ருʼத்வா மாமேவைஷ்யத்யஸம்ஶய: ॥ 18-68॥

ந ச தஸ்மாந்மநுஷ்யேஷு கஶ்சிந்மே ப்ரியக்ருʼத்தம: ।

ப⁴விதா ந ச மே தஸ்மாத³ந்ய: ப்ரியதரோ பு⁴வி ॥ 18-69॥

அத்⁴யேஷ்யதே ச ய இமம் த⁴ர்ம்யம் ஸம்வாத³மாவயோ: ।

ஜ்ஞாநயஜ்ஞேந தேநாஹமிஷ்ட: ஸ்யாமிதி மே மதி: ॥ 18-70॥

ஶ்ரத்³தா⁴வாநநஸூயஶ்ச ஶ்ருʼணுயாத³பி யோ நர: ।

ஸோঽபி முக்த: ஶுபா⁴ँல்லோகாந்ப்ராப்நுயாத்புண்யகர்மணாம் ॥ 18-71॥

கச்சிதே³தச்ச்²ருதம் பார்த² த்வயைகாக்³ரேண சேதஸா ।

கச்சித³ஜ்ஞாநஸம்மோஹ: ப்ரநஷ்டஸ்தே த⁴நஞ்ஜய ॥ 18-72॥

        அர்ஜுந உவாச ।

நஷ்டோ மோஹ: ஸ்ம்ருʼதிர்லப்³தா⁴ த்வத்ப்ரஸாதா³ந்மயாச்யுத ।

ஸ்தி²தோঽஸ்மி க³தஸந்தே³ஹ: கரிஷ்யே வசநம் தவ ॥ 18-73॥

        ஸஞ்ஜய உவாச ।

இத்யஹம் வாஸுதே³வஸ்ய பார்த²ஸ்ய ச மஹாத்மந: ।

ஸம்வாத³மிமமஶ்ரௌஷமத்³பு⁴தம் ரோமஹர்ஷணம் ॥ 18-74॥

வ்யாஸப்ரஸாதா³ச்ச்²ருதவாநேதத்³கு³ஹ்யமஹம் பரம் ।

யோக³ம் யோகே³ஶ்வராத்க்ருʼஷ்ணாத்ஸாக்ஷாத்கத²யத: ஸ்வயம் ॥ 18-75॥

ராஜந்ஸம்ஸ்ம்ருʼத்ய ஸம்ஸ்ம்ருʼத்ய ஸம்வாத³மிமமத்³பு⁴தம் ।

கேஶவார்ஜுநயோ: புண்யம் ஹ்ருʼஷ்யாமி ச முஹுர்முஹு: ॥ 18-76॥

தச்ச ஸம்ஸ்ம்ருʼத்ய ஸம்ஸ்ம்ருʼத்ய ரூபமத்யத்³பு⁴தம் ஹரே: ।

விஸ்மயோ மே மஹாந் ராஜந்ஹ்ருʼஷ்யாமி ச புந: புந: ॥ 18-77॥

யத்ர யோகே³ஶ்வர: க்ருʼஷ்ணோ யத்ர பார்தோ² த⁴நுர்த⁴ர: ।

தத்ர ஶ்ரீர்விஜயோ பூ⁴திர்த்⁴ருவா நீதிர்மதிர்மம ॥ 18-78॥

ௐ தத்ஸதி³தி ஶ்ரீமத்³ப⁴க³வத்³கீ³தாஸூபநிஷத்ஸு

ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருʼஷ்ணார்ஜுநஸம்வாதே³

மோக்ஷஸம்ந்யாஸயோகோ³ நாம அஷ்டாத³ஶோঽத்⁴யாய: ॥ 18॥

          ॥ ஶ்ரீ பரமாத்மநே நம: ॥

॥ ப⁴க³வத்³கீ³தா மாஹாத்ம்யம் ॥

த⁴ரோவாச ।

ப⁴க³வந்பரேமேஶாந ப⁴க்திரவ்யபி⁴சாரிணீ ।

ப்ராரப்³த⁴ம் பு⁴ஜ்யமாநஸ்ய கத²ம் ப⁴வதி ஹே ப்ரபோ⁴ ॥ 1॥

            ஶ்ரீ விஷ்ணுருவாச ।

ப்ராரப்³த⁴ம் பு⁴ஜ்யமாநோ ஹி கீ³தாப்⁴யாஸரத: ஸதா³ ।

ஸ முக்த: ஸ ஸுகீ² லோகே கர்மணா நோபலிப்யதே ॥ 2॥

மஹாபாபாதி³பாபாநி கீ³தாத்⁴யாநம் கரோதி சேத் ।

க்வசித்ஸ்பர்ஶம் ந குர்வந்தி நலிநீத³லமம்பு³வத் ॥ 3॥

கீ³தாயா: புஸ்தகம் யத்ர யத்ர பாட:² ப்ரவர்ததே ।

தத்ர ஸர்வாணி தீர்தா²ணி ப்ரயாகா³தீ³நி தத்ர வை ॥ 4॥

ஸர்வே தே³வாஶ்ச ருʼஷயோ யோகி³ந: பந்நகா³ஶ்ச யே ।

கோ³பாலா கோ³பிகா வாபி நாரதோ³த்³த⁴வபார்ஷதை:³ ॥

ஸஹாயோ ஜாயதே ஶீக்⁴ரம் யத்ர கீ³தா ப்ரவர்ததே 5॥

யத்ர கீ³தாவிசாரஶ்ச பட²நம் பாட²நம் ஶ்ருʼதம் ।

தத்ராஹம் நிஶ்சிதம் ப்ருʼத்²வி நிவஸாமி ஸதை³வ ஹி ॥ 6॥

கீ³தாஶ்ரயேঽஹம் திஷ்டா²மி கீ³தா மே சோத்தமம் க்³ருʼஹம் ।

கீ³தாஜ்ஞாநமுபாஶ்ரித்ய த்ரீம்லோகாந்பாலயாம்யஹம் ॥ 7॥

கீ³தா மே பரமா வித்³யா ப்³ரஹ்மரூபா ந ஸம்ஶய: ।

அர்த⁴மாத்ராக்ஷரா நித்யா ஸ்வாநிர்வாச்யபதா³த்மிகா ॥ 8॥

சிதா³நந்தே³ந க்ருʼஷ்ணேந ப்ரோக்தா ஸ்வமுக²தோঽர்ஜுநம் ।

வேத³த்ரயீ பராநந்தா³ தத்த்வார்த²ஜ்ஞாநஸம்யுதா ॥ 9॥

யோঽஷ்டாத³ஶஜபோ நித்யம் நரோ நிஶ்சலமாநஸ: ।

ஜ்ஞாநஸித்³தி⁴ம் ஸ லப⁴தே ததோ யாதி பரம் பத³ம் ॥ 10॥

பாடே²ঽஸமர்த:² ஸம்பூர்ணே ததோঽர்த⁴ம் பாட²மாசரேத் ।

ததா³ கோ³தா³நஜம் புண்யம் லப⁴தே நாத்ர ஸம்ஶய: ॥ 11॥

த்ரிபா⁴க³ம் பட²மாநஸ்து க³ங்கா³ஸ்நாநப²லம் லபே⁴த் ।

ஷட³ம்ஶம் ஜபமாநஸ்து ஸோமயாக³ப²லம் லபே⁴த் ॥ 12॥

ஏகாத்⁴யாயம் து யோ நித்யம் பட²தே ப⁴க்திஸம்யுத: ।

ருத்³ரலோகமவாப்நோதி க³ணோ பூ⁴த்வா வஸேச்சிரம் ॥ 13॥

அத்⁴யாயம் ஶ்லோகபாத³ம் வா நித்யம் ய: பட²தே நர: ।

ஸ யாதி நரதாம் யாவந்மந்வந்தரம் வஸுந்த⁴ரே ॥ 14॥

கீ³தாயா: ஶ்லோகத³ஶகம் ஸப்த பஞ்ச சதுஷ்டயம் ।

த்³வௌ த்ரீநேகம் தத³ர்த⁴ம் வா ஶ்லோகாநாம் ய: படே²ந்நர: ॥ 15॥

சந்த்³ரலோகமவாப்நோதி வர்ஷாணாமயுதம் த்⁴ருவம் ।

கீ³தாபாட²ஸமாயுக்தோ ம்ருʼதோ மாநுஷதாம் வ்ரஜேத் ॥ 16॥

கீ³தாப்⁴யாஸம் புந: க்ருʼத்வா லப⁴தே முக்திமுத்தமாம் ।

கீ³தேத்யுச்சாரஸம்யுக்தோ ம்ரியமாணோ க³திம் லபே⁴த் ॥ 17॥

கீ³தார்த²ஶ்ரவணாஸக்தோ மஹாபாபயுதோঽபி வா ।

வைகுண்ட²ம் ஸமவாப்நோதி விஷ்ணுநா ஸஹ மோத³தே ॥ 18॥

கீ³தார்த²ம் த்⁴யாயதே நித்யம் க்ருʼத்வா கர்மாணி பூ⁴ரிஶ: ।

ஜீவந்முக்த: ஸ விஜ்ஞேயோ தே³ஹாந்தே பரமம் பத³ம் ॥ 19॥

கீ³தாமாஶ்ரித்ய ப³ஹவோ பூ⁴பு⁴ஜோ ஜநகாத³ய: ।

நிர்தூ⁴தகல்மஷா லோகே கீ³தாயாதா: பரம் பத³ம் ॥ 20॥

கீ³தாயா: பட²நம் க்ருʼத்வா மாஹாத்ம்யம் நைவ ய: படே²த் ।

வ்ருʼதா² பாடோ² ப⁴வேத்தஸ்ய ஶ்ரம ஏவ ஹ்யுதா³ஹ்ருʼத: ॥ 21॥

ஏதந்மாஹாத்ம்யஸம்யுக்தம் கீ³தாப்⁴யாஸம் கரோதி ய: ।

ஸ தத்ப²லமவாப்நோதி து³ர்லபா⁴ம் க³திமாப்நுயாத் ॥ 22॥

               ஸூத உவாச ।

மாஹாத்ம்யமேதத்³கீ³தாயா மயா ப்ரோக்த ஸதாதநம் ।

கீ³தாந்தே ச படே²த்³யஸ்து யது³க்தம் தத்ப²லம் லபே⁴த் ॥ 23॥

    ॥ இதி ஶ்ரீவாராஹபுராணே ஶ்ரீகீ³தாமாஹாத்ம்யம் ஸம்பூர்ணம் ॥

    II  அத² கீ³தாமாஹாத்ம்யம் II

கீ³தாஶாஸ்த்ரமித³ம் புண்யம் ய: படே²த்ப்ரயத: புமாந் ।

விஷ்ணோ: பத³மவாப்நோதி ப⁴யஶோகாதி³வர்ஜித: ॥ 1॥

கீ³தாத்⁴யயநஶீலஸ்ய ப்ராணாயாமபரஸ்ய ச ।

நைவ ஸந்தி ஹி பாபாநி பூர்வஜந்மக்ருʼதாநி ச ॥ 2॥

மலநிர்மோசநம் பும்ஸாம் ஜலஸ்நாநம் தி³நே தி³நே ।

ஸக்ருʼத்³கீ³தாம்ப⁴ஸி ஸ்நாநம் ஸம்ஸாரமலநாஶநம் ॥ 3॥

கீ³தா ஸுகீ³தா கர்தவ்யா கிமந்யை: ஶாஸ்த்ரவிஸ்தரை: ।

யா ஸ்வயம் பத்³மநாப⁴ஸ்ய முக²பத்³மாத்³விநி:ஸ்ருʼதா ॥ 4॥

பா⁴ரதாம்ருʼதஸர்வஸ்வம் விஷ்ணோர்வக்த்ராத்³விநி:ஸ்ருʼதம் ।

கீ³தாக³ங்கோ³த³கம் பீத்வா புநர்ஜந்ம ந வித்³யதே ॥ 5॥

ஸர்வோபநிஷதோ³ கா³வோ தோ³க்³தா⁴ கோ³பால நந்த³ந: ।

பார்தோ² வத்ஸ: ஸுதீ⁴ர்போ⁴க்தா து³க்³த⁴ம் கீ³தாம்ருʼதம் மஹத் ॥ 6॥

ஏகம் ஶாஸ்த்ரம் தே³வகீபுத்ரகீ³தமேகோ

      தே³வோ தே³வகீபுத்ர ஏவ ।

ஏகோ மந்த்ரஸ்தஸ்ய நாமாநி யாநி

      கர்மாப்யேகம் தஸ்ய தே³வஸ்ய ஸேவா ॥ 7॥

ௐ